2 Samuel 16:8 - AHYERƐLƐ KRONGRON

⁸ Sɔɔlo bɔ atu ye ali ye bia ne, ye abusuafoɛ mogya mukoraa bɔ aha agua ne, AWURADE atua wɔ so kerɛ! AWURADE ale ahennie ne wafi wɔ sa nu wama ɛwa Absalom. Abue yeɛ wabu wɔ ɔ, ofikyɛ ɛte kodiawuniɛ!”

2 Samuel 16:8 Iomraidhean Croise

2 Samuel 1:16

Na Dawide sele ye kyɛ, “Wɔ mogya kɔbɔ wɔ bɔbɔ wɔ ti so, ofikyɛ wɔ bɔbɔ ato wɔ noa nu tui aha abua wɔ nwo fɔ kyɛ, ‘Me yeɛ nguni sona bɔ AWURADE apopa ye ngoo ne ɔ.’ ”

2 Samuel 19:19

na osele Nana Dawide kyɛ, “Me mene, mesrɛ wɔ ala, nnɛnea me bɔne bɔ mayɔ ɔ. Nana, me mene, mvomsoɛ bɔ w’akoaa nyɔle ye kyẽa bɔ efili Yerusalem ne, mesrɛ wɔ, bu wɔ nye gua so. Nana, nnɛfa sie wɔ ti anu.

2 Samuel 19:21

Na Seruya awa Abisae buale kyɛ, “Aso ɔnzɛ kyɛ beku Simei anaa? Ofikyɛ ɔborole sona bɔ AWURADE apopa ye ngoo ne amoen.”

2 Samuel 21:1

Mmerɛ bie, ɛhɔen piri bie wale toonn afoɛ nza wɔ Dawide aberɛ so. Dawide fa tole AWURADE nyunu, na AWURADE buale ye kyɛ, “Mogya nwo foɛlilɛ la Sɔɔlo ne ye awuro ama so, ɔnate kyɛ ohuhuni Gibeonfoɛ.”

2 Samuel 21:9

na ɔfale bɛ wurale Gibeonfoɛ sa. Na Gibeonfoɛ bɔle mmenia nzoo ne bɛ kɔme wɔ bokaa ne aso wɔ AWURADE nyunu. Mmenia nzoo ne amukoraa, bewu bɛbɔle nu. Ayuo telɛ dwuli ne, bɛhyɛle ye bo kyɛ bɛte ne ala yeɛ behuni bɛ ɔ.

1 Ahemvo 2:8

Benyaminniɛ Gyera bɔ ofi Bahurim ne, ɔwa Simei koso de, nnɛma wɔ wora fi ye. Kyẽa bɔ yeɛ ngɔle Mahanaim ne, ɔborole me amoen paa. Nakoso mmerɛ bɔ ooyiale me wɔ asue Yɔɔdan nwo ne, mvale AWURADE ndale ndaen ngyirele ye kyɛ, ‘Mengɔfa ngrandɛ mengohu wɔ.’

Edwein 3:2

Mmenia pee bɛkã bekyire me kyɛ, “Ongonya mmokalɛ biala ngofi Nyameɛ berɛ.” Sela

Edwein 4:2

Ao adasa, ɛmɔkogua me nyunu ase maa okoodwu kyinzu? Ɛmɔkoli edwirɛ mbaen mbaen ne ngondombo dwirɛ si maa okoodwu kyinzu? Sela

Edwein 55:3

ɔnate me pɔfoɛ mɔ bɛ dede ne ati, ɔne bɔnefoɛ mɔ bɛ ndaneanyeɛ ne ati. Ofikyɛ bɛmaa menwu amaneɛ, na bele ɛyaa bɛpɔ me.

Edwein 7:4

sɛ mafa bɔne matua sona bɔ ɔne me te asomdwee nu kerɛ, anaakyɛ mafa atee tɛɛ so mafa me pɔfoɛ nningyein a,

Anyandera 26:2

Kyɛbɔ akatipire tu tenatena, ná nandwinoma koso tu kyinikyini ne, sɔ ala yeɛ amoenwaa bɔ olle nyinasoɛ ne ongonzi huu ɔ.

Nyekyire 16:6

Na ɔnate kyɛ bahwie anwoteefoɛ ne ngɔmhyɛlɛfoɛ mogya bagua ne ati, wɔ koso ama bɛ mogya maa bano, na bɔ ɔfata bɛ hɔ ɛne.”

Maenbulɛfoɛ 9:24

Ɛhe sili, amaa ehunɛ bɔ behuni Yerubaal mma mmienzua aburasoo nemɔ ne, banya ye nwo akatuaa; amaa b’eliɛma Abimɛlɛke bɔ ohuni bɛ ne, ɔne Sɛkem mbanyi bɔ begyinane ye si maa ohuni oliɛma nemɔ ne, bɛ mogya abɔ bɛ ti so.