2 Samuel 16:21 - AHYERƐLƐ KRONGRON

²¹ Na Ahitofel buale Absalom kyɛ, “Wɔ baba sómaa mɔ bɔ wayakyi bɛ berɛ kyɛ bɛnea awuro berɛ ne, ɛne bɛ bɛɛla. Na sɛ Yisraelfoɛ amukoraa bɛte kyɛ agua ɛse anyunu ase pɔtɔɔ a, ɔkɔhyɛ mmenia bɔ begyi wɔ si ne nguraen.”

2 Samuel 16:21 Iomraidhean Croise

2 Samuel 20:3

Nana Dawide wale ye ahemvie berɛ wɔ Yerusalem. Ye sómaa buru bɔ ɔyakyili bɛ berɛ kyɛ bɛnea awuro berɛ ne, ɔmaa bɛɛtenane awuro bie anu. Ɔmaa bɛwɛnene bɛ, na ɔbɔle bɛ akɔhoma. Nakoso wamva ye nwo wanga bɛ. Yiti bɛ ngome bɛtenane dɔ alaa kyɛ akunafoɛ maa oodwuli bɛ wue.

2 Samuel 15:16

Yiti Nana Dawide sili nu, bɔ né ye awuro ama amukoraa beli ye si ɔ; sana ye sómaa buru yeɛ ɔyakyili bɛ berɛ kyɛ bɛnea awuro berɛ ɔ.

Sakaria 8:13

O Yuda awuro ama ne Yisrael awuro ama, kyɛbɔ ɛmɔakakyi amoenwaa dwirɛ wɔ maen maen mɔ nu ne, sɔ ala yeɛ ngole ɛmɔ ngoa ɔ, na ɛmɔkɔyɛ saleɛ. Nnɛma ɛmɔsuro, na mmom ɛ́mɔmia ɛmɔ nye.”

2 Samuel 2:7

Yiti ɛ́mɔgyina pindinn ná ɛ́mɔmia ɛmɔ nye; ofikyɛ ɛmɔ mene Sɔɔlo awu, na Yuda awuro ama bapopa me ngoo bafa me bali bɛ so hene.”

Lewitikɔso 18:8

Nnɛne ɛse aye bɛda; ɛse aye ɛne.

1 Korintofoɛ 5:1

Baahã ye susu amba kyɛ ɛmɔ nu biemɔ bɔ adwaman, bɔ ye sɛso nne ewiasefoɛ po nu ɔ, ofikyɛ ebie fa ye baba aye.

1 Ahemvo 2:22

Yeɛ Nana Solomon buale ye maame kyɛ, “Nzu ati yeɛ ɛsrɛ Sunamniɛ Abisage ma Adoniya ɔ? Nzaade srɛ bia ne koso ma ye e! Ofikyɛ nniɛma panyi ɔ. Nnɛsrɛ ma ye ngome, na mmom srɛ ma ɔsɔfo Abiata ne Seruya awa Yoabo koso!”

1 Ahemvo 2:17

Adoniya toale so kyɛ, “Mesrɛ wɔ, kã kyire Nana Solomon kyɛ ɔfa Sunamniɛ Abisage ma ngya ye, na Nana ngɔhã kyɛ daabi.”

2 Samuel 12:11

AWURADE nwa nyoo: Ngɔma wɔ bɔbɔ w’awuroniɛ kodwɔso kotia wɔ serɛserɛ. Ngole ɛye mɔ ngofi wɔ sa nu bɔ wɔ nye tua ɔ, ngɔfa bɛ ngɔma ebiɛngo bienzua, na ɔne ɛye mɔ kɔla pandann nu eyia ketee.

1 Samuel 27:12

Akise lele Dawide lili, na Akise dwenene kyɛ, “Wama ye nwo ayɛ ye bɔbɔ ye mmenia Yisraelfoɛ ahi paa, yiti ɔkɔyɛ me somvoɛ daa.”

1 Samuel 13:4

Yisrael amukoraa tele kyɛ Sɔɔlo ali Filistifoɛ bɛ koɛhonɛfoɛ atenaleɛ ne aso ngonim. Besa bɛtele kyɛ Filistifoɛ afɛ Yisrael so yaa paa, yiti Yisrael koɛhonɛfoɛ nemɔ bɛɛbokale Sɔɔlo so wɔ Gilgal.

Lewitikɔso 20:11

Bienzua bɔ ɔne ɔse aye bɛkɔla ne, wagua ɔse nyunu ase; odi kyɛ beku bɛ munyɔ: baa ne ɔne braa ne, na bɛ wue kɔbɔ bɛ bɔbɔ bɛ ti so.

Gyenesise 38:16

Yiti ɔhɔle ye nwo berɛ wɔ atee ne anoa, na osele ye kyɛ, “Maa me ne wɔ yɛɛla,” ofikyɛ né ɔnze kyɛ ye sia ne ahɔ ɔ. Tamar bisale ye kyɛ “Sɛ ɛne me da a, nzikyɛ yeɛ ɛkɔfa kɔma me ɔ?”

Gyenesise 35:22

Mmerɛ bɔ né Yisrael te sɔ aseɛ ne aso nen, Ruben ne ye baba sómaa Bilha bɛlale, na Yisrael tele sɔ dwirɛ ne. Né Yakob mma mmienzua nemɔ bɛte buru ne nyɔ:

Gyenesise 34:30

Na Yakob sele Simeon ne Lewi kyɛ, “Ɛmɔahwe edwirɛ piri babrɛ me. Ɛmɔamaa manya ɛpɔen wɔ bɛ bɔ bɛte aseɛ ye asofoɛ ne Kanaanfoɛ ne Perisifoɛ bɛ sa nu. Me nwo mmenia anzo. Na sɛ bɛyɛ ko na bɛboaboa bɛ noa bedwɔso betia me a, bekonua me ne m’awuro ama mukoraa bo.”

Gyenesise 6:4

Na sɔ mmerɛ ne anu, yeɛ ye si ye po, né Nefilifoɛ wɔ aseɛ so. Na ɔwale kyɛ Nyameɛ mma nemɔ bɛɛfale mmenia mma mmrasua nemɔ, na bɛ ne bɛ wowole mmaa. Na sɔ mmaa nemɔ ole daa tete anwoserɛfoɛ, mmenia bɔ belele dumaa ne.

2 Samuel 16:20

Yeɛ Absalom sele Ahitofel kyɛ, “Ɛ́mɔhyire ɛmɔ adwene; nzu yeɛ ɔsɛ kyɛ yɛyɔ ɔ?”

2 Samuel 17:7

Na Husae buale Absalom kyɛ, “Foɛ bɔ Ahitofel atu ye kekesaala ye de, ɔtte mayee.”

2 Samuel 10:6

Amonfoɛ nwuni kyɛ bama Dawide ahone ahu bɛ so paa, yiti betuli ɛbɔfoɛ mɔ maa bɛɛbɔle sɔ mmenia hemɔ paa: Siriafoɛ koɛhonɛfoɛ apee aburanyɔ bɔ bɛnate ase ɔ, bɔ befi Bete Rehobo ne Soba, Maaka hene berɛ koɛhonɛfoɛ apee ko, yeɛ koɛhonɛfoɛ apee buru ne nyɔ bɔ befi Tobo aseɛ so.

2 Samuel 13:5

Yeɛ Yonadabo sele ye kyɛ, “Kɔla wɔ mba ne aso, ná pati yɛ kyɛ ɛnde apɔ. Na sɛ wɔ baba banea wɔ a, ka kyire ye kyɛ, ‘Ma nniɛma Tamar bra ɔɔpena nikyee ma nni. Maa ɔɔyɛ aleɛ ne wɔ me nyunu wa, bɔ me nye tua ɔ, ná ɔtete ma me.’ ”

1 Ahemvo 11:25

Mmerɛ bɔ Solomon di Yisrael hene ne amukoraa, Reson yɛle Yisrael pɔfoɛ, na ɔhale adwene kyɛbɔ Hadade yɔle ne ala. Reson hyili Yisrael, na olili hene wɔ Damasko.