2 Samuel 17:14 - AHYERƐLƐ KRONGRON

¹⁴ Yeɛ Absalom ne Yisraelfoɛ amukoraa besele kyɛ, “Akiniɛ Husae foɛ ne, ɔte paa tra Ahitofel deɛ ne.” Ofikyɛ né AWURADE ahyehyɛ kyɛ ɔkɔma Ahitofel foɛ bɔ ɔte paa ne kɔyɛ mbaen, amaa ɔnate so AWURADE aprapra amaneɛ wagua Absalom so.

2 Samuel 17:14 Iomraidhean Croise

Gyenesise 32:28

Na osele Yakob kyɛ, “Bɛngɔfrɛ wɔ Yakob ko, na mmom Yisrael, ofikyɛ ɛne Nyameɛ ne mmenia apereapereɛ so, na ali ngonim.”

2 Samuel 15:31

Yeɛ ebie bɔle Dawide amaneɛ kyɛ, mmenia bɔ bɛ ne Absalom babɔ ye ti so porɛ ne, Ahitofel boka so. Na Dawide sele kyɛ, “AWURADE, mesrɛ wɔ, ma Ahitofel foɛtulɛ ne ɔyɛ ngwaseaa foɛtulɛ.”

2 Samuel 15:34

Nakoso sɛ esa kɔ kuro nu dɔ, ná ɛkã kyire Absalom kyɛ, ‘Nana Absalom, ngɔyɛ wɔ somvoɛ, kyɛbɔ mmerɛ bie bɔ wapɛ nu ɔ nyɛle wɔ baba somvoɛ nen, sɔ ala yeɛ ngɔyɛ wɔ somvoɛ ɔ’ a, ye de ɛkɔbɔ Ahitofel foɛtulɛ ne kogua kɔma me.

2 Samuel 16:23

Sɔ mmerɛ ne, né Ahitofel foɛ biala bɔ otu ne, né ɛnwa nzɛ ɔte Nyameɛ noa dwirɛ. Yiti né Dawide ne Absalom bɛndoto Ahitofel foɛtulɛ biala ase koraa.

2 Aberɛso Dwirɛ 10:15

Yiti Nana Rehoboam wanne maen ne dwirɛ ne wando nu, ofikyɛ nningyein bɔ né ɔkɔ so ne, né ofi Nyameɛ, amaa ɔnate so, AWURADE dwirɛ bɔ ɔnate Silonniɛ Ahiya so hã hyirele Nebate awa Yeroboam ne, wawa nu.

2 Aberɛso Dwirɛ 10:8

Nakoso foɛ bɔ mbanyi nemɔ tuli ye ne, ɔfa tole ahameɛ. Na mmerandeɛ bɔ ɔne bɛ bɔ tipɛen bɔ ɔne bɛ tu nu, bɔ né baayɛ ye foɛtulɛfoɛ ne, ɔne bɛ dwenene edwirɛ ne anwo.

2 Aberɛso Dwirɛ 25:16

Nakoso ngɔmhyɛlɛniɛ ne noa wɔ so bɔ odwudwo ne, Nana Amasia sele ye kyɛ, “Nwa yeɛ ɔyɛle wɔ Nana ye tufohene ɔ? Ka wɔ noa to nu. Wanyɛ sɔ a, ngohũ wɔ.” Yiti ngɔmhyɛlɛniɛ ne yakyili ngɔm ne hyɛlɛ, nakoso osele kyɛ, “Me de mese kyɛ Nyameɛ pena kyɛ oku wɔ ɔ, ɔnate bɔ ayɔ ɔ, ɔne kyɛ andie me foɛtulɛ ne ati.”

2 Aberɛso Dwirɛ 25:20

Nakoso Amasia wandɛ ye so. Ofikyɛ né Nyameɛ yeɛ opiapia bɛ ɔ, amaa ɔnate so wafa bɛ wawura pɔfoɛ mɔ sa, ɔnate Edom mmosoen bɔ Yudafoɛ bɛɛsɔnene bɛ ne ati.

Nehemia 4:15

Na yɛ pɔfoɛ mɔ tele kyɛ yate bɛ porɛ bɔ babɔ ne, na afei Nyameɛ ama bɛ nzusuleɛ ayɛ mbaen ne, yɛ mukoraa yɛsa yɛhɔle fasue ne anwo, na ebiala ɔɔtoale ye adwuma so.

YOB NWOMAA NE 12:17

Ɔma foɛtulɛfoɛ bɛ nworɛ fi bɛ ti anu, yeɛ ɔma ndɛenbualɛfoɛ bɛyɛ ngwaseaa.

Edwein 9:15

Kumaa bɔ maen maen mɔ batu ne, batete bagua nu; ngaen bɔ besuale bɛfa bɛfeale ne, wasɔ bɛ bɔbɔ bɛ gya.

Edwein 9:16

AWURADE nate ye ndɛen turoloo bɔ obua ne aso waye ye nwo ali wahyire; wama bɔnefoɛ bɛ bɔbɔ bɛ yɔleɛ wayɛ ngaen wahye bɛ.

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Anyandera 19:21

Kuro sona fa ye adwene yɛ nhyehyɛleɛ pee, nakoso bɔ AWURADE ahyehyɛ ne yeɛ okogyina ɔ.

Anyandera 21:30

Nworɛ anaa nimdeɛ anaa foɛtulɛ biala nne berɛ bɔ ɔkɔhora kogyina AWURADE nyunu ɔ.

Yesaya 8:10

Ɛmɔ de, ɛmɔhɔ agyina, nakoso ɔkɔyɛ mbaen, ɛ́mɔbɔ porɛ, nakoso ɔngɔyɛ yee, ofikyɛ Nyameɛ ne yɛ yeɛ yɛwɔ berɛ ɔ.

Awuye 3:37

Nwa yeɛ ɔkã maa ɔba nu wɔ aberɛ bɔ nna AWURADE yeɛ wahyehyɛ ye sɔ ɔ?

Amose 9:3

Sɛ bɛkɔfea Kamɛl ti afia dɔ po a, ngɔpena bɛ ngɔye bɛ ngofi dɔ, na sɛ bɛfa bɛ nwo bɛfea me bekowura ɛpo ye bo dɔ po a, dɔ yeɛ ngɔfa ahyɛdeɛ ngɔma ewoo maa ɔkɔkekã bɛ ɔ.

Luka 16:8

Na meneɛ ne kamvole hwɛsoniɛ bɔ onni nahorɛ ne, kyɛ wafa nworɛ wato bɔ wayɔ ne anwo. Ofikyɛ, wiase he anu ama bɛfa nworɛ atee so bɛyɔ bɛ nningyein wɔ bɛ mmango mɔ nu bɛtra kanea mma nemɔ.”

1 Korintofoɛ 3:19

Na ewiase nworɛ te ngwaseasɛm wɔ Nyameɛ nyunu, ofikyɛ bahyerɛ kyɛ, “Nworɛfoɛ bɛ bɔbɔ bɛ kanda yeɛ ɔfa sua bɛ ngaen kye bɛ ɔ.”

Deuteronomi 2:30

Nakoso Hesebon hene Sihon wambene kyɛ yɛkɔfa ye aseɛ aso ɔ, ofikyɛ AWURADE wɔ Nyameɛ mane ye so yɛle se, maa obubuli mmakaa tuale ye so, amaa ɔnate so wafa ye wawura wɔ sa, kyɛbɔ kekesaala ye wayɔ ye.

Yosua 11:20

Ofikyɛ AWURADE yeɛ ɔmaa bɛyɛle asoserɛ ɔ, kyɛbɔ ɔkɔyɛ bɔ bɛ ne Yisraelfoɛ bɛkɔho koɛ ɔ, amaa ɔnate so Yisraelfoɛ ahũhũ bɛ bɔkɔɔ bama bɛ boso anua, bɔ bengonwu bɛ anwumvoin ɔ, kyɛbɔ AWURADE hyɛle Mose nen.