2 Samuel 12:5 - AHYERƐLƐ KRONGRON

⁵ Yeɛ Dawide fɛle sikaniɛ ne so yaa hahii, na osele Natan kyɛ, “Kyɛ AWURADE te ase ye, sona bɔ wabɔ sɔ bra ne, ehunɛ yeɛ ɔsɛ kyɛ beku ye ɔ!

2 Samuel 12:5 Iomraidhean Croise

Gyenesise 38:24

Kɔyɛ ɛsraen nza asi ne, bɛbɔle Yuda amaneɛ kyɛ, “Wɔ sia Tamar wabɔ adwaman, na ɔnate so po ɔnwonzɛ.” Na Yuda hyɛle kyɛ, “Ɛmɔhwe ye befite ma bɛyera ye.”

2 Samuel 12:4

Ɛlɛho bie, sikaniɛ ne nyane ɛwɔfoɛ. Nakoso sikaniɛ ne anguro kyɛ ye mmoaen anaa nandwie nemɔ, okohu nu ko kɔfa kɔyɛ aleɛ kɔma ɛwɔfoɛ bɔ waasikye ye awuro ne ɔ. Yiti ɔɔhyele ehianiɛ ne boaen deɛ ne, na ohuni ye fa yɛle aleɛ mane ɛwɔfoɛ bɔ wawa ye berɛ ne.”

2 Samuel 14:8

Na Nana Dawide sele braa ne kyɛ, “Wɔ de, kɔ w’awuro, na ngɔnea ngosiesie edwirɛ ne ngɔma wɔ.”

Luka 9:55

Na ɔkakyili ye nwo hwili bɛ nyunu. [Ɔhane kyɛ: Ɛmɔnze Sunzum horɛ bɔ ɛmɔte ye deɛ ɔ, ɔnate kyɛ Sona Awa ne wamma kyɛ ɔbaasɛkye mmenia kra, na mmom kyɛ ɔbaale bɛ ngoa]

Romanfoɛ 2:1

Yiti kuro sona, wɔ ole nwa bɔ ebua ebiɛngo ndɛen ɔ? Sɛ ebua ebiɛngo ndɛen a, né ebua wɔ bɔbɔ wɔ nwo ndɛen. Ofikyɛ wɔ bɔ ebua sɔ ndɛen ne, wɔ koso ɛyɔ sɔ yɔleɛ ne bie.

1 Samuel 14:39

Na AWURADE teasefoɛ bɔ ɔko de Yisrael ne, ngyi ye nyunu meka kyɛ, sɛ mma Yonatan po yeɛ wayɔ sɔ bɔne ne a, odi kyɛ beku ye!” Nakoso koɛhonɛfoɛ ne anu biala wanga hwee wangyire Sɔɔlo.

1 Samuel 20:31

Na mmerɛ bɔ Yese awa ne ɔtɛte ase ye de, wɔ anaa w’ahennie ngogyina. Maa bɛɛfa ye bɛbrɛ me kekesaala ye, ofikyɛ ɔfata kyɛ beku ye ɔ.”

1 Samuel 26:16

Sɔ nikyee he bɔ ayɔ ye, ɔtte mayee. Na kyɛ AWURADE te ase ye, odi kyɛ beku ɛmɔ, ofikyɛ ɛmɔammɔ ɛmɔ mene bɔ AWURADE apopa ye ngoo ne nwo waen. Nea, Nana Sɔɔlo pealɛɛ ne, ɔne nzue ngomvo bɔ ogyi ye ti sorɔ berɛ ne, bɛwɔ nisua?”