2 Samuel 15:23 - AHYERƐLƐ KRONGRON

²³ Dawide ne ye mmenia ne amukoraa, mmerɛ bɔ né bɛse bɛkɔ ne, Yerusalem kurotue ne amu besuni bɛbɔle awuye. Nana Dawide pɛle Kidron bɔnza ne. Na mmenia bɔ bɛboka ye so ne amukoraa pɛle bɔnza ne bɛfale bɛ nye behyirele ɛserɛ ne aso.

2 Samuel 15:23 Iomraidhean Croise

2 Samuel 15:22

Yeɛ Dawide sele Yitae kyɛ, “Nzaade, baasẽ ma yɛhɔ.” Yiti Gitiniɛ Yitae ne ye mmienzua mukoraa ne ye abusua mukoraa bɔ bɛboka ye so ne, bɛɛse bɛhɔle.

2 Samuel 15:28

Ɛ́mɔtie, mékɔ ɛserɛ so apɛleɛ berɛ, na ngɔnwondɛ kɔpem kyɛ me sa kɔhã ɛmɔ ngraa ɔ.”

2 Samuel 16:2

Yeɛ Nana Dawide bisale Siba kyɛ, “Sɔ nningyein hemɔ, ɛfa bayɔ nzu?” Na Siba buale kyɛ, “Afunum nemɔ, méfa mebrɛ Nana awuro ama maa bɛtena so. Paanoo ne ɔne borɔdoma ne, bɛte mmerandeɛ nemɔ deɛ bɔ bekoli ɔ, yeɛ nzaa ne koso ɔte bɛ bɔ bɛ nwo kɔyɛ bɛ hodwoo wɔ ɛserɛ so ne deɛ.”

1 Ahemvo 15:13

Osa tuli ye nana brasua Maaka fili ɛhemmaa bia ne aso, ofikyɛ né Maaka wagyina Asera bosoen dosii bɔ ɔte akyiwadeɛ ɔ. Asa bubuli bosoen ne guale, na ɔyerale ye wɔ Kidron bɔnza ne anu.

1 Ahemvo 2:37

Ofikyɛ kyẽa bɔ ekotu wɔ bo, ná ɛkɔpɛ Kidron bɔnza ne, nwu ye kyɛ wɔ wue alaa ɛne, wɔ musue kɔbɔ wɔ bɔbɔ wɔ ti so.”

2 Aberɛso Dwirɛ 29:16

Asɔfo nemɔ bɛhɔle AWURADE awuro ne kunu dɔ paa kyɛ bɛkwaapete ye nwo. Nningyein amukoraa bɔ bɛ nwo nde bɔ benwuni bɛ wɔ asɔneyɛɛ sua ne anu ne, asɔfo nemɔ yeyele beeguale AWURADE awuro ne afia, na Lewifoɛ nemɔ sesale beeguale Kidron bɔnza ne anu.

Yeremia 31:40

Na efuin ne nzoen bɔnza ne amukoraa, ɔne aseɛ amukoraa bɔ ɔkwaadwu asue Kidron, bɔ ɔkwaadwu Pɔngɔ pambim ne ndweasoɛ so wɔ eyia afiteleɛ so ne, ɔkɔyɛ krongron kɔma AWURADE. Ye bo ngotutu ko, yeɛ bengodwiri bengogua ase ko le.”

Mateo 3:1

Sɔ mmerɛ ne anu, Asubɔlɛniɛ Yohane wale Yudea ɛserɛ so kyɛ ɔkã nzɛmba.

Mateo 3:3

Ye yeɛ ngɔmhyɛlɛniɛ Yesaya hane ye nwo dwirɛ kyɛ, “Ebie tea nu wɔ ɛserɛ so kyɛ, Ɛ́mɔsiesie Awurade atee, ná ɛ́mɔma ye atimbire tengyɛ.”

Luka 1:80

Na akwadaa ne nyini, na ɔyɛle se sunzum nu, na ɔtenane ɛserɛ so maa oodwuli kyẽa bɔ ɔyele ye nwo ali hyirele Yisrael ɔ.

Yohane 18:1

Na Yesu hane sɔ dwirɛ nemɔ nen, ɔne ye asuafoɛ nemɔ bɛɛpɛle asue Kidron; né turo bie wɔ berɛ, na ɔne ye asuafoɛ nemɔ bɛhɔle nu.

Romanfoɛ 12:15

Ɛmɔ ne bɛ bɔ bɛ nye aha ne nye ha, na ɛmɔ ne bɛ bɔ besu ne besu.