2 Samuel 16:23 - AHYERƐLƐ KRONGRON

²³ Sɔ mmerɛ ne, né Ahitofel foɛ biala bɔ otu ne, né ɛnwa nzɛ ɔte Nyameɛ noa dwirɛ. Yiti né Dawide ne Absalom bɛndoto Ahitofel foɛtulɛ biala ase koraa.

2 Samuel 16:23 Iomraidhean Croise

2 Samuel 15:12

Na mmerɛ bɔ Absalom gu so ɔbɔ afɔleɛ nen, ɔsomane maa bɛɛfale Giloniɛ Ahitofel befili ye kuro Gilo bɛwale. Né ɔte Dawide foɛtulɛniɛ. Na Dawide ti so porɛbɔlɛ ne hɔle so, yiti mmenia hɔle so bɛfale bɛ nwo bɛbɔle Absalom.

2 Samuel 15:31

Yeɛ ebie bɔle Dawide amaneɛ kyɛ, mmenia bɔ bɛ ne Absalom babɔ ye ti so porɛ ne, Ahitofel boka so. Na Dawide sele kyɛ, “AWURADE, mesrɛ wɔ, ma Ahitofel foɛtulɛ ne ɔyɛ ngwaseaa foɛtulɛ.”

2 Samuel 17:1

Afei Ahitofel sele Absalom kyɛ, “Maa nye koɛhonɛfoɛ apee buru ne nyɔ, ná mbo Dawide so ɛnɛ kɔngɔen ye.

2 Samuel 17:14

Yeɛ Absalom ne Yisraelfoɛ amukoraa besele kyɛ, “Akiniɛ Husae foɛ ne, ɔte paa tra Ahitofel deɛ ne.” Ofikyɛ né AWURADE ahyehyɛ kyɛ ɔkɔma Ahitofel foɛ bɔ ɔte paa ne kɔyɛ mbaen, amaa ɔnate so AWURADE aprapra amaneɛ wagua Absalom so.

2 Samuel 17:23

Na Ahitofel nwuni kyɛ bamva ye foɛ bɔ watu nen, ɔfale ye nningyein tale ye afunum si, na osili nu hɔle ye awuro wɔ ye kuro. Ɔtotole ye si yé, na afei ɔɔbɔle ye kɔme. Owuli, na besiele ye wɔ ye baba asieleɛ nu.

YOB NWOMAA NE 28:28

Na osele kuro sona kyɛ, ‘Tie, nworɛ ole kyɛ ekosuro AWURADE ɔ, yeɛ nimdeɛ ole kyɛ ɛkɔhwe wɔ nwo kofi bɔne nwo ɔ.’ ”

YOB NWOMAA NE 5:12

Ɔsɛkye kandafoɛ bɛ porɛ bɔ bɛbɔ ɔ, maa ɔnate so bɛngora bɛnyɔ nikyee pasiliwa biala.

Edwein 19:7

AWURADE mmeraa ne te pɛpɛɛpɛ, ɔkanyane sona kra; AWURADE dwirɛ te nahorɛ, na ɔma sona tetekwaa onwu nworɛ.

Edwein 28:2

Tie me sufrɛ wɔ aberɛ bɔ mesu mefrɛ wɔ mepena mmokalɛ ye, wɔ aberɛ bɔ mema me sa so mekɔ anwuro mefa mekyire wɔ nekaa krongron paa berɛ ne.

Nworɛ Dwirɛhanɛniɛ 10:1

Kyɛbɔ nwɔsea fuin ma sona bɔ ɔyɔ sakyeɛfona ye sakyeɛ ne bo mvamva ne, sɔ ala yeɛ ngwaseasɛm kãa bie sɛkye nworɛ ne animnyam ɔ.

Yeremia 4:22

Ofikyɛ me maen te mmenia ngwaseafoɛ, bɛnze me; bɛte mmaa bɔ bagyimi, bɔ belle nimdeɛ koraa ɔ. Babe wɔ bɔne yɔlɛ nu, nakoso nikye paa de, bɛnze ye yɔ.

Yeremia 8:9

Nworɛfoɛ nyunu kogua ase, ahunundetelɛ kɔtɔ bɛ so, ná wahye bɛ. Tie, AWURADE dwirɛ yeɛ bapo ye e, na nzikyɛ nworɛ yeɛ bɛse ɔ?

Numeri 27:21

Nakoso odi kyɛ ɔba ɔsɔfo Eleasa nyunu maa ɔfa Yurim so obisa AWURADE noa dwirɛ ɔma ye wɔ AWURADE nyunu. AWURADE noa dwirɛ so yeɛ odi kyɛ ɔne Yisrael maen ne amukoraa begyina bɛyɔ nikyee biala ɔ.”

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Luka 16:8

Na meneɛ ne kamvole hwɛsoniɛ bɔ onni nahorɛ ne, kyɛ wafa nworɛ wato bɔ wayɔ ne anwo. Ofikyɛ, wiase he anu ama bɛfa nworɛ atee so bɛyɔ bɛ nningyein wɔ bɛ mmango mɔ nu bɛtra kanea mma nemɔ.”

Romanfoɛ 1:22

Bɛdwenene kyɛ bɛse nworɛ, nakoso bɛte ngwaseafoɛ.

1 Petro 4:11

Sɛ ebie dwudwo a, maa ɔhã ye kyɛ Nyameɛ noa dwirɛ ɔ; sɛ ebie ɔyɔ ɛsolɛ adwuma a, maa ɔfa anwoserɛ bɔ Nyameɛ afa ama ye ne ɔso; amaa ɔnate so bafa Yesu Kristo so bahyɛ Nyameɛ animnyam wɔ nningyein amukoraa nu. Ye yeɛ animnyam ne tumi te ye deɛ daa daa ɔ. Amen.

1 Samuel 30:8

Na Dawide bisale AWURADE kyɛ, “Mbo apaabɔlɛfoɛ hemɔ so anaa? Ngɔto bɛ anaa?” Na AWURADE buale ye kyɛ, “Po bɛ so, ɛkɔto bɛ, na mekã mekyire wɔ kyɛ, mmenia bɔ bahye bɛ nnure ne, ekole bɛ.”