2 Samuel 14:11 - AHYERƐLƐ KRONGRON

¹¹ Na braa ne sele kyɛ, “Nana, fa AWURADE wɔ Nyameɛ ta ndaen, bɔ ɔnate so wereɛtɔlɛniɛ ne ɔngɔhã mogya ko ngogua ɔ, amaa ɔnate so mma ne anya ye ti wadidi nu.” Na Dawide sele kyɛ, “Kyɛ AWURADE te ase ye, ɛwa ne, ye ti nwiaa ko po ngotu ngɔtɔ ase.”

2 Samuel 14:11 Iomraidhean Croise

Gyenesise 14:22

Nakoso Abram sele Sodom hene ne kyɛ, “Mata ndaen mahyire AWURADE, Anwuro Anwuro Nyameɛ bɔ ɔbɔle anwuro ne aseɛ ne,

Gyenesise 31:50

Sɛ ɛteetee me mma mmrasua nemɔ, anaa sɛ egya braa foforɛ boka me mma nemɔ aso a, ɔwɔ nu kyɛ sona biala ɔbboka yɛ so wɔ ɛwa de, nakoso kaye kyɛ Nyameɛ yeɛ ɔte yɛ munyɔ y’afia danzeniɛ ɔ.”

2 Samuel 14:10

Yeɛ Nana Dawide buale kyɛ, “Sɛ ebie ha wɔ a, fa ye brɛ me, na ɔngɔha wɔ ko.”

2 Samuel 14:12

Afei braa ne sele kyɛ, “Nana, me mene, mesrɛ wɔ ala, ma w’afaneɛ ɔha edwirɛ kãa hyire wɔ.” Na Dawide sele kyɛ, “Kɔ so.”

2 Samuel 14:21

Afei Nana Dawide sele Yoabo kyɛ, “Mate, mepene wɔ nzusuleɛ ne aso. Kɔfa aberandeɛ Absalom maa osa bra.”

1 Ahemvo 1:52

Yeɛ Solomon buale kyɛ, “Sɛ okyire suban paa de a, ye de bɛngɔpɛ ye ti nwiaa ko po bɛngɔto ase. Nakoso sɛ ɔyɔ nikyee bɔ ɔtte mayee de a, ngɔmaa bekohu ye.”

Yeremia 4:2

ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

Numeri 35:19

Wereɛtɔlɛniɛ ne yeɛ odi kyɛ oku kodiawuniɛ ne ɔ. Sɛ wereɛtɔlɛniɛ ne nwu kodiawuniɛ ne a, odi kyɛ oku ye.

Numeri 35:21

anaa sɛ ebie pɔ obiɛngo, ná ɔtwe ye sa bɔ ye maa owu a, ye de sɔ sona bɔ ɔtole twɔleɛ ne, odi kyɛ beku ye; ɔte kodiawuniɛ. Sɛ wereɛtɔlɛniɛ ne nwu kodiawuniɛ ne a, odi kyɛ oku ye.

Numeri 35:27

ná sɛ wereɛtɔlɛniɛ ne nwu ye wɔ mmenia nwo adwaabɔlɛ kuro ne asi, ná wereɛtɔlɛniɛ ne ku ye a, ye de onni ye mogya nwo fɔ.

Mateo 10:30

Nakoso ɛmɔ de, ɛmɔ ti nwiaa po baha ye mukoraa.

Asomafoɛ 27:34

Yiti mesrɛ ɛmɔ, ɛmɔdidi kãa ná ɛmɔnya anwoserɛ, ɔnate kyɛ ɛmɔ nu biala ti nwiaa ko po ngotu ngomini.”

1 Samuel 14:45

Na koɛhonɛfoɛ nemɔ sele Sɔɔlo kyɛ, “Yonatan bɔ wali ngonim kandinga he wama Yisrael ye, yiti odi kyɛ beku ye anaa? Nyameɛ pa gua! Kyɛ AWURADE te ase ye, ye ti nwiaa ko po ngotu ngɔtɔ ase, ofikyɛ Nyameɛ yeɛ wagyina ye si maa wali ngonim ɛnɛ ɔ.” Yiti koɛhonɛfoɛ nemɔ pepɛ lele Yonatan maa onyane ye ti didili nu.

1 Samuel 20:42

Afei Yonatan sele Dawide kyɛ, “Kɔ asomdwee nu, ɔnate kyɛ yɛ munyɔ yata ndaen wɔ AWURADE dumaa nu, kyɛ, ‘AWURADE di yɛ munyɔ y’afia adanzeɛ, yeɛ odi me bosofoɛ ne wɔ bosofoɛ koso adanzeɛ daa.’ ” Yeɛ Dawide sili nu hɔle, na Yonatan de, osa hɔle awuro.

1 Samuel 28:10

Nakoso Sɔɔlo fale AWURADE tale ndaen hyirele ye kyɛ, “Kyɛ AWURADE te ase ye, engonya ɛhe anwo asohwenɛ biala.”