2 Samuel 13:1 - AHYERƐLƐ KRONGRON

¹ Né Dawide awa Absalom ole aliɛmaa brasua anwonyemene bie bɔ oli Tamar. Na né Dawide awa bienzua Amnɔn kuro ye.

2 Samuel 13:1 Iomraidhean Croise

Gyenesise 29:18

Né Yakob kuro Rahɛl, yiti ɔhane kyɛ, “Ɛwa kãa Rahɛl ti ngɔso wɔ afoɛ nzoo.”

Gyenesise 29:20

Rahɛl ti, Yakob sole afoɛ nzoo, na ɔnate ehurolɛ bɔ né okuro ye ne ati, ɔyɛle ye nye so kyɛ ngyẽa kãa bie.

Gyenesise 34:3

Na Sɛkem nye gyele Yakob awa brasua Dina nwo, ohurole taluwa ne, na ɔkorɔkorɔle ye.

Gyenesise 6:2

Nyameɛ mma nemɔ benwuni kyɛ mmenia mma mmrasua nemɔ bɛ nwo yɛ nyemene, yiti begyigyale bɛ nu biala bɔ bekuro ɔ.

2 Samuel 11:2

Na ɛlɛho bie nɔsoa, Dawide dwɔsole fili nnaa nu. Né ɔnatenate ahemvie berɛ anwuro nekaa bie bɔ basamo so ɔ. Ogyi nzamsoɛ ne aso ne, onwuni kyɛ braa bie obia. Né braa ne nwo yɛ nyemene paa.

2 Samuel 13:15

Afei Amnɔn hyɛle ye bo ɔpɔle Tamar paa trale ehurolɛ bɔ né okuro ye daa ne. Yiti Amnɔn sele ye kyɛ, “Dwɔso fi wa kɔ!”

2 Samuel 13:2

Amnɔn hurolɛ bɔ né okuro oliɛma Tamar ne, né ode ye nwo a onne, maa yiti ɔpati fokyɛle. Né Tamar te taluwa bɔ onnwuni biaa le ɔ, yiti Amnɔn nwuni kyɛ ɔkɔyɛ se kyɛ okonya ye ɔne ye bɛkɔla ɔ.

2 Samuel 14:27

Absalom wole mmaa mmienzua nza ne brasua ko. Brasua ne li Tamar. Ɔte brasua bɔ ye nwo yɛ nyemene ɔ.

1 Ahemvo 11:1

Nana Solomon hurole maen maen foforɛ mɔ so mmrasua pee bokale Faro awa brasua ne aso. Mmrasua nemɔ te Moabofoɛ, Amonfoɛ, Edomfoɛ, Sidonfoɛ ne Hitifoɛ.

1 Aberɛso Dwirɛ 3:2

Bɔ ɔtɔ so nza ole Absalom, na ɔne Gesure hene Talmae ɔwa brasua Maaka yeɛ bɛwole ye ɔ. Bɔ ɔtɔ so nna ole Hagite awa Adoniya.

1 Aberɛso Dwirɛ 3:9

Bɛ mukoraa bɛte Dawide mma mmienzua, asora mmaa bɔ ɔne sómaa mɔ bɛwole bɛ ne. Né Tamar te b’eliɛma brasua.

Anyandera 31:30

Sokooyɛlɛ te nnakannaka, yeɛ anwonyemene te mbaen, nakoso brasua bɔ osuro AWURADE de, ɔfata kyɛ bɛye ye ayɛ.

Anyandera 6:25

Nnɛdi ye anwonyemene si ekuro ye, yeɛ nnɛmaa ɔfa ye ndo nwiaa ne ɔkye w’adwene.