2 Samuel 11:2 - AHYERƐLƐ KRONGRON

² Na ɛlɛho bie nɔsoa, Dawide dwɔsole fili nnaa nu. Né ɔnatenate ahemvie berɛ anwuro nekaa bie bɔ basamo so ɔ. Ogyi nzamsoɛ ne aso ne, onwuni kyɛ braa bie obia. Né braa ne nwo yɛ nyemene paa.

2 Samuel 11:2 Iomraidhean Croise

Gyenesise 12:11

Na ɔka kãa maa odwu Misraim nen, osele ɔye Sarae kyɛ, “Mese kyɛ ɛte brasua bɔ wɔ nwo yɛ nyemene ɔ;

Gyenesise 3:6

Na braa ne nwuni kyɛ saa bedi bakaa ne mma a ɔyɛ yee, ɔyɛ nyemene, na ɔkora ma sona nwu nworɛ. Yiti ɔtele ye mma ne bie lili, ɔmane ohu ne koso bie, na ye koso olili.

Gyenesise 34:2

Hiwiniɛ Hamɔ bɔ ɔte aseɛ ne aso hene ne, ɔwa Sɛkem nwuni Dina, na ɔhyɛle ye ɔne ye bɛlale.

Gyenesise 39:6

Yiti ɔfale ye nningyein amukoraati wurale Yosef sa. Na ɔnate kyɛ Yosef wɔ berɛ ne ati, né ɔnha ye nwo wɔ nikye fee nwo, sana aleɛ bɔ okoli angome. Né Yosef nwo yɛ nyemene na ɔbɔ pe.

Gyenesise 6:2

Nyameɛ mma nemɔ benwuni kyɛ mmenia mma mmrasua nemɔ bɛ nwo yɛ nyemene, yiti begyigyale bɛ nu biala bɔ bekuro ɔ.

2 Samuel 13:1

Né Dawide awa Absalom ole aliɛmaa brasua anwonyemene bie bɔ oli Tamar. Na né Dawide awa bienzua Amnɔn kuro ye.

2 Samuel 14:27

Absalom wole mmaa mmienzua nza ne brasua ko. Brasua ne li Tamar. Ɔte brasua bɔ ye nwo yɛ nyemene ɔ.

2 Samuel 4:5

Beeroteniɛ Rimon ye mma Rekabo ne Baana besili nu, na beedwuli Yisbosɛte awuro eyia ketee, wɔ mmerɛ bɔ né ɔda eyia ɔ.

2 Samuel 4:7

Bɛhɔle awuro berɛ nen, né Yisbosɛte alafe wɔ ye mba so wɔ ye sua nu, na bɛwɔle ye dadeɛ behuni ye. Bɛpɛle ye ti, na bɛfale tire ne bɛnatele bɛɛfale Yɔɔdan bɔnza ne anu toonn kɔngɔen ne.

YOB NWOMAA NE 31:1

“Me ne me nye yayɛ apam, nzu ati yeɛ brasua bɔ onnwuni biaa le ne, odi kyɛ menea ye wɔ ehurolɛ atee so ɔ.

Edwein 119:37

Nningyein bɔ mvasoɛ nne so ne, ye me nye fi bɛ nealɛ so, maa nya ngoa wɔ w’atee ne aso.

Anyandera 19:15

Ɛfoen ma sona da hatee, yeɛ akwadworɔ sona di hɔen.

Anyandera 31:30

Sokooyɛlɛ te nnakannaka, yeɛ anwonyemene te mbaen, nakoso brasua bɔ osuro AWURADE de, ɔfata kyɛ bɛye ye ayɛ.

Anyandera 6:25

Nnɛdi ye anwonyemene si ekuro ye, yeɛ nnɛmaa ɔfa ye ndo nwiaa ne ɔkye w’adwene.

Anyandera 7:8

Né ɔnate dwaaso nekaa bie bɔ opingye braa n’awuro ɔ, ɔfale atee bɔ ɔkɔ braa n’awuro so,

Yeremia 19:13

Na Yerusalem awuro mɔ ne Yuda ahemvo mɔ awuro mɔ, bɛ nwo kogua fiɛ te kyɛ Tofete berɛ, ɔnate awuro amukoraa bɔ bayera ɛyɛɛ wɔ bɛ ti afia bama ewienu nzramaa amukoraa, ɔne anonneɛ afɔleɛ bɔ babɔ bama nyameɛ foforɛ mɔ ne ati.’ ”

Mateo 10:27

Na bɔ mekã mekyire ɛmɔ awosii nu ne, ɛmɔhã ye eyia ketee; yeɛ bɔ batu ye nwo asure maa ɛmɔate ne, ɛ́mɔbɔ ye dawure wɔ sua ti afia.

Mateo 24:17

sona bɔ ɔwɔ sua ti afia ne, onni kyɛ odwu ase kyɛ ɔkwaafa nikyee biala fi ye awuro;

Mateo 5:28

Nakoso me de, mekã mekyire ɛmɔ kyɛ, ebiala bɔ ɔkɔnea brasua ná ye nwo kɔyɛ ye akɔnnɔ ne, né wafa ye dada ye wɔ ahone nu.

Asomafoɛ 10:9

Aleɛ hyene, na ɔbɔle kɔyɛ eyia duabien nen, né bɛwɔ atee so bɔ bapingye Yopa ɔ; na sɔ mmerɛ ne, Petro fole sua frɛtɛɛ so anwuro kyɛ ɔkwaabɔ mbaeɛ.

Deuteronomi 22:8

“Sɛ esi sua foforɛ a, sua ne anwuro nekaa bɔ basamo ne, to ɛwaen fa ye nwo bra yia. Anyɔ ye sɔ, ná ebie fi so te tɔ a, mogya nwo foɛlilɛ kɔla wɔ sua ne aso.

Deuteronomi 5:21

“ ‘Nnɛma wɔ nye yɛ eliɛngo aye nwo koakoa. Yeɛ nnɛma wɔ nye boro eliɛngo awuro, anaa ye aseɛ, ye akoaa, ye afaneɛ, ye nandwie, ye afunum, anaa nikyee biala bɔ eliɛngo deɛ ahɔ ɔ.’

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

1 Yohane 2:16

Ofikyɛ bɔ ɔwɔ wiase amukoraa: anwoɔnaen akɔnnɔ, anyeboroborolɛ, asetena nu anwohoahoa offi Baba ne berɛ, na mmom ofi wiase.

1 Samuel 9:25

Na befili asɔneyɛɛ so dɔ bedwu bɛwale kuro ne anu ne, bɛtole Sɔɔlo mba wɔ sua ne aso nzamsoɛ ne aso maa ɔlale.