2 Samuel 17:25 - AHYERƐLƐ KRONGRON

²⁵ Absalom bɔle Amasa safohene maa ɔlale ye lɔen ne noa sili Yoabo gya nu. Né Amasa te Yisraelniɛ biaa bie bɔ bɛfrɛ ye Yitra ɔwa. Sɔ biaa ne, ogyale Nahase awa Abigail bɔ ɔte Yoabo maame Seruya aliɛma brasua ne.

2 Samuel 17:25 Iomraidhean Croise

2 Samuel 17:26

Absalom ne Yisrael koɛhonɛfoɛ nemɔ kyekyele asikyeleɛ wɔ Gileade aseɛ so.

2 Samuel 19:13

Ɛ́mɔsa bɛha behyire Amasa koso kyɛ, ‘Ɛte me dehyeɛ kaenn. Ofi ɛnɛ bɔ ɔkɔ ɔ, sɛ mamva wɔ manzi Yoabo gya nu mammɔ wɔ safohene wɔ me koɛhonɛfoɛ nemɔ aso a, Nyameɛ tua me kerɛ piri paa.’ ”

2 Samuel 19:14

Dawide noa dwirɛ ne hane mmenia bɔ bɛwɔ Yuda amukoraa bɔle nu maa bɛyɛle ko, na bɛmaa beesele Nana Dawide kyɛ, “Sa bra, ɛne wɔ somvoɛ amukoraa.”

2 Samuel 20:4

Afei Nana Dawide sele Amasa kyɛ, “Mema wɔ ɛlɛsa. Fa boaboa Yudafoɛ noa maa bɛbra me wa, na wɔ koso bra bie.”

1 Ahemvo 2:28

Mmerɛ bɔ Yoabo tele sɔ dwirɛ nen (Yoabo gyinane Adoniya si, nakoso wangyina Absalom si), Yoabo nwati hɔle AWURADE ɛtena sua ne anu, na ɔsosɔle afɔleɛ bokyea mmɛen nemɔ anu.

1 Ahemvo 2:32

Mogya ahoroɔ bɔ benni fɔ bɔ wahã wagua ne, AWURADE kɔmaa ɔkɔbɔ ye bɔbɔ ye ti so. Ofikyɛ ɔhwene ngrandɛ huni mmienzua nyɔ bɔ bɛtengyɛ ná bɛte paa bɛtra ye ɔ, wɔ mmerɛ bɔ né me baba Dawide ɔnze ye nwo hwee ɔ. Bɛ yeɛ ole Nɛɛ awa Abenɛ bɔ né ɔte Yisrael koɛhonɛfoɛ safohene, ɔne Yeta awa Amasa, bɔ né ɔte Yuda koɛhonɛfoɛ safohene ne.

1 Ahemvo 2:5

“Afei koso, wɔ bɔbɔ ɛse edwirɛ bɔ Seruya awa Yoabo fa lili me ɔ. Nɛɛ awa Abenɛ ne Yeta awa Amasa, bɔ bɛte Yisrael safohene nyɔ ne, enwuni atee bɔ ɔfale bɛ fale so ɔ. Mogya bɔ Abenɛ ne Amasa bɛhã beguale wɔ koɛ nu ne, Yoabo tɔle bɛ so wereɛ wɔ asomdwee mmerɛ nu, na ɔmane koɛ mogya hane abɔsoɛ bɔ ɔbɔ ye yaase ɔne mmaboa bɔ owura ye ɔ.

1 Aberɛso Dwirɛ 12:19

Mmerɛ bɔ Dawide ne Filistifoɛ bɛfale koɛ bɛɛtoale Sɔɔlo ne, Manase koɛhonɛfoɛ nemɔ bie nwati fili Yisrael koɛhonɛ kure ne anu bɛɛbokale Dawide so. (Nakoso Dawide wammoka Filistifoɛ nemɔ, ofikyɛ Filisti mbanyi dwenene ye nwo bɛfoane Dawide. Bɛnwa, “Sɛ Dawide yakyi yɛ nu kodi ye mene Sɔɔlo si a, ɔkɔmaa yɛkɔfa yɛ ngoa yɛkɔpɛ so.”)

1 Aberɛso Dwirɛ 2:13

Yese mma nemɔ, bamuɛbaa ole Eliabo, Abinadabo tɔ so nyɔ, yeɛ Simea tɔ so nza,