2 Samuel 14:9 - AHYERƐLƐ KRONGRON

⁹ Yeɛ braa bɔ ofi Tekoa ne sele Nana Dawide kyɛ, “Nana, me mene, mede meto nu kyɛ, me ne me baba abusuafoɛ yeɛ yɛdi edwirɛ he anwo fɔ ɔ. Nakoso Nana, ɛne wɔ bia de, ɛmɔdi ye nwo be.”

2 Samuel 14:9 Iomraidhean Croise

Gyenesise 27:13

Na oni sele ye kyɛ, “Mma, ma wɔ ɛnomalɛ ne ɔ́bra me so. Wɔ de tie bɔ meka ne, na kɔhye ngaka nemɔ brɛ me”.

Gyenesise 43:9

Ngoli ye nwo agyinamuɛ; sɛ ɛpena ye a, bisa ye ti me berɛ. Sɛ mamva ye manza mammrɛ wɔ asomdwee nu a, ye de maa nni fɔ wɔ wɔ nyunu daa.

2 Samuel 14:10

Yeɛ Nana Dawide buale kyɛ, “Sɛ ebie ha wɔ a, fa ye brɛ me, na ɔngɔha wɔ ko.”

2 Samuel 14:8

Na Nana Dawide sele braa ne kyɛ, “Wɔ de, kɔ w’awuro, na ngɔnea ngosiesie edwirɛ ne ngɔma wɔ.”

1 Ahemvo 2:33

Bɛ mogya kɔbɔ Yoabo ne ye boso ama bɛ ti so afebɔɔ. Nakoso Dawide ne ye boso ama, ɔne ye awuro ama, ɔne ye ahennie bia de, AWURADE asomdwee kɔyɛ bɛ deɛ afebɔɔ.”

Numeri 35:33

Nnɛma ɛmɔfa efiɛ bɛka aseɛ bɔ ɛmɔte so ne, ofikyɛ mogya ma efiɛ ka aseɛ ne. Na mogya bɔ bɛkɔhã bekogua aseɛ ne aso ne, mbata biala ngɔhora ngɔte aseɛ ne anwo, sana sona bɔ waha sɔ mogya wagua ne, ye mogya ala.

Mateo 27:25

Na maen ne amukoraa bebuale kyɛ, “Ye mogya ɔ́bɔ yɛ ne yɛ mma mɔ ti so!”

1 Samuel 25:24

Ɔtole ye nwo yele Dawide gya bo, na ɔhane kyɛ, “Me mene, me yeɛ medi fɔ ɔ. Mesrɛ wɔ ala, ma w’afaneɛ ha edwirɛ hyire wɔ, ná tie bɔ w’afaneɛ ɔka ye.