2 Samuel 16:1 - AHYERƐLƐ KRONGRON

¹ Dawide trale bokaa ne ti afia hɔle ye nyunu kãa ne, mvum nu, Mefibosɛte somvoɛ Siba wale ooyiale ye. Ɔfale afunum nyɔ wale. Né bɛso paanoo ɛyaa nyɔ, bobe bɔ babobɔ ye kunguma ɛyaa ko, borɔdoma ɛyaa ko, yeɛ bobe nzaa kɔndoa ko.

2 Samuel 16:1 Iomraidhean Croise

2 Samuel 15:30

Dawide fo hɔle Olive bokaa ne aso. Ɔfo kɔ ne, né osũ, né wakata ye ti so, yeɛ né ye gya gua ase. Mmenia bɔ bɛboka ye so ne amu bɛkatale bɛ ti so, na bɛfale esuɛ yeɛ bɛfo bɛhɔle ɔ.

2 Samuel 15:32

Dawide dwuli bokaa ne ti afia, wɔ nekaa bɔ mmenia sɔne Nyameɛ ne. Na mvum nu, Akiniɛ Husae wale ooyiale ye. Né wasunzua ye ndaadeɛ nu, na né wafa nnɛterɛ koso wayɛ ye ti so.

2 Samuel 19:17

Benyamin abusua kure ne, né nu mmenia apee ko boka Simei so. Siba bɔ ɔte Sɔɔlo abusua nu somvoɛ ne, ye koso ɔboka so, ɔne ye mma mmienzua buru ne nnu ne ye somvoɛ aburanyɔ. Na bɛhane bɛ nwo bɛhɔle asue Yɔɔdan noa dɔ kyɛ bɛkwaayia Nana Dawide.

2 Samuel 19:32

Né Basilae anyi paa. Né wali afoɛ aburawɔtwɛ. Mmerɛ bɔ Nana Dawide wɔ Mahanaim nen, né Basilae yeɛ ɔma ye sa kɔ ye noa ɔ, ofikyɛ né ye sa nu le bie paa.

1 Aberɛso Dwirɛ 12:40

Afei koso, b’eliɛma mɔ bɔ befi dede te kyɛ Yisaka, Sebulɔn ne Nafetali ne, bɛ koso bɛfale aleɛ pee beguale afunum, afupɔngɔ ne nandwie mɔ so bɛwale, ofikyɛ né anigye awa Yisrael. Aleɛ nemɔ ole esam, borɔdoma bɔ babobɔ ye kunguma, bobe bɔ babobɔ ye kunguma, nzaa, ngoo, nandwie yeɛ mmoaen.

Anyandera 18:16

Sona akyɛdeɛ bukye atee ma ye, na ɔmaa onya atee kɔ mmeni titire nyunu.

Yeremia 40:10

Ɛ́mɔtie, me de ngɔtena Misepa ngɔso Kaldeafoɛ bɔ bɛkɔwa yɛ wa ne, na ɛmɔ de, ɛ́mɔboaboa nzaa ne borɔdoma ne ngoo noa. Ɛ́mɔfa bégua ɛmɔ nningyein nu, ná ɛ́mɔtena ɛmɔ nguro bɔ ɛmɔatena so nemɔ aso.”

Yeremia 40:12

yeɛ Yudafoɛ amukoraa befili nekaa amukoraa bɔ bafoa bɛ baagua ne, na besa bɛwale Yuda aseɛ so bɛhɔle Gedalia berɛ wɔ Misepa, na bɛboaboale nzaa ne borɔdoma pee noa.

Amose 8:1

Ɛhe yeɛ AWURADE Nyameɛ ye hyirele me ɔ: na tie, né ɔte borɔdoma bɔ waboro ɔ kɛndɛen ko.

Mika 7:1

Edwirɛ ato me oo! Ofikyɛ mayɛ kyɛ ebie bɔ bate borɔdoma bayie, bɔ bate bobe si ne bayie, bɔ bennya ye mma biribiraa ne bie benni ɔ. Borɔdoma mma bɔ wali moa wasu, bɔ me komvi wɔ so ne, ebie nne berɛ.

1 Samuel 10:3

Efi berɛ toa so kɔ wɔ nyunu, ná ekodwu Tabɔ eluii ne anwo a, ekoyia mmienzua nza wɔ berɛ bɔ bɛkwaasɔne Nyameɛ wɔ Betel ɔ. Ko tira mbɔngye mmaa nza, ko tira paanoo mumua nza, yeɛ ko wora otira bobe nzaa ngomvo ko.

1 Samuel 16:20

Yese fale afunum, na ɔfale aleɛ, bobe nzaa ngomvo ko, ɔne abɔngye ba soale kaka ne, na ɔfa somane ɔwa Dawide maa ɔɔmane Sɔɔlo.

1 Samuel 25:18

Abigail yɛle ndɛndɛ fale paanoo ɛyaa nyɔ, nzaa ngomvo nyɔ, mmoaen nnu bɔ batoto bɛ nwo ɔ, ngyeweɛ graa nnu, bobe bɔ babobɔ ye kunguma ɛyaa ko, ɔne borɔdoma bɔ babobɔ ye kunguma ɛyaa nyɔ. Ɔfa soale afunum nemɔ.