2 Samuel 16:11 - AHYERƐLƐ KRONGRON

¹¹ Na Dawide sele Abisae ne somvoɛ ne amu kyɛ, “Sɛ me kunu ba po ɔpena me ku me a; nzaade bɔ Benyaminniɛ he ɔ́yɔ ye, ɔnyɛ nwanwa! Ɛ́mɔyakyi ye ma ɔboro amoen ne. Ebiaa AWURADE yeɛ waha wahyire ye kyɛ ɔyɔ sɔ ɔ.

2 Samuel 16:11 Iomraidhean Croise

Gyenesise 15:4

Nakoso AWURADE lale ye dwirɛ ali hyirele ye kyɛ, “Nna sɔ akoaa he yeɛ okoli wɔ bia ɔ, na mmom wɔ bɔbɔ ɛwa yeɛ okoli wɔ bia ɔ.”

Gyenesise 45:5

Na afei nnɛmɔma ɛmɔ wora bɔ, yeɛ nnɛma ɛmɔfu bɛ nwo kyɛ ɛmɔtɔnene me maa mmamvitele ɛwa ɔ; ofikyɛ Nyameɛ somane me kyɛ nni ɛmɔ nyunu na nne mmenia ngoa.

2 Samuel 20:1

Biaa bie bɔ bɛfrɛ ye Hyeba, bɔ onni dwirɛ ngɔ kuro so ɔ, né ɔwɔ (Gilgal) berɛ bie. Ɔse ole Benyaminniɛ Bikri. Ohuli totorobɛndo teane nu sele kyɛ, “Yɛ ne Dawide yɛlle hwee yɛnyɔ oo! Yese awa ne, yɛlle agyapadeɛ biala wɔ ye nu oo! Yisraelfoɛ ee, ebiala hɔ ye awuro!”

2 Samuel 7:2

Nana Dawide sele Ngɔmhyɛlɛniɛ Natan kyɛ, “Nea, nde awuro bɔ bafa sida basi ɔ nu, nakoso Nyameɛ alaka ne de, ogyi ɛtena sua nu.”

2 Ahemvo 19:37

Na mmerɛ bɔ ɔsɔne wɔ ye nyameɛ Nisroke asɔneyɛɛ so ne, ye mma mmienzua Adramelɛke ne Saresa bɛfale ngrandɛ behuni ye, na bɛnwati bɛhɔle Ararate maen nu. Na ɔwa bienzua Esa Hadon lili ye bia.

2 Aberɛso Dwirɛ 32:21

Na AWURADE somane abɔfo ko maa oohuhuni koɛhonɛfoɛ atitire nemɔ, safohene nemɔ ne mbanyi amukoraa bɔ bɛwɔ Asiria hene asikyeleɛ ne anu ne. Yiti Senakeribo le animguaseɛ sa hɔle ye bɔbɔ ye maen nu. Oodwuli ye bosoen sua ne anu ne, ye bɔbɔ ye mma bele ngrandɛ behuni ye wɔ berɛ.

Edwein 109:28

Bɛ de bɛnoma, nakoso wɔ de eyira. Sɛ bɛba me so a, ma bɛ nyunu gua ase, nakoso wɔ somvoɛ de, ma ye nye gye.

Hesekiel 14:9

Na sɛ ngɔmhyɛlɛniɛ ne ma ye nwo ate maa bɛlakalaka ye, ná ɔkã dwirɛ a, ye de me AWURADE yeɛ malakalaka sɔ ngɔmhyɛlɛniɛ ne ɔ. Ngɔtengyɛ me sa ngɔhwe ye so, ná mahũ ye mafi me maen Yisrael nu.

Hesekiel 20:25

Afei de, nyele bɛ mane ahyɛdeɛ bɔ ɔtte mayee ɔ, ɔne mmeraa bɔ bengonya ngoa wɔ nu ɔ;

Mateo 10:21

“Aliɛmaa kɔye aliɛmaa kɔma maa bekohu ye, seɛ kɔye baa kɔma, na mmaa kodwɔso kotia awofoɛ maa bekohu bɛ.

1 Samuel 26:19

Nana, me mene, tie wɔ somvoɛ noa dwirɛ. Sɛ AWURADE yeɛ wamaa atu me anyeɛ a, ye de mesrɛ kyɛ ole afɔleɛ ná ɔyakyi. Nakoso sɛ kuro mmenia ahɔ de a, ye de AWURADE tua bɛ kerɛ, ofikyɛ ɛnɛ bafoa me bafi AWURADE agyapadeɛ ne anwo bɔ mengonya bie ɔ. Na bɛnwa: ‘Kɔso nyameɛ foforɛ biemɔ.’