2 Samuel 13:23 - AHYERƐLƐ KRONGRON

²³ Afoɛ nyɔ asi ne, mmerɛ bie, né Absalom ɔmaa bɛpepɛ ye mmoaen nwo nwiaa wɔ Baal Hasɔ bɔ opingye Efraim. Na Absalom tole poen tole ye sa frɛle Nana Dawide mma mmienzua ne amukoraa.

2 Samuel 13:23 Iomraidhean Croise

Gyenesise 31:19

Né Laban ahɔ kyɛ ɔkwaapepɛ ye mmoaen nwo nwiaa, na Rahɛl wuale ɔse awuro mmosoen.

2 Samuel 13:24

Absalom hɔle Nana Dawide berɛ oosele ye kyɛ, “Nana, w’akoaa, me mmoaen nwo nwiaa bɔ begu so bɛpepɛ ne, mato ye nwo poen. Yiti mesrɛ wɔ, ɛne wɔ mbanyi mɔ, kyɛ ɛ́mɔma yɛhɔ w’akoaa poentolɛ ne abo.”

1 Ahemvo 1:19

Nana, wafa nandwie nyii, nandwie sayɛɛ ne mmoaen pee wabɔ afɔleɛ, na wato ye sa wafrɛ wɔ mma ne amukoraa, ɔsɔfo Abiata ne safohene Yoabo. Nakoso w’akoaa Solomon de, wando ye sa wamvrɛ ye bie.

1 Ahemvo 1:25

Ofikyɛ Nana, ɛnɛ wafa nandwie nyii, nandwie sayɛɛ ɔne mmoaen pee wabɔ afɔleɛ, na wato ye sa wafrɛ wɔ mma nemɔ amukoraa, yeɛ safohene Yoabo ɔne ɔsɔfo Abiata. Kekesaala ye, bɛ ne ye bedidi bɛno, na bɛkã kyɛ, ‘Nana Adoniya, wɔ ngoa so oo!’

1 Ahemvo 1:9

Adoniya fale mmoaen, nandwie nyii, ɔne nandwie sayɛɛ bɔle afɔleɛ wɔ Sohelete nyɔboɛ bɔ opingye Ɛn Rogyel ne anwo. Ɔtole ye sa frɛle Nana Dawide mma mmienzua bɔ bɛ yeɛ bɛte oliɛma nemɔ amukoraa, yeɛ Dawide mbanyi amukoraa bɔ bɛwɔ Yuda ɔ.

2 Ahemvo 3:4

Né Moabo hene Mesa osie mmoaen. Na ɔyɛ a, né ɔfa mmoaen akrɔngrɔma apee ɛyaa ko otua toɔ ma Yisrael hene. Né osa ɔfa mmoaen nyii apee ɛyaa ko bɛ nwo nwiaa otua toɔ ma ye.

2 Aberɛso Dwirɛ 26:10

Osisili abandenden mɔ wɔ ɛserɛ ne aso, na otutuli abura pee, ofikyɛ né ole nyɛmmoa pee wɔ aseɛ frɛtɛɛ ne aseɛ pralaa ne aso. Né osa ole akuafoɛ mɔ ne bɛ bɔ betwi bobe nzaa wɔ mmokaa nemɔ aso ne aseɛ bɔ ɔkye aleɛ nemɔ aso, ofikyɛ né ye nye gye kua nwo.

Nehemia 11:33

Hasɔ, Rama, Gitaim,

1 Samuel 25:2

Né biaa bie wɔ Mayɔn bɔ ole agyapadeɛ wɔ Kamɛl ɔ. Né ye sa nu le bie paa, bɔ né ole mmoaen apee nza ne mbɔngye apee ko ɔ. Mmerɛ bie, né ɔpepɛ ye mmoaen nwo nwiaa wɔ Kamɛl.

1 Samuel 25:36

Na Abigail sa hɔle awuro wɔ Nabal berɛ ne, né Nabal ato poen wɔ ye awuro berɛ kyɛ ahemvo poentolɛ. Né ɔgye ye nye, ofikyɛ né wabo sram; yiti Abigail anga hwee wangyire ye kɔpem kyɛ aleɛ hyene ɔ.

1 Samuel 25:4

Dawide tele ye wɔ ɛserɛ ne aso kyɛ Nabal gu so ɔpepɛ ye mmoaen nwo nwiaa.

1 Samuel 25:7

Mate kyɛ wɔ mmenia nemɔ begu so bɛpepɛ wɔ mmoaen nemɔ nwo nwiaa. Na mmerɛ bɔ né wɔ mmoaenneafoɛ nemɔ bɛwɔ yɛ wa ne, yanyɔ bɛ tɛɛ biala, yeɛ bɛ nikye fee wammini wɔ mmerɛ bɔ né bɛwɔ Kamɛl ne.