2 Samuel 17:23 - AHYERƐLƐ KRONGRON

²³ Na Ahitofel nwuni kyɛ bamva ye foɛ bɔ watu nen, ɔfale ye nningyein tale ye afunum si, na osili nu hɔle ye awuro wɔ ye kuro. Ɔtotole ye si yé, na afei ɔɔbɔle ye kɔme. Owuli, na besiele ye wɔ ye baba asieleɛ nu.

2 Samuel 17:23 Iomraidhean Croise

2 Samuel 15:12

Na mmerɛ bɔ Absalom gu so ɔbɔ afɔleɛ nen, ɔsomane maa bɛɛfale Giloniɛ Ahitofel befili ye kuro Gilo bɛwale. Né ɔte Dawide foɛtulɛniɛ. Na Dawide ti so porɛbɔlɛ ne hɔle so, yiti mmenia hɔle so bɛfale bɛ nwo bɛbɔle Absalom.

2 Samuel 15:31

Yeɛ ebie bɔle Dawide amaneɛ kyɛ, mmenia bɔ bɛ ne Absalom babɔ ye ti so porɛ ne, Ahitofel boka so. Na Dawide sele kyɛ, “AWURADE, mesrɛ wɔ, ma Ahitofel foɛtulɛ ne ɔyɛ ngwaseaa foɛtulɛ.”

2 Samuel 16:23

Sɔ mmerɛ ne, né Ahitofel foɛ biala bɔ otu ne, né ɛnwa nzɛ ɔte Nyameɛ noa dwirɛ. Yiti né Dawide ne Absalom bɛndoto Ahitofel foɛtulɛ biala ase koraa.

2 Samuel 17:22

Yeɛ Dawide ne ɛlɔen amukoraa bɔ bɛboka ye so ne, besili nu bɛɛpɛle asue Yɔɔdan. Na aleɛ hyene ne, né bɛ nu biala apɛ asue Yɔɔdan.

1 Ahemvo 16:18

Simri nwuni kyɛ koɛhonɛfoɛ nemɔ bali kuro ne aso ngonim ne, oowurale ahemvie berɛ abandenden ne anu. Ɔtole ahemvie ne anu see maa ɔyerale ahemvie ne ne ye bɔbɔ maa owuli.

2 Ahemvo 20:1

Sɔ mmerɛ ne, anwonyerɛ bɔle Hesekia bɔ né ɔla awusu ɔ. Na ngɔmhyɛlɛniɛ Yesaya bɔ ye baba ole Amoso ne, ɔwale Hesekia berɛ oosele ye kyɛ, “AWURADE nwa nyoo, ‘Toto wɔ si yé, ofikyɛ ɛbaawu, na ɛngɔte apɔ.’ ”

YOB NWOMAA NE 31:3

Mmenia bɔ bɛndengyɛ ne, aso nna bɛ yeɛ edwirɛ to bɛ ɔ, aso nna amumuyɛɛfoɛ yeɛ asane to bɛ ɔ?

Edwein 109:20

Bɛ bɔ bɛto me soen ne bɛ bɔ bɛkã me nwo dwirɛ tɛɛ ne, maa ɛhe ɔyɛ b’akatuaa bɔ ofi AWURADE berɛ ɔ.

Edwein 5:10

Ao Nyameɛ, ma bɛ bɔne ɔbɔ bɛ ti so, na bɛ bɔbɔ bɛ ngaen bɔ basua ne, maa ɔhye bɛ. Bɛ mmeraatolɛ worawora ne ati, foa bɛ fi wɔ nyunu, ofikyɛ bayɛ wɔ nwo lɔen.

Edwein 55:23

Nakoso wɔ, ao Nyameɛ, ekofindi bɛ kogua ewue kumaa ne abo dɔ; kodiawufoɛ ne ngondombofoɛ de, bengoli b’aseɛ ye aso ngoa ye bue po. Nakoso me de, mefa me wora mewura wɔ nu.

Anyandera 16:18

Anwomasoɛ ne ɛsɛkyelɛ yeɛ bɛnate ɔ, yeɛ ahandaen ne asetɔlɛ yeɛ bɛnate ɔ.

Anyandera 19:3

Sona bɔbɔ ye gyiminɛ yeɛ ɔma ye ayieleɛ yie ye ɔ, nakoso ɔpɛ ye nwo fɛ AWURADE so yaa.

Yesaya 38:1

Sɔ mmerɛ ne anu, anwonyerɛ bɔle Hesekia bɔ né ɔla awusu ɔ. Na ngɔmhyɛlɛniɛ Yesaya bɔ ye baba ole Amoso ne, ɔwale Hesekia berɛ oosele ye kyɛ, “AWURADE nwa nyoo: Toto wɔ si yé, ofikyɛ ɛbaawu, na ɛngɔte apɔ.”

Mateo 27:5

Na ɔtole ɛdwetɛ ne guale asɔneyɛɛ sua ne anu berɛ, ofili berɛ hɔle, na ɔɔbɔle ye kɔme.