2 Samuel 13:5 - AHYERƐLƐ KRONGRON

⁵ Yeɛ Yonadabo sele ye kyɛ, “Kɔla wɔ mba ne aso, ná pati yɛ kyɛ ɛnde apɔ. Na sɛ wɔ baba banea wɔ a, ka kyire ye kyɛ, ‘Ma nniɛma Tamar bra ɔɔpena nikyee ma nni. Maa ɔɔyɛ aleɛ ne wɔ me nyunu wa, bɔ me nye tua ɔ, ná ɔtete ma me.’ ”

2 Samuel 13:5 Iomraidhean Croise

2 Samuel 13:4

Na Yonadabo sele Amnɔn kyɛ, “Wɔ baba te hene. Nakoso nzu ati yeɛ alehyeleɛ biala ɛma aworabɔlɛ tira wɔ sɔa ye? Nikyee bɔ ɔha wɔ ne, ka kyire me.” Na Amnɔn buale ye kyɛ, “Nniɛma brasua Tamar bɔ ɔte Absalom aliɛma ne, mekuro ye.”

2 Samuel 13:6

Yiti Amnɔn ɔɔlale berɛ, na ɔpati yɛle kyɛ ɔnde apɔ. Na Nana Dawide wale kyɛ ɔbaanea ye nen, Amnɔn sele ye kyɛ, “Mesrɛ wɔ, ma nniɛma Tamar ɔbra ɔɔyɛ taterɛ kɔyɛ nyɔ bie ma me wɔ me nyunu wa, ná ɔtete ma me.”

2 Samuel 16:21

Na Ahitofel buale Absalom kyɛ, “Wɔ baba sómaa mɔ bɔ wayakyi bɛ berɛ kyɛ bɛnea awuro berɛ ne, ɛne bɛ bɛɛla. Na sɛ Yisraelfoɛ amukoraa bɛte kyɛ agua ɛse anyunu ase pɔtɔɔ a, ɔkɔhyɛ mmenia bɔ begyi wɔ si ne nguraen.”

Anyandera 19:27

Mma, ɛyakyi foɛtulɛ tielɛ a, ɛne nimdeɛ dwirɛ kɔbɔ nzahoɛ.

Asomafoɛ 23:15

Yiti ɛmɔ ne badwafoɛ ne bɛbɔ nu bɛsoma ma beese Roman safohene ne kyɛ ɔma bɛfa Pɔɔlo bɛbrɛ ɛmɔ; kyɛ ɛmɔpena kyɛ ɛmɔneanea ye dwirɛ ne anu yé. Na yɛ de, kyɛ ɔyɛ na oodwu wa ne, né yahu ye dadaada.”