2 Samuel 12:18 - AHYERƐLƐ KRONGRON

¹⁸ Na ye ɛlɛsoo ne aso, akwadaa ne wuli. Né Dawide somvoɛ nemɔ besuro kyɛ bɛkɔbɔ ye amaneɛ kyɛ akwadaa ne awu ɔ; ofikyɛ bɛhane kyɛ, “Akwadaa ne te ase ne po, wandie bɔ yɛhã yɛhyirele ye ne, ɔkɔyɛ sɛɛ né yahora yahã yahyire ye kyɛ akwadaa ne awu. Ebiaa né wayɔ ye nwo nikye.”

2 Samuel 12:18 Iomraidhean Croise

2 Samuel 12:17

Afei ye ahemvie berɛ mbanyi wale ye nwo berɛ, bɛsrɛle ye kyɛ odwɔso fi aseɛnwo berɛ, nakoso wandwɔso, yeɛ ɔne bɛ angɔannidi.

2 Samuel 12:19

Nakoso Dawide nwuni kyɛ ye somvoɛ nemɔ bɛ́wɔ bɛ noa ase bedi ngɔmɔ nen, onyane adwene kyɛ akwadaa ne awu. Yiti obisale ye somvoɛ nemɔ kyɛ, “Akwadaa ne awu hɔ ɔ?” Na bebuale kyɛ, “Yoo, wawu.”

Numeri 20:15

Ɛse kyɛbɔ yɛ nana mɔ hɔle Misraim, ɔne kyɛbɔ yɛtenane Misraim yɛhyɛle, ná Misraimfoɛ hyɛle yɛ ne yɛ nana mɔ so ɔ.