2 Samuel 11:26 - AHYERƐLƐ KRONGRON

²⁶ Na Yuria aye ne tele kyɛ ohu Yuria awu nen, osuni ohu ne.

2 Samuel 11:26 Iomraidhean Croise

Gyenesise 27:41

Na ɔnate saleɛ bɔ ye baba fa yirale Yakob ne ati, Yisɔ pɔle Yakob. Na Yisɔ susuli ye nwo kyɛ, “Me baba ye wue ne ye sɛen ngyẽa apingye; na ɛhe asi ne, ngohũ nniɛma Yakob.”

Gyenesise 50:10

Beedwuli nekaa bɔ bɛboro aburoo wɔ Atade bɔ ɔwɔ asue Yɔɔdan asi dɔ ne, bɛbɔle awuye serɛserɛ bɔ ɔyɛ aworabɔ paa ɔ; na Yosef yɔle ɔse sɛen ɛlɛsoo.

2 Samuel 11:25

Yeɛ Dawide sele ɛbɔfoɛ ne kyɛ, “Kose Yoabo kyɛ, ‘Nnɛdi edwirɛ he anwo yealɛ, ofikyɛ koɛ nu de, ɔyɛ sɛɛ ala a, mmenia totɔ wɔ bue ne amunyɔ nu. Yiti mia wɔ nye tua kuro ne ná di so ngonim.’ Afei hyɛ ye nguraen.”

2 Samuel 14:2

Yiti Yoabo somane maa bɛhɔle Tekoa bɛɛfale braa nworɛniɛ bie befili dɔ bɛwale. Na osele braa ne kyɛ, “Yɛ wɔ nwo kyɛ ɛwɔ ɛsɛen nu, kera ɛsɛen tena, nnɛpopa. Yɛ wɔ nwo kyɛ brasua bɔ ye nwoniɛ awu maa watena ɛsɛen nu wahyɛ ɔ.

2 Samuel 3:31

Yeɛ Dawide sele Yoabo ne koɛhonɛfoɛ amukoraa bɔ bɛboka ye so ne kyɛ, “Ɛ́mɔsunzua ɛmɔ ndaadeɛ nu, ɛ́mɔfa ɛsɛen tena bɛhera, ná ɛ́mɔsu Abenɛ.” Na Nana Dawide lili efuin alaka ne asi.

1 Ahemvo 21:16

Ahabo tele kyɛ Yesreelniɛ Nabɔto wawu pɛ, osili nu kyɛ ɔkɔ Nabɔto bobe boo ne anu ɔkɔfa yɛ ye deɛ.

Deuteronomi 34:8

Na Yisraelfoɛ suni Mose wɔ Moabo aseɛ frɛtɛɛ ne aso eleburasa, na ngyẽa bɔ bɛfa besuni ye ɔ, ɔne ye sɛenyɛlɛ ne wale ayieleɛ.

1 Samuel 31:13

Afei bɛsesale bɛ mmowue nemɔ besiele bɛ wɔ akyea ne abo wɔ Yabese, na bebua bɛlale ɛlɛsoo.