2 Samuel 16:4 - AHYERƐLƐ KRONGRON

⁴ Yeɛ Nana Dawide sele Siba kyɛ, “Ofi ɛnɛ bɔ ɔkɔ ɔ, Mefibosɛte nikyee biala bɔ ole ye ne, wayɛ wɔ deɛ.” Na Siba sele kyɛ, “Nana, me mene, mekoto wɔ. W’adaworoma, do me.”

2 Samuel 16:4 Iomraidhean Croise

2 Samuel 14:22

Yoabo tole ye nwo yele aseɛnwo berɛ, ɔfale ye nyunu butuli berɛ wɔ Dawide nyunu, na ɔsrɛle Nyameɛ saleɛ mane Nana Dawide. Osele kyɛ, “Nana, me mene, ɛnɛ kyẽa ye, wɔ somvoɛ, manwu ye kyɛ ale me ato nu, ofikyɛ Nana, ayɔ wɔ somvoɛ abisadeɛ ama ye.”

2 Samuel 14:4

Braa bɔ ofi Tekoa ne wale Nana Dawide berɛ nen, ɔbɔle ye ti ase kotole ye, na osele kyɛ, “Nana, mesrɛ wɔ, boka me!”

2 Samuel 14:8

Na Nana Dawide sele braa ne kyɛ, “Wɔ de, kɔ w’awuro, na ngɔnea ngosiesie edwirɛ ne ngɔma wɔ.”

2 Samuel 16:3

Na Nana Dawide bisale ye kyɛ, “Wɔ mene awa bienzua ne, ɔwɔ ni?” Yeɛ Siba buale Nana Dawide kyɛ, “Ɔwɔ Yerusalem, na ɔnwa: ‘Ɛnɛ kyẽa ye, Yisrael awuro ama kosa kɔfa me nana ahennie ne kɔma me.’ ”

2 Samuel 16:5

Mmerɛ bɔ Nana Dawide oodwuli Bahurim nen, mvum nu, biaa bie bɔ oli Simei bɔ ofi Sɔɔlo abusua nu wale berɛ. Ye baba ole Gera. Ɔ́ba ne, né ɔ́boro amoen.

2 Samuel 19:27

Nana, me mene, waatoatoa me wahyire wɔ. Nakoso Nana, me mene, wɔ de ɛte kyɛ Nyameɛ abɔfo, yiti bɔ ekuro kyɛ ɛyɔ biala, yɔ.

2 Samuel 9:6

Na Sɔɔlo awa Yonatan ɔwa Mefibosɛte oodwuli Dawide nyunu berɛ ne, ɔfale ye nyunu butuli berɛ anidie nu. Yeɛ Dawide frɛle ye kyɛ, “Mefibosɛte!” Na osurole kyɛ, “Nana, w’akoaa, me ɛhe.”

2 Samuel 9:9

Afei Nana Dawide maa bɛɛfrɛle Siba bɛwale, na osele ye kyɛ, “Nikyee biala bɔ ɔte Sɔɔlo ne ye abusua deɛ ne, mafa mama wɔ mene Sɔɔlo anomaa ne.

Ɛksadɔso 23:8

Nnede fea-ase-ma, ofikyɛ fea-ase-ma ma mbanyi bu bɛ nye gua ndɛen turoloo so, na ɔma mmenia bua bɛ bɔ bedi be ɔ ndɛengyea.

Anyandera 18:13

Sona bɔ ondie edwirɛ nyie koraka né wabua ye nwo bie ne, ɔmaa ɔyɛ kwaseaa, na ogua ye nyunu ase.

Anyandera 18:17

Sona di moa bɔ ye nguro a, ɛnwanzɛ odi be kɔpem kyɛ bɔ ɔne ye bɛbɔ nguro ne kobisabisa ye dwirɛ ɔ.

Anyandera 19:2

Ɔtte mayee mma sona kyɛ nimdeɛ kɔbɔ ye ɔ, yeɛ bɔ otutu amirika yɔ nikyee ne, ɔyɛ mvomsoɛ.

Deuteronomi 19:15

“Sɛ bɛbɔ ebie kwaadu kyɛ wayɔ amumuyɛɛ, anaa wayɔ bɔne bie, ná sɛ edwirɛ ne nwo danzeniɛ te komapɛ twe a, ye de bɛngora mmua sona bɔ babɔ ye kwaadu ne foɛ. Sana mmenia nyɔ anaa nza adanzeɛ yeɛ ɔsɛ kyɛ begyina so bebua edwirɛ ɔ.