2 Samuel 12:11 - AHYERƐLƐ KRONGRON

¹¹ AWURADE nwa nyoo: Ngɔma wɔ bɔbɔ w’awuroniɛ kodwɔso kotia wɔ serɛserɛ. Ngole ɛye mɔ ngofi wɔ sa nu bɔ wɔ nye tua ɔ, ngɔfa bɛ ngɔma ebiɛngo bienzua, na ɔne ɛye mɔ kɔla pandann nu eyia ketee.

2 Samuel 12:11 Iomraidhean Croise

2 Samuel 15:10

Nakoso Absalom somane mmenia kudɛɛ maa beehyinini Yisrael mmusua kure amukoraa nu bɛhane kyɛ, “Sɛ ɛmɔte kyɛ bahu totorobɛndo a, ye de ɛ́mɔbɔ se kyɛ, ‘Absalom ali hene wɔ Hebron oo!’ ”

2 Samuel 15:14

Yeɛ Dawide sele ye mbanyi amukoraa bɔ bɛ ne ye wɔ Yerusalem berɛ ne kyɛ, “Ɛ́mɔhã bɛ nwo! Ɛ́mɔma yɛnwati, anyɔ a Absalom ngɔmma yɛngonya yɛ ti ngodidi nu. Ɛ́mɔhã bɛ nwo. Sɛ ɔbato yɛ a, okohũhũ yɛ, na ɔkɔfa ngrandɛ kohũhũ kuro wa ama.”

2 Samuel 15:6

Na Yisraelniɛ biala bɔ ɔwale Nana Dawide berɛ kyɛ ɔbaafa ye dwirɛ to ye nyunu ne, sɔ ala yeɛ Absalom yɛle ye ɔ. Yiti Absalom yɔle sɔ hwene mmenia ne wale ye bue nu.

2 Samuel 16:11

Na Dawide sele Abisae ne somvoɛ ne amu kyɛ, “Sɛ me kunu ba po ɔpena me ku me a; nzaade bɔ Benyaminniɛ he ɔ́yɔ ye, ɔnyɛ nwanwa! Ɛ́mɔyakyi ye ma ɔboro amoen ne. Ebiaa AWURADE yeɛ waha wahyire ye kyɛ ɔyɔ sɔ ɔ.

YOB NWOMAA NE 31:10

ye de ma me ye osi bienzua foforɛ aburoo, maa mmienzua biemɔ bebutu ye so.

Hesekiel 14:9

Na sɛ ngɔmhyɛlɛniɛ ne ma ye nwo ate maa bɛlakalaka ye, ná ɔkã dwirɛ a, ye de me AWURADE yeɛ malakalaka sɔ ngɔmhyɛlɛniɛ ne ɔ. Ngɔtengyɛ me sa ngɔhwe ye so, ná mahũ ye mafi me maen Yisrael nu.

Deuteronomi 17:17

Nnɛmaa ogyigya mmraa pee, ná ye wora amvi Nyameɛ. Nnɛmaa ɔsesa ɛdwetɛ ne sikaa kɔkorɛ pee bɔ so.

Deuteronomi 28:30

Ɛkɔbɔ brasua asiwa, nakoso bienzua foforɛ ne ye bɛkɔla. Ekosi sua, nakoso ɛngɔtena nu. Ɛkɔyɔ bobe boo, nakoso engoli ye mma ne bie.