2 Samuel 15:18 - AHYERƐLƐ KRONGRON

¹⁸ Ye mbanyi ne amu bɛɛse bɛpɛle nu wɔ ye nyunu. Na Keretifoɛ amu, Peletifoɛ amu, yeɛ Gitifoɛ ɛyaa nzia amu bɔ belili ye si befili Gate ne, bɛ koso bɛɛpɛle nu wɔ ye nyunu.

2 Samuel 15:18 Iomraidhean Croise

2 Samuel 15:17

Nana Dawide sili nu, bɔ né mmenia ne amukoraa beli ye si ɔ, na beegyinane kuro tiwaa sua bie anwo.

2 Samuel 18:2

Dawide hyɛle koɛhonɛfoɛ nemɔ nu kure nza: ɔfale ko wurale Yoabo sa, ɔfale ko wurale Yoabo aliɛma Abisae bɔ oni ole Seruya ne sa, yeɛ ɔfale ko wora wurale Gitiniɛ Yitae sa. Na Nana Dawide sele koɛhonɛfoɛ nemɔ kyɛ, “Me bɔbɔ me ne ɛmɔ yɛkɔhɔ koɛ ne.”

2 Samuel 20:23

Yoabo yeɛ né ɔla Yisrael koɛhonɛfoɛ amukoraa noa ɔ; Yehoada awa Benaya yeɛ né ɔla Keretifoɛ ne Peletifoɛ noa ɔ;

2 Samuel 20:7

Yeɛ Yoabo mmenia nemɔ, Keretifoɛ, Peletifoɛ ne koɛhonɛfoɛ ne amukoraa belili Abisae si, na besili nu befili Yerusalem kyɛ bɛpo Bikri awa Hyeba so.

2 Samuel 6:10

Yiti Dawide anguro kyɛ ɔkɔfa AWURADE alaka ne ɔkɔ ye awuro wɔ Dawide kuro ne anu, na mmom Dawide makye fale alaka ne hɔle Gitiniɛ Obɛde Edom awuro.

2 Samuel 8:18

Né Yehoada awa Benaya ɔte Keretifoɛ ne Peletifoɛ so safohene; yeɛ né Dawide mma mmienzua nemɔ bɛte maen mbanyi.

1 Ahemvo 1:38

Yiti ɔsɔfo Sadoke, ngɔmhyɛlɛniɛ Natan ɔne Yehoada awa Benaya, yeɛ Keretifoɛ ne Peletifoɛ ne, bɛɛfale Solomon bɛtenane Nana Dawide afunum ne aso, na bɛfale ye bɛhɔle mbombonzue Gihon nwo.

1 Aberɛso Dwirɛ 18:17

Né Yehoada awa Benaya ɔte Keretifoɛ ne Peletifoɛ so safohene; yeɛ né ye mma mmienzua nemɔ bɛte ye ahemvie berɛ mbanyi.

1 Samuel 23:13

Na Dawide ne ye mmenia nemɔ bɔ bɛte kɔyɛ ɛyaa nzia ne, befili Keila bɛhɔle, na bɛfale bɛ ti bɛbɔle buro. Na Sɔɔlo tele kyɛ Dawide anwati wafi Keila nen, ɔyakyili Keila hɔlɛ ne.

1 Samuel 25:13

Na Dawide sele ye mmenia nemɔ kyɛ, “Ebiala ɔ́fa ye ngrandɛ sĩ. Bɛ nu biala fale ye ngrandɛ sini. Dawide koso fale ye ngrandɛ deɛ sini. Mmenia kɔyɛ ɛyaa nna lili Dawide si bɛ ne ne hɔle, na bɛyakyili mmenia ɛyaa nyɔ berɛ maa bɛtenane bɛ nningyein ne anwo.

1 Samuel 27:3

Dawide ne Akise bɛtenane Gate. Né ye koɛhonɛfoɛ nemɔ boka ye so wɔ berɛ, bɛ nu biala ne ye awuro ama, yeɛ Dawide koso ɔne ɔye nyɔ nemɔ. Bɛ ole Ahinoam bɔ ofi Yesreel, yeɛ Abigail bɔ ofi Kamɛl bɔ ohu Nabal wuli ne.

1 Samuel 27:4

Na Sɔɔlo tele kyɛ Dawide anwati wahɔ Gate nen, ɔyakyili ye penalɛ.

1 Samuel 30:1

Ye ɛlɛsa ne aso, bɔ Dawide ne ye mmenia nemɔ beedwuli Siklage nen, né Amalɛkefoɛ baabɔ apaa wɔ Yuda ngwaen dɔ ne Siklage. Né bafa koɛ baatoa Siklage bato nu see.

1 Samuel 30:14

Yɛɛbɔle apaa wɔ Keretifoɛ ngwaen dɔ, Yuda ngwaen dɔ, yeɛ Kalebo ngwaen dɔ, na yɛtole Siklage nu see.”

1 Samuel 30:9

Yiti Dawide sili nu, ɔne mmienzua ɛyaa nzia bɔ bɛboka ye so ne yeɛ bɛhɔle ɔ. Beedwuli Besɔ bɔnza ne anu, na bɛ nu biemɔ hale berɛ.