2 Samuel 13:13 - AHYERƐLƐ KRONGRON

¹³ Me de, m’animguaseɛ ne, nisua yeɛ mefa mefa ɔ? Wɔ de, busuefoɛ mmenia bɔ bɛwɔ Yisrael ne, ɛkɔyɛ kyɛ bɛ nu ko. Yiti mesrɛ wɔ ala, fa to Nana nyunu, na ɔkɔfa me kɔma wɔ.”

2 Samuel 13:13 Iomraidhean Croise

Gyenesise 19:8

Ɛ́mɔtie. Nne mmaa mmrasua nyɔ bɔ bennwuni biaa le ɔ. Ɛmɔma nye bɛ mvite mmrɛ ɛmɔ, na ɛmɔ ne bɛ yɔ nikyee biala bɔ ɛmɔkuro ɔ. Na sɔ mmienzua hemɔ de, nnɛma ɛmɔyɔ bɛ hwee, ofikyɛ baasikye m’awuro.”

Gyenesise 20:12

Nakoso ɛnea paa a, nniɛma brasua ɔ. Me baba awa ɛne, nakoso nna me ni awa ɔ; na ɔɔyɛle me ye.

Deuteronomi 22:21

ye de ɔsɛ kyɛ bɛfa taluwa ne befite bɛbagyina ye baba awuro anoa nu, ma ye kuro berɛ mmienzua bɛboro ye nyɔboɛ beku ye, ofikyɛ wabɔ nyanzoen bra wɔ Yisrael, kyɛ wabɔ adwaman wɔ ɔse awuro ɔ. Yiti ɔsɛ kyɛ etu bɔne ne bo fi wɔ nu.

Maenbulɛfoɛ 19:24

Mma brasua bɔ onwuni biaa le, yeɛ ɛwɔfoɛ ne sómaa ne, bɛwɔ wa. Ɛ́mɔma nye bɛ mvite kekesaala ye. Ɛmɔ ne bɛ la, na bɔ ɛmɔ kuro biala, ɛ́mɔfa bɛ́yɔ bɛ; na mmom biaa he de, nnɛma ɛmɔfa sɔ nyanzoen dwirɛ he bedi ye.”