2 Samuel 13:22 - AHYERƐLƐ KRONGRON

²² Nakoso Absalom anga edwirɛ biala wangyire Amnɔn, kyɛ edwirɛ paa oo, anaa tɛɛ oo. Absalom pɔle Amnɔn, ofikyɛ né wato oliɛma Tamar mmɔnaa.

2 Samuel 13:22 Iomraidhean Croise

Gyenesise 24:50

Na Laban ne Betuel bebuale kyɛ, “Edwirɛ he fi AWURADE berɛ, yiti yɛngɔhora yɛngosi ye nwo ate.

Gyenesise 31:24

Nakoso Nyameɛ yele ye nwo ali hyirele Aramniɛ Laban kɔngɔen ne wɔ laleɛ nu, na ɔkanzole ye kyɛ, “Nea yé né anga edwirɛ biala, paa anaakyɛ tɛɛ angyire Yakob.”

Gyenesise 31:29

Ahaa nne ye nwo ate kyɛ me ne ɛmɔ di ye weewee, nakoso wɔ baba ye Nyameɛ ɔne me dwudwole ɛnɛ kɔngɔen kyɛ, ‘Nea yé né anga edwirɛ biala, paa anaakyɛ tɛɛ angyire Yakob.’

2 Samuel 13:21

Na Nana Dawide tele sɔ dwirɛ hemɔ amukoraa nen, ɔfɛle yaa paa. [Nakoso wandwe ɔwa Amnɔn so, ofikyɛ né okuro ye dwirɛ, né ye bamuɛbaa ɛne.]

Anyandera 10:18

Bɔ ɔpɔ sona, nakoso ɔkatakata so ne, ɔnga nahorɛ, yeɛ bɔ ɔkekã obiɛngo nwo dwirɛ sɛkye ye ne, ɔte kwaseaa.

Anyandera 25:9

Sɛ ɛne ebiɛngo benya dwirɛ a, ɛne ye ngome bɛhã, na ɔnzɛ kyɛ ɛsa ebiɛngo ne bo gua so;

Anyandera 26:24

Pɔfoɛ noa dwirɛ te menemene, nakoso ɔbɔ nnakannaka porɛ wɔ ye ti anu.

Anyandera 26:26

Ɔwɔ nu kyɛ ɔfa nnakannaka kata ye ɛpɔen ne aso de, nakoso ye bɔne nwo kɔla ali badwa nu.

Nworɛ Dwirɛhanɛniɛ 7:9

Nnɛma w’ahone hu ndɛndɛ, ofikyɛ ngwaseafoɛ yeɛ ahonehulɛ wɔ bɛ so ɔ.

Mateo 18:15

“Sɛ eliɛma yɛ wɔ tɛɛ a, kɔhã ye mvomsoɛ kyire ye wɔ mmerɛ bɔ ɛne ye bɛ munyɔ pɛ yeɛ bɛwɔ berɛ ɔ. Sɛ otie wɔ a, anya eliɛma.

Ɛfesofoɛ 4:26

Ɛ́mɔfɛ yaa, nakoso nnɛma ɛmɔyɔ bɔne! Nnɛmɔma eyia kɔtɔ ɛmɔ yaafɛlɛ so,

Ɛfesofoɛ 4:31

Ɛ́mɔgyi amvamviri, ahonetɛɛ, ɛyaafɛlɛ, basabasayɔlɛ, ɛsoentolɛ ne bra fiɛ biala bégua.

1 Yohane 2:11

Nakoso ebiala bɔ ɔpɔ oliɛma ne te awosii nu, ɔnate awosii nu, na ɔnze nekaa bɔ ɔkɔ ɔ, ofikyɛ awosii ne ama ye nye asi.

1 Yohane 2:9

Na ebiala bɔ ɔkã kyɛ ɔwɔ kanea ne anu, nakoso ɔpɔ oliɛma ne, ɔtɛte awosii nu.

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.

1 Yohane 3:12

Nnɛmɔyɛ kyɛ Kein bɔ ɔte abɔnzam sona, bɔ ohuni oliɛma ne. Na nzu ati yeɛ ohuni oliɛma ne ɔ? Ofikyɛ né ye yɔleɛ ndengyɛ, nakoso oliɛma ne deɛ de, né ɔtengyɛ.

1 Yohane 3:15

Ebiala bɔ ɔpɔ oliɛma ne te wudiniɛ, na kyɛbɔ ɛmɔse ne, daa ngoa ndena wudiniɛ biala nu.