2 Samuel 16:22 - AHYERƐLƐ KRONGRON

²² Yiti besili ɛtena sua wɔ sua ne aso anwuro nekaa bɔ basamo ne, na Absalom ne ɔse sómaa nemɔ bɛɛlale bɔ Yisraelfoɛ amukoraa bɛ nye tua ɔ.

2 Samuel 16:22 Iomraidhean Croise

Gyenesise 35:22

Mmerɛ bɔ né Yisrael te sɔ aseɛ ne aso nen, Ruben ne ye baba sómaa Bilha bɛlale, na Yisrael tele sɔ dwirɛ ne. Né Yakob mma mmienzua nemɔ bɛte buru ne nyɔ:

2 Samuel 11:2

Na ɛlɛho bie nɔsoa, Dawide dwɔsole fili nnaa nu. Né ɔnatenate ahemvie berɛ anwuro nekaa bie bɔ basamo so ɔ. Ogyi nzamsoɛ ne aso ne, onwuni kyɛ braa bie obia. Né braa ne nwo yɛ nyemene paa.

2 Samuel 15:16

Yiti Nana Dawide sili nu, bɔ né ye awuro ama amukoraa beli ye si ɔ; sana ye sómaa buru yeɛ ɔyakyili bɛ berɛ kyɛ bɛnea awuro berɛ ɔ.

2 Samuel 20:3

Nana Dawide wale ye ahemvie berɛ wɔ Yerusalem. Ye sómaa buru bɔ ɔyakyili bɛ berɛ kyɛ bɛnea awuro berɛ ne, ɔmaa bɛɛtenane awuro bie anu. Ɔmaa bɛwɛnene bɛ, na ɔbɔle bɛ akɔhoma. Nakoso wamva ye nwo wanga bɛ. Yiti bɛ ngome bɛtenane dɔ alaa kyɛ akunafoɛ maa oodwuli bɛ wue.

Yesaya 3:9

Kyɛbɔ basi bayɛ bɛ nyunu ne, odi adanzeɛ tia bɛ, bɛbɔ bɛ bɔne nwo dawure kyɛ Sodom, bɛmva bɛmvea. Bɛ kra yaakɔ! Ofikyɛ bahwehwe musue babrɛ bɛ nwo.

Yeremia 3:3

Yiti nyenyenzue ne ayakyi tɔlɛ, yeɛ bamborɔ ne koso ɔndɔ ko, nakoso wɔ ndo nwiaa te kyɛ gyanderaniɛ deɛ, na ɛnze fɛrelɛ.

Yeremia 8:12

Akyiwadeɛ nningyein bɔ bɛyɔle ne, aso ɔyɛle bɛ animguaseɛ? Daabi, wanyɛ bɛ nya koraa, bɛ nye ammɔ bɛ dwɛ po. Yiti bɛ koso bɛkɔtotɔ wɔ mmenia bɔ bɛtotɔ nemɔ anu. Mmerɛ bɔ ngɔhwe bɛ so ne, bekowuwu, AWURADE noa dwirɛ ɛne.

Hesekiel 24:7

Ofikyɛ mogya bɔ wahã wagua ne, ɔtɛwɔ nu, ɔhã guale wɔ nyɔbotaen wosee so, wanhwie wangua aseɛnwo maa anweaa angata so.

Numeri 25:6

Berɛ ne ala, bɔ begu so besu wɔ ɛtena sua atenaleɛ anoa nu berɛ ne, Yisraelniɛ bienzua bie ɔɔfale Midianniɛ braa bie oowurale ye ɛtena sua nu. Né Mose ne Yisrael maen ne amukoraa bɛ nye tua ye.

Filipifoɛ 3:19

Bɛ yeɛ b’ayieleɛ te ɛsɛkyelɛ ɔ, bɛ nyameɛ ole bɛ ko, b’animguaseɛ nu yeɛ b’animnyam wɔ ɔ, na aseɛ so nningyein ngome yeɛ bɛdwene ye nwo ɔ.