2 Samuel 13:20 - AHYERƐLƐ KRONGRON

²⁰ Na oliɛma Absalom bisale ye kyɛ, “Eliɛma Amnɔn ɔne wɔ bala hɔ ɔ? Nniɛma, wɔ de nnɛbɔ so. Eliɛma ɔ. Nnɛdi ɛhe anwo aworabɔlɛ.” Na ofi sɔ mmerɛ ne, Tamar fale aworabɔlɛ tenane oliɛma Absalom awuro berɛ.

2 Samuel 13:20 Iomraidhean Croise

Gyenesise 34:2

Hiwiniɛ Hamɔ bɔ ɔte aseɛ ne aso hene ne, ɔwa Sɛkem nwuni Dina, na ɔhyɛle ye ɔne ye bɛlale.

Gyenesise 46:15

(Lea mma mmienzua bɔ Yakob ne ye wole wɔ Padan Aram mɔ ɛhe. Ɔwa brasua ole Dina. Ye mma ne ye nnomaa mɔ bɛ somaa te aburasa ne nza.)

2 Samuel 13:19

Yeɛ Tamar fale nzoen guale ye ti so, osunzuale ataadeɛ tendenn bɔ owura ye ne anu, na ɔfale ye sa guale ye ti so bɔle awuye fili berɛ hɔle.

2 Samuel 13:21

Na Nana Dawide tele sɔ dwirɛ hemɔ amukoraa nen, ɔfɛle yaa paa. [Nakoso wandwe ɔwa Amnɔn so, ofikyɛ né okuro ye dwirɛ, né ye bamuɛbaa ɛne.]

2 Samuel 14:24

Nakoso Nana Dawide sele kyɛ, “Maa ɔɔtena ye bɔbɔ ye awuro. Membena kyɛ menwu ye nyunu.” Yiti Absalom ɔɔtenane ye bɔbɔ ye awuro, na wambe Nana Dawide nyunu.

Anyandera 26:24

Pɔfoɛ noa dwirɛ te menemene, nakoso ɔbɔ nnakannaka porɛ wɔ ye ti anu.

Romanfoɛ 12:19

Aliɛmaa mɔ, nnɛma ɛmɔtotɔ ɛmɔ nwo wereɛ, na mmom ɛ́mɔyakyi bɛ́ma Nyameɛ ahonehulɛ ne. Ofikyɛ bahyerɛ kyɛ, “Wereɛtɔlɛ te me deɛ, na ngotua so kerɛ, Awurade noa dwirɛ ɛne.”