2 Samuel 15:1 - AHYERƐLƐ KRONGRON

¹ Ɛhe asi ye, Absalom fale teaseɛnam ne mbɔngɔ, ɔne mmienzua aburannu bɔ bɛkɔbɔ ye nwo waen ɔ.

2 Samuel 15:1 Iomraidhean Croise

2 Samuel 12:11

AWURADE nwa nyoo: Ngɔma wɔ bɔbɔ w’awuroniɛ kodwɔso kotia wɔ serɛserɛ. Ngole ɛye mɔ ngofi wɔ sa nu bɔ wɔ nye tua ɔ, ngɔfa bɛ ngɔma ebiɛngo bienzua, na ɔne ɛye mɔ kɔla pandann nu eyia ketee.

1 Ahemvo 1:33

Nana Dawide sele bɛ kyɛ, “Nde ɛmɔ mene, ɛmɔ ne m’awɛmvoɛ nemɔ bɛhɔ. Ɛ́mɔma mma Solomon ɔ́tena me bɔbɔ m’afunum ne aso, ná ɛ́mɔfa ye bɛhɔ mbombonzue Gihon nwo.

1 Ahemvo 1:5

Na Adoniya bɔ oni ole Hagite ne, ɔyɛle anwomasoɛ sele kyɛ, “Me yeɛ ngoli bia ne ɔ.” Yiti ɔɔpenane teaseɛnam mɔ ne mbɔngɔhanɛfoɛ, yeɛ mmienzua aburannu bɔ bekoli ye nyunu bɛkɔbɔ ye nwo waen ɔ.

Edwein 20:7

Ebiemɔ fa bɛ wora bewura teaseɛnam mɔ nu, yeɛ ebiemɔ koso bɛfa bɛ deɛ bewura mbɔngɔ nu; nakoso yɛ de, yɛ wora wura AWURADE yɛ Nyameɛ dumaa nu.

Anyandera 11:2

Anwomasoɛ ne animguaseɛ yeɛ bɛnate ɔ, nakoso anwobrɛaseɛfoɛ de, benwu nworɛ.

Anyandera 16:18

Anwomasoɛ ne ɛsɛkyelɛ yeɛ bɛnate ɔ, yeɛ ahandaen ne asetɔlɛ yeɛ bɛnate ɔ.

Anyandera 17:19

Sona bɔ okuro ngondii ne, okuro mmeraatolɛ, yeɛ sona bɔ ɔfa anwomasoɛ anoa otua ye awuro noa ne, ɔtwetwe amaneɛ brɛ ye nwo.

Deuteronomi 17:16

Nakoso sona bɔ okoli hene ne de, ɔnzɛ kyɛ ɔma ye mbɔngɔ mɔ sone pee, yeɛ ɔnzɛ kyɛ ɔma mmenia ne sá kɔ Misraim kyɛ ɔkwaapena mbɔngɔ pee, ofikyɛ AWURADE aha ahyire ɛmɔ kyɛ, ‘Ɔnzɛ kyɛ ɛmɔsa bɛ si bɛfa sɔ atee ne aso ko.’

1 Samuel 8:11

Na osele kyɛ, “Ɛhene bɔ ɔbaali ɛmɔ so ne, sɔ atee he yeɛ ɔkɔfa ɛmɔ kɔfa so ɔ: ye koɛ teaseɛnam mɔ ne ye mbɔngɔ nemɔ, ɔkɔhyɛ ɛmɔ mma mmienzua maa bɛkɔhã, na ɔkɔmaa bekotu amirika bekoli koɛ teaseɛnam nemɔ nyunu bɛkɔbɔ ye nwo waen.