2 Samuel 12:9 - AHYERƐLƐ KRONGRON

⁹ Nzu ati yeɛ ahwi afa AWURADE dwirɛ so aayɔ bɔ ɔte bɔne wɔ ye nyunu ɔ? Ahu Hitiniɛ Yuria, na afa ɔye agya. Amonfoɛ ngrandɛ yeɛ afa ahu ye ɔ.

2 Samuel 12:9 Iomraidhean Croise

2 Samuel 11:4

Yiti Dawide tuli mmenia maa bɛɛfale braa ne bɛbrɛle ye, na ɔne braa ne bɛlale. (Braa ne buli ye sa ɔ, sɔ mmerɛ ne yeɛ né wafi bɔ ɔpete ye nwo ɔ.) Na braa ne sa hɔle ye awuro.

2 Samuel 12:10

Yiti ngrandɛ noa wue ngofi w’awuro le, ofikyɛ ahwi afa me dwirɛ so, yeɛ ale Hitiniɛ Yuria ɔye afa ye ayɛ ɛye.

2 Samuel 16:7

Amoen bɔ Simei borole ne ɛhe: “Fi wa kɔ! Fi wa kɔ! Wudiniɛ! Ɛte busueniɛ!

1 Ahemvo 15:5

ofikyɛ Dawide yɔle bɔ ɔtengyɛ wɔ AWURADE nyunu ɔ, na mmerɛ bɔ Dawide te ase ne amukoraa, sɛ ɛfa Hitiniɛ Yuria dwirɛ ne to ahameɛ a, mmeraa biala bɔ AWURADE hyɛle ne, olili so.

1 Ahemvo 21:19

Se ye kyɛ, “AWURADE nwa, ‘Ali awue yeɛ asa afa agyapadeɛ ɔ?’ Ka kyire ye kyɛ, ‘AWURADE nwa: Nekaa bɔ ngyea bɛtafele Nabɔto mogya ne, berɛ ala yeɛ ngyea kɔtafe wɔ koso wɔ mogya deɛ ɔ.’ ”

2 Aberɛso Dwirɛ 33:6

Ɔfale ye mma mmienzua bɔle afɔleɛ wɔ see nu wɔ Hinom Awa bɔnza ne anu. Ɔhɔle abisa, ɔyele ngonyaa, ɔyele musue, na ɔfale ye nwo bɔle nzamangɔmhyɛlɛfoɛ ne abayifoɛ. Ɔyɔle bɔ ɔte bɔne pee wɔ AWURADE nyunu fa huli AWURADE ahone.

Edwein 51:14

Ao Nyameɛ, me ngoadefoɛ Nyameɛ, pepɛ de me fi mogya nwo foɛlilɛ nu, na ngɔfa me noa ngɔto wɔ tenenee nwo dwein serɛ paa.

Edwein 51:16

Ofikyɛ nna afɔleɛ yeɛ wɔ nye gye ye nwo ɔ. Sɛ mebɔ naen yeralɛ afɔleɛ a, wɔ nye ngɔgye ye nwo.

Edwein 51:4

Wɔ ngome, wɔ ngome twe, yeɛ mayɔ bɔne matia wɔ ɔ, na mayɔ bɔ ɔte bɔne wɔ wɔ nyunu ɔ. Yiti sɛ ebua me fɔ a, ɔte turoloo, na sɛ ebua me ndɛen a, edi be.

Edwein 90:8

Afa y’amumuyɛɛ agua wɔ nyunu, na afa yɛ mvealeɛ nu bɔne awa wɔ nyunu hyireinn ne anu.

Anyandera 14:2

Sona bɔ ɔnate nahorɛlilɛ atee so ne, osuro AWURADE, nakoso bɔ ɔnate atee tɛɛ so ne de, obu ye animtia.

Yesaya 5:24

Yiti kyɛbɔ see osi yera ngyɛngyɛma motoo, ɔne kyɛbɔ see wuronyiwuronyi osi yera ndire worowaa ne, sɔ ala yeɛ sɔ mmenia nemɔ bɛ ndii kɔporɔ ɔ, na mvrama kɔporo bɛ nyerɛen kogua kyɛ mvuture, ofikyɛ bapo Asafo AWURADE mmeraa ne, na babu Yisrael Krongronniɛ ne dwirɛ animtia.

Yeremia 18:10

nakoso ɔyɔ bɔne wɔ me nye so, bɔ ondie me dwirɛ a, ye de ngɔsesã m’adwene wɔ ngɔsoɛ bɔ nyɛle kyɛ ngɔmaa okonya ne anwo.

Amose 2:4

AWURADE nwa nyoo, “Ɔnate Yuda ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bapo AWURADE mmeraa, banni ye mmeraa dwirɛ so. Bɛ nnakannaka bɔ ɔte atee bɔ bɛ nana mɔ fale so ne, wamaa bali makyebu.

1 Samuel 15:19

Nzu ati yeɛ anni AWURADE dwirɛ so ɔ? Nzu ati yeɛ ɛfene koɛ nu nzesadeɛ ne, maa ɔnate so ɛyɔle AWURADE nyunu bɔne ɔ?”

1 Samuel 15:23

Ofikyɛ ɛlɔenyɛlɛ ɔte bɔne kyɛ ahɔenlilɛ ne ala, yeɛ asoserɛ te kyɛ amumuyɛɛ ne amoensɔlɛ. Na ɔnate kyɛ apo AWURADE dwirɛ ne ati, wɔ hene bɔ edi ne, ye koso waye ye sa wafi wɔ bo.”

1 Samuel 15:26

Na Samuel sele Sɔɔlo kyɛ, “Me ne wɔ ngosa ngɔhɔ, ofikyɛ apo AWURADE dwirɛ. Na Yisrael so hene bɔ edi ne, AWURADE koso waye ye sa wafi wɔ bo.”