2 Samuel 13:3 - AHYERƐLƐ KRONGRON

³ Né Amnɔn le obiɛngo bie bɔ oli Yonadabo. Ɔse ole Dawide aliɛma Simea. Né Yonadabo te kanda sona paa.

2 Samuel 13:3 Iomraidhean Croise

Gyenesise 3:1

Né ewoo te kanda tra eburo kaka biala bɔ AWURADE Nyameɛ ayɔ ɔ. Na obisale braa ne kyɛ, “Yiti Nyameɛ aha kyɛ, ‘Nnɛma ɛmɔdi turo ye anu bakaammaa biala bie’?”

Gyenesise 38:1

Na sɔ mmerɛ ne, Yuda fili oliɛma mɔ anwo, na ɔhɔle ɔne Adulamniɛ bie bɔ bɛfrɛ ye Hira bɛɛtenane.

Gyenesise 38:20

Yuda fale abɔngye akrɔngrɔma ne somane ye damvo Adulamniɛ ne kyɛ ɔfa ɔɔpɔ awowaa nningyein ne ofi braa ne berɛ ɔbrɛ ye. Nakoso ɔhɔle ne, wannwu ye.

2 Samuel 13:2

Amnɔn hurolɛ bɔ né okuro oliɛma Tamar ne, né ode ye nwo a onne, maa yiti ɔpati fokyɛle. Né Tamar te taluwa bɔ onnwuni biaa le ɔ, yiti Amnɔn nwuni kyɛ ɔkɔyɛ se kyɛ okonya ye ɔne ye bɛkɔla ɔ.

2 Samuel 13:32

Yeɛ Yonadabo, bɔ ɔte Dawide aliɛma Simea awa ne, ɔhane kyɛ, “Nana, me mene, nnɛdwene kyɛ bahu wɔ mma mmerandeɛ ne amukoraa. Amnɔn angome yeɛ bahu ye ɔ. Ofi kyẽa bɔ Amnɔn tole Absalom aliɛma Tamar mmɔnaa ne, yeɛ Absalom bɔle sɔ porɛ ne ɔ.

2 Samuel 13:4

Na Yonadabo sele Amnɔn kyɛ, “Wɔ baba te hene. Nakoso nzu ati yeɛ alehyeleɛ biala ɛma aworabɔlɛ tira wɔ sɔa ye? Nikyee bɔ ɔha wɔ ne, ka kyire me.” Na Amnɔn buale ye kyɛ, “Nniɛma brasua Tamar bɔ ɔte Absalom aliɛma ne, mekuro ye.”

2 Samuel 14:2

Yiti Yoabo somane maa bɛhɔle Tekoa bɛɛfale braa nworɛniɛ bie befili dɔ bɛwale. Na osele braa ne kyɛ, “Yɛ wɔ nwo kyɛ ɛwɔ ɛsɛen nu, kera ɛsɛen tena, nnɛpopa. Yɛ wɔ nwo kyɛ brasua bɔ ye nwoniɛ awu maa watena ɛsɛen nu wahyɛ ɔ.

2 Samuel 21:21

Ɔpɛle Yisrael poa, na Dawide aliɛma Simei ɔwa Yonatan huni ye.

1 Aberɛso Dwirɛ 2:13

Yese mma nemɔ, bamuɛbaa ole Eliabo, Abinadabo tɔ so nyɔ, yeɛ Simea tɔ so nza,

1 Aberɛso Dwirɛ 27:32

Né Dawide baba aliɛma bienzua Yonatan te tufohene. Ɔte ahyerɛlɛniɛ bɔ ɔse nworɛ ɔ. Hakemoni awa Yehiel yeɛ né ɔte Nana Dawide mma mmienzua mɔ bɛ neafoɛ ɔ.

Ɛseta 5:10

Nakoso Haman hyɛle ye nwo so, na osili nu hɔle ye awuro. Yeɛ ɔsomane maa bɛɛfrɛfrɛle ye damvo mɔ ne ɔye Sɛrese bɛwale.

Ɛseta 5:14

Yeɛ ɔye Sɛrese ne ye damvo nemɔ amukoraa besele ye kyɛ, “Maa bɛfa bakaa bɔ ye tendenn te agyirɛ aburannu ɔ bɛpena berɛ, ná ka kyire Nana Ahasuro ɛhema ngyerɛmɔ, kyɛ ɔma bɛbɔ Modekae kɔme wɔ so. Na afei fa anigye ɛne Nana bɛhɔ ɛpoentolɛ ne abo.” Sɔ nzusuleɛ ne yɛle Haman fɛ, na ɔmaa bɛfale bakaa ne bɛpenane berɛ.

Ɛseta 6:13

Edwirɛ bɔ wato Haman ne, ɔfale ye mukoraa bɔle ɔye Sɛrese ne ye damvo nemɔ amukoraa amaneɛ. Na ye foɛtulɛfoɛ nemɔ ne ɔye Sɛrese besele ye kyɛ, “Modekae bɔ ahyɛ ye bo agua wɔ nyunu ase wɔ ye nyunu ne, sɛ ɔte Yudaniɛ de a, ye de ɛngɔhora ye nyunu gyina, ekoli ngoguo wɔ ye nyunu.”

Anyandera 19:6

Mmeni pee pena kyɛ bɛsɔ sona bɔ ye sa bo nyɛ se ɔ nye, na ebiala fa sona bɔ ɔyɛ adɔeɛ ɔ adamvoa.

Yeremia 4:22

Ofikyɛ me maen te mmenia ngwaseafoɛ, bɛnze me; bɛte mmaa bɔ bagyimi, bɔ belle nimdeɛ koraa ɔ. Babe wɔ bɔne yɔlɛ nu, nakoso nikye paa de, bɛnze ye yɔ.

1 Korintofoɛ 3:19

Na ewiase nworɛ te ngwaseasɛm wɔ Nyameɛ nyunu, ofikyɛ bahyerɛ kyɛ, “Nworɛfoɛ bɛ bɔbɔ bɛ kanda yeɛ ɔfa sua bɛ ngaen kye bɛ ɔ.”

Yakobo 3:15

Sɔ nworɛ he de, nna anwuro yeɛ ofi ɔ, na mmom ɔte aseɛ so deɛ; nna sunzum nu deɛ ɔ, na ɔte sunzummɔne mɔ deɛ.

Maenbulɛfoɛ 14:20

Na bɛfale Samson aye ne bɛmane obiɛngo bɔ né ɔte ye agyaa nu adamvoa ne.

1 Samuel 16:11

Afei Samuel bisale Yese kyɛ, “Wɔ mma mmienzua nemɔ, bɛ mu ɛhe?” Na obuale kyɛ, “Waha kãa paa ne, na ye de ɔ́nea mmoaen so.” Yeɛ Samuel sele Yese kyɛ, “Soma ma bɛɛfa ye bɛbra, ofikyɛ yɛngɔtena ase kyɛ yɛdidi, sana wawa wa koraka.”

1 Samuel 16:9

Afei Yese mane Sama ɔɔpɛle nu, nakoso Samuel sele kyɛ, “Ɛhe koso, AWURADE nguro.”