2 Samuel 13:12 - AHYERƐLƐ KRONGRON

¹² Nakoso obuale ye kyɛ, “Daabi, nniɛma bienzua, nnɛyere me, ofikyɛ bɛnyɔ sɔ nikyee ne wɔ Yisrael maen nu; nnɛbɔ sɔ musue ne!

2 Samuel 13:12 Iomraidhean Croise

Gyenesise 34:2

Hiwiniɛ Hamɔ bɔ ɔte aseɛ ne aso hene ne, ɔwa Sɛkem nwuni Dina, na ɔhyɛle ye ɔne ye bɛlale.

Gyenesise 34:7

Yakob mma mmienzua nemɔ tele bɔ wasi ne, befili eburo dɔ bɛwale. Ɔyɛle bɛ yea, na bɛfɛle yaa paa ofikyɛ Sɛkem ali ngwaseasɛm wɔ Yisrael; wayɔ bɔ bɛnyɔ ɔ, kyɛ ɔne Yakob awa brasua ala ɔ.

Anyandera 7:7

na nwuni ebie wɔ bɛ bɔ b’adwene te nganga nemɔ anu, nwuni ebie bɔ ɔnze nworɛ ɔ kyɛ ɔboka mmerandeɛ nemɔ aso.

Yeremia 29:23

ofikyɛ bali ngwaseasɛm wɔ Yisrael, na bɛ ne bɛ mmango mɔ aye mɔ bala, na bafa me dumaa bahã ngondombo dwirɛ, bɔ mamva ye nwo ahyɛdeɛ mamma bɛ ɔ. Me yeɛ mese, ná nde adanzeniɛ ɔ, AWURADE noa dwirɛ ɛne.’ ”

Lewitikɔso 18:11

Nnɛne ɛse aye awa brasua, bɔ ɛse yeɛ ɔwole ye ɔ bɛda, ofikyɛ eliɛma brasua ɔ.

Lewitikɔso 18:9

Nnɛne eliɛma brasua, bɔ yeɛ ɔte ɛse awa brasua anaa eni awa brasua bɛda, kyɛ bɛwole ye awuro berɛ oo, anaa bɛwole ye nekaa bie oo.

Lewitikɔso 20:17

“Sɛ bienzua bie fa oliɛma brasua bɔ ɔte ɔse awa anaa oni awa, ná ɔne ye bɛda fa ye yɛ ɔye, ma brasua ne wora fa ye yɛ ohu a, ɔte animguaseɛ; odi kyɛ bɛpɛ bɛ asue befi bɛ maen nu, bɔ bɛ maen ne anu ama nye tua bɛ ɔ. Ɔne oliɛma bala, odi kyɛ bɛtwe ye so.

Deuteronomi 22:21

ye de ɔsɛ kyɛ bɛfa taluwa ne befite bɛbagyina ye baba awuro anoa nu, ma ye kuro berɛ mmienzua bɛboro ye nyɔboɛ beku ye, ofikyɛ wabɔ nyanzoen bra wɔ Yisrael, kyɛ wabɔ adwaman wɔ ɔse awuro ɔ. Yiti ɔsɛ kyɛ etu bɔne ne bo fi wɔ nu.

Deuteronomi 22:29

ye de bienzua bɔ ɔne ababunu ne lale ne, ɔsɛ kyɛ otua ɛdwetɛ sekel aburannu ma ababunu ne baba, ná ogya ababunu ne. Atee nne berɛ kyɛ biaa ne yira taluwa ne wɔ mmerɛ biala bɔ biaa ne te ngoa nu ɔ, ofikyɛ wagua taluwa ne nyunu ase.

Maenbulɛfoɛ 19:23

Yeɛ biaa ne bɔ ɔte awuro ne mene ne, ofite ooyiale bɛ, na osele bɛ kyɛ, “Daabi, daabi, nniɛma mɔ, nnɛma ɛmɔyɔ sɔ amumuyɛɛ he. Biaa he te me wɔfoɛ, yiti nnɛma ɛmɔyɔ sɔ nyanzoen nikyee he.

Maenbulɛfoɛ 20:6

Yeɛ mvale me sómaa ne fuin mbepɛle nu ahuronzi ahuronzi maa bɛfa bɛhɔle Yisrael aseɛ so nekaa biala; ofikyɛ Gibeafoɛ babɔ musue ne nyanzoen bra wɔ Yisrael.