2 Samuel 14:7 - AHYERƐLƐ KRONGRON

⁷ Na abusua ne amukoraa badwɔso w’afaneɛ so kyɛ, ‘Ko bɔ wabɔ oliɛma wahũ ye ne, ye ye bra ma yɛhu ye bie yɛtua kerɛ, ɔmva ye nwo kyɛ koliagyaa ne yeɛ yɛku ye yɛfi berɛ ɔ.’ Nana, bɛpena kyɛ benua me gyetia ko bɔ waha ne, na ɛhe kɔma me hu dumaa anaa ye boso konunu kofi aseɛ ye aso.”

2 Samuel 14:7 Iomraidhean Croise

Gyenesise 27:45

maa oodwu kyɛ ye yaa ne noa kodwo ɔ, na ye wora kofi bɔ afa ayɔ ye ne ɔ. Na ngɔsoma ebie maa ɔkɔɔfa wɔ kosa kɔwa me wa. Nzu ati yeɛ odi kyɛ ɛmɔ amunyɔ befi me sa ɛlɛho ɔ?

Gyenesise 4:14

Ɛnɛ afoa me afi aseɛ ye aso, ngɔfa me nwo ngɔfea wɔ. Ngɔyɛ kobɔniɛ bɔ nnne amandena wɔ aseɛ ye aso ɔ, na ebiala bɔ okonwu me ne, okohu me.”

2 Samuel 12:17

Afei ye ahemvie berɛ mbanyi wale ye nwo berɛ, bɛsrɛle ye kyɛ odwɔso fi aseɛnwo berɛ, nakoso wandwɔso, yeɛ ɔne bɛ angɔannidi.

2 Samuel 14:6

W’afaneɛ, né nne mmaa mmienzua nyɔ. Bɛɛhone ngondii wɔ eburo. Né ebiala nne berɛ bɔ ɔkɔpata bɛ ɔ, na ko bɔle obiɛngo maa owuli.

2 Samuel 14:8

Na Nana Dawide sele braa ne kyɛ, “Wɔ de, kɔ w’awuro, na ngɔnea ngosiesie edwirɛ ne ngɔma wɔ.”

Numeri 35:19

Wereɛtɔlɛniɛ ne yeɛ odi kyɛ oku kodiawuniɛ ne ɔ. Sɛ wereɛtɔlɛniɛ ne nwu kodiawuniɛ ne a, odi kyɛ oku ye.

Mateo 21:38

Nakoso mmerɛ bɔ hwɛsofoɛ nemɔ nwuni ɔwa ne nen, besisele bɛ nwo kyɛ, ‘Bɔ odi ye bia ne ɛhe; ɛmɔbra ma yɛhu ye, ná yɛfa ye agyapadeɛ ne!’

Deuteronomi 25:6

Na bamuɛbaa bienzua bɔ braa ne kɔwo ye ne, ɔsɛ kyɛ biaa ne fa ye to oliɛma bɔ wawu ne, amaa ɔnate so oliɛma bɔ wawu ne dumaa boso ammini amvi Yisrael.