2 Samuel 15:34 - AHYERƐLƐ KRONGRON

³⁴ Nakoso sɛ esa kɔ kuro nu dɔ, ná ɛkã kyire Absalom kyɛ, ‘Nana Absalom, ngɔyɛ wɔ somvoɛ, kyɛbɔ mmerɛ bie bɔ wapɛ nu ɔ nyɛle wɔ baba somvoɛ nen, sɔ ala yeɛ ngɔyɛ wɔ somvoɛ ɔ’ a, ye de ɛkɔbɔ Ahitofel foɛtulɛ ne kogua kɔma me.

2 Samuel 15:34 Iomraidhean Croise

2 Samuel 15:20

Anomasi wa ala yeɛ ɛwale ɔ. Aso ɔfata kyɛ kekesaala ye memaa ɛne yɛ kokyinikyini anaa, wɔ aberɛ bɔ menze nekaa po bɔ mékɔ ɔ? Fa w’abusuafoɛ nemɔ boka wɔ nwo so ná sa kɔ. Mesrɛ kyɛ AWURADE ma enwu ye nahorɛlilɛ ne ye anwumvoinnwunɛ ne.”

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Yosua 8:2

Nikyee bɔ ɛfa yɔle Yeriko ne ye hene nen, sɔ ala yeɛ fa yɔ Aye ne ye hene ɔ. Koɛ nu nzesadeɛ ne nyɛmmoa bɔ bɛwɔ nu ne, bɛ ngome yeɛ ɔsɛ kyɛ ɛmɔfa ɔ. Ma mmenia bɛɛtɛ kuro ne wɔ ye si dɔ.”