2 Samuel 17:10 - AHYERƐLƐ KRONGRON

¹⁰ Sɛ ɔba ye sɔ a, koɛhonɛniɛ bɔ ye ahone yɛ se te kyɛ gyata ne po, ɔkɔbɔ fuin. Ofikyɛ Yisraelfoɛ amukoraa bɛse kyɛ wɔ baba te koɛhonɛniɛ, yeɛ ye mmenia nemɔ koso bɛte koɛhonɛfoɛ ahoneserɛfoɛ.

2 Samuel 17:10 Iomraidhean Croise

Gyenesise 49:9

Yuda te gyata akrɔngrɔma, bɔ eku ngaka di ná esa bada wɔ boso ɔ. Okunduni, na obutuli berɛ kyɛ gyata, ɔte kyɛ gyata beleɛ; nwa yeɛ onzuro bɔ okotingye ye ɔ?

2 Samuel 1:23

“Sɔɔlo ne Yonatan, anwonyemenefoɛ bɔ mmenia kuro bɛ dwirɛ ɔ! Bɛ ngoa nu oo, bɛ wue nu oo, b’afia andete. Né bɛ nwo yɛ nyera tra kɔleɛ, bɛ nwo yɛ se tra gyata.

2 Samuel 17:9

Na kekesaala ye po, waafea kumaa bie anu, anaa nekaa bie. Sɛ yɛfa koɛ yɛkɔɔtoa bɛ, ná yɛ koɛhonɛfoɛ nemɔ bie totɔ a, ye de ebiala bɔ ɔkɔte ne, ɔkɔha kyɛ, ‘Mmenia bɔ beli Absalom si ne, batotɔ.’

2 Samuel 23:20

Yehoada awa Benaya bɔ ofi Kabeseel ne, né ɔte koɛhonɛniɛ ahoneserɛniɛ bɔ ye hue yɛ se paa wɔ nningyein pee anu ɔ. Ohuni Moabofoɛ nyɔ bɔ b’ahone yɛ se te kyɛ gyata ɔ. Asa koso, oohuni gyata wɔ abura bie anu ɛlɛho bie bɔ né asukɔtwea tɔ gua ɔ.

Edwein 89:19

Mmerɛ bie, ɛnate nyekyire so dwudwo hyirele wɔ nahorɛniɛ ne kyɛ, “Mafa mmokalɛ mama ebie bɔ ye nwo yɛ se ɔ, na sona bɔ maneanea maen ne anu maye ye ne, mapagya ye.

Ɛksadɔso 15:15

Afei Edom ahemvo mɔ babɔ fuin; ɛserɛ aha Moabo atitirefoɛ; na bɛ bɔ bɛte Kanaan amukoraa b’ahone atu.

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Edwein Nu Dwein 3:7

Nea ye sɛko ne, Solomon deɛ ne ɔ! Mmienzua anwoserɛfoɛ aburasia yeɛ bapɛ ye nwo bayia ɔ, befi Yisrael mmienzua anwoserɛfoɛ nu.

Yesaya 13:7

Yiti asaa mukoraa nu kohodwo, ahunundetelɛ kɔtɔ sona biala so,

Yesaya 19:1

Misraim nwo nyekyire. Tie, AWURADE te munungum bɔ ye nwo yɛ nyera ɔ so ɔ́ba Misraim. Misraim mmosoen mɔ nwo kɔhã bɛ tɛtɛtɛtɛ wɔ ye nyunu, na ahunundetelɛ kɔtɔ Misraim so.

Hesekiel 21:15

Mafa ngrandɛ anoa nnaennaen magyinagyina bɛ pambim amukoraa nu, amaa ɔnate so ahunundetelɛ atɔ bɛ so, ná b’amaneɛnwunɛ ayɛ pee. Ah! ɔte yerɛmyerɛm kyɛ agralaa, na bahwi ye nwo bɔ bɛbaafa bekũkũ ɔ.

Deuteronomi 1:28

Nisua paa yeɛ yɛkɔ ye? Y’eliɛma mɔ amaneɛ bɔ bɛɛbɔle ne ama y’ahone atu. Bɛnwa: ‘Mmenia nemɔ mbiri ne bɛ ndendenn tra yɛ; nguro nemɔ te mbiri, na bale bɛ nwo waen bahɔ anwuro anwuro paa. Yɛnwuni Anake ye bosofoɛ po wɔ berɛ!’ ”

Hebrifoɛ 11:34

benuane see wuronyiwuronyi, benyane bɛ ti ngoa bɔ bandotɔ ngrandɛ noa ɔ, benyane anwoserɛ befili mmerɛyɛlɛ nu, bɛ nwo yɛle se wɔ koɛ nu, na bɛfoane amanvrafoɛ asraafoɛ maa bɛnwatili.

1 Samuel 16:18

Na mmerandeɛ nemɔ anu ko buale kyɛ, “Manwu Betlehemniɛ Yese ɔwa bienzua bie kyɛ ɔse ye bɔ paa. Ɔte ahoneserɛniɛ, koɛhonɛniɛ, ye noa ate, ye nwo yɛ nyemene, na AWURADE gyi ye si.”

1 Samuel 18:17

Afei Sɔɔlo sele Dawide kyɛ, “Nea, mma brasua panyi Merabo ɛhe. Ngɔfa ye ngɔmaa ekogya, nakoso sana etu wɔ nwo sie berɛ ma me, ná ɛko AWURADE koɛ ne.” Né Sɔɔlo adwene ole kyɛ, “Me de, mengɔfa me sa mengɔhã ye; Filistifoɛ yeɛ mekuro kyɛ beku ye ɔ.”