2 Samuel 15:30 - AHYERƐLƐ KRONGRON

³⁰ Dawide fo hɔle Olive bokaa ne aso. Ɔfo kɔ ne, né osũ, né wakata ye ti so, yeɛ né ye gya gua ase. Mmenia bɔ bɛboka ye so ne amu bɛkatale bɛ ti so, na bɛfale esuɛ yeɛ bɛfo bɛhɔle ɔ.

2 Samuel 15:30 Iomraidhean Croise

2 Samuel 15:29

Yiti Sadoke ne Abiata fale Nyameɛ alaka ne besa bɛhɔle Yerusalem, na bɛtenane berɛ.

2 Samuel 19:4

Nana Dawide katale ye nyunu, na ɔteane nu suni kyɛ, “Yieee, mma Absalom, Ao Absalom, mma ye, mma ye!”

2 Samuel 19:5

Yeɛ Yoabo wale Nana Dawide berɛ wɔ sua nu, na osele kyɛ, “Wɔ somvoɛ mɔ bɔ ɛnɛ bale wɔ ne wɔ mma mmienzua, wɔ mma mmrasua, ɛye mɔ ne wɔ sómaa mɔ ngoa ne, agua bɛ mukoraa bɛ nyunu ase ɛnɛ.

Ɛseta 6:12

Na ɛhe asi ne, Modekae sa wale ahemvie anoa nu berɛ, nakoso Haman de, ɔfale aworabɔlɛ ne animguaseɛ hane ye nwo hɔle ye awuro.

Edwein 42:3

Me nye moen yeɛ wakakyi m’aleɛ eyia ne kɔngɔen ɔ; daa biala mmenia bisa me kyɛ, “Wɔ Nyameɛ ne, ɔwɔ nisua?”

Edwein 43:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu e? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Hesekiel 24:17

Gua anwongokoɔ konn, yeɛ nnɛsũ sona bɔ wawu ne. Bɔ w’abotire, ná fa wɔ mbaboa wura. Nnɛfa nikyee kata wɔ noa, yeɛ nnɛdi ɛsɛenvoɛ aleɛ.”

Hesekiel 24:23

Ɛmɔkɔbɔ ɛmɔ abotire, yeɛ ɛmɔkowura ɛmɔ mbaboa. Ɛmɔngɔbɔ awuye, yeɛ ɛmɔngosu, na mmom ɛmɔkoli aworabɔlɛ bekonwu ɛmɔ amumuyɛɛ nwo amaneɛ, na ɛmɔkɔpenepene bekohyirehyire ɛmɔ nwo ngoko ngoko.

Sakaria 14:4

Sɔ kyẽa ne, ye gya kogyinagyina Olive bokaa bɔ ɔwɔ Yerusalem ndendeneɛ so wɔ eyia afiteleɛ ne aso. Olive bokaa ne anu kodwa nyɔ kofi eyia afiteleɛ koodwu eyia atɔleɛ maa ɔkɔyɛ bɔnza kandinga paa, maa ɔnate so bokaa ne bue kɔhwe kɔhɔ sorɔ dɔ, ná ye bue koso wahwe wahɔ ngwaen dɔ.

Mateo 5:4

“Bɛ bɔ bɛ wora abɔ ne banya saleɛ, ofikyɛ bɛ yeɛ bɛkɔkyekye bɛ wora ɔ.

Luka 19:29

Na opingyele Betefage ne Betania, bɔ ɔwɔ bokaa bɔ bɛfrɛ ye Olive Bokaa ne anwo nen, ɔsomane ye asuafoɛ nemɔ nyɔ

Luka 19:37

Na opingyele berɛ, nekaa bɔ atee ne torotoro kɔ Olive Bokaa ne anwo nen, asuafoɛ ɛlɔen ne amukoraa bɛhyɛle ye bo belili ahurusi, na bɛbɔle ese bɛyele Nyameɛ ayɛ wɔ anwanwadeɛ mbiri mbiri amukoraa bɔ banwu ye ne anwo,

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,

Luka 21:37

Ɔyɛle ngyerɛkyerɛ daa biala wɔ asɔneyɛɛ sua ne anu, na aleɛ dwo a, né ofi berɛ kɔtena bokaa bɔ bɛfrɛ ye Olive Bokaa ne aso.

Luka 22:39

Yesu fili berɛ, na kyɛbɔ né ɔtaa yɔ ne, ɔhɔle Olive Bokaa ne aso, na ye asuafoɛ nemɔ belili ye si.

Asomafoɛ 1:12

Afei befili Olive Bokaa bɔ opingye Yerusalem ne aso besa bɛhɔle Yerusalem. Ɔte kɔyɛ afofikyẽa ɛnatelɛ atee.

Romanfoɛ 12:15

Ɛmɔ ne bɛ bɔ bɛ nye aha ne nye ha, na ɛmɔ ne bɛ bɔ besu ne besu.

1 Korintofoɛ 12:26

Sɛ akwaa ko nwo kã a, ɔkã bɛ mukoraa. Yeɛ sɛ bɛhyɛ akwaa ko animnyam a, ɔyɛ ye ne akwaa ngaa ne amu fɛ.