2 Samuel 11:11 - AHYERƐLƐ KRONGRON

¹¹ Na Yuria buale Dawide kyɛ, “Me mene, Nyameɛ alaka ne ɔne Yisrael ne Yuda koɛhonɛfoɛ bɛwɔ asese nu, yeɛ me mene Yoabo ne wɔ somvoɛ mɔ koso bakyekye asikyeleɛ wɔ eburo. Aso ngɔhora ngɔhɔ awuro ngoodidi ngɔno, ná me ne me ye yala anaa? Nana, mesrɛ meta wɔ ndaen kyɛ, sɔ nikyee de, mengɔyɔ.”

2 Samuel 11:11 Iomraidhean Croise

2 Samuel 11:10

Na bɛbɔle Dawide amaneɛ kyɛ Yuria angɔ ye awuro nen, Dawide sele Yuria kyɛ, “Bekye ala yeɛ efi atee awa ɔ. Nzu ati yeɛ angɔ w’awuro ye?”

2 Samuel 14:19

Yeɛ Nana Dawide bisale ye kyɛ, “Sɔ dwirɛ he, aso nna Yoabo yeɛ wapesa wawura wɔ ɔ?” Na braa ne buale kyɛ, “Nana, me mene, aha ato me deɛ ne aso. Bɔ aha ne te nahorɛ turoloo. Amba, wɔ somvoɛ Yoabo yeɛ ohyirele me kyɛ nyɔ sɔ ɔ. Ye yeɛ ɔfale edwirɛ he amukoraa tuale w’afaneɛ noa ɔ.

2 Samuel 20:6

Yeɛ Dawide sele Abisae kyɛ, “Afei de, nikyee bɔ Bikri awa Hyeba kɔfa kɔyɛ yɛ ne, ɔkɔtra Absalom deɛ ne po. Yiti fa me koɛhonɛfoɛ nemɔ ná po ye so. Anyɔ a, ɔkɔɔfea nguro bɔ bato bɛ nwo fasue ne bie anu, bɔ yɛ sa ngɔhã ye ɔ.”

2 Samuel 7:2

Nana Dawide sele Ngɔmhyɛlɛniɛ Natan kyɛ, “Nea, nde awuro bɔ bafa sida basi ɔ nu, nakoso Nyameɛ alaka ne de, ogyi ɛtena sua nu.”

2 Samuel 7:6

Ofi kyẽa bɔ nyele Yisraelfoɛ mvili Misraim mmale bɔ ɔbaadwu ɛnɛ ɔ, nndenane awuro nu le; na mmom medi tutena wɔ ɛtena sua ne nyianu sua nu.

Numeri 32:6

Nakoso Mose bisale Gadefoɛ ne Rubenfoɛ kyɛ, “Aso odi kyɛ ɛmɔ aliɛma mɔ kɔ koɛ ma ɛmɔ de ɛmɔtena wa?

Yohane 13:14

Na me bɔ nde ɛmɔ Awurade ne Kyerɛkyerɛniɛ ne, sɛ manwunzi ɛmɔ gya bo a, ye de ɔsɛ kyɛ ɛmɔnwunzinwunzi ɛmɔ nwo ɛmɔ nwo gya bo.

2 Timoteo 2:12

sɛ yɛmia yɛ nye yɛtindim a, yɛne ye koli hene koso; sɛ yɛpo ye a, ye koso ɔkɔpo yɛ;

1 Samuel 1:26

Na Hana sele kyɛ, “Me mene, w’adaworoma, me ole braa bɔ ogyinane wɔ nwo wa bɔle mbaeɛ hyirele AWURADE ne.

1 Samuel 14:18

Yeɛ Sɔɔlo sele Ahiya kyɛ, “Fa Nyameɛ alaka ne bra.” Ofikyɛ sɔ mmerɛ ne, né Nyameɛ alaka ne wɔ Yisraelfoɛ berɛ.

1 Samuel 17:55

Mmerɛ bɔ Sɔɔlo nwuni Dawide kyɛ ɔkwaayia Filistiniɛ ne ɔne ye bɛko ne, obisale safohene Abenɛ kyɛ, “Sɔ aberandeɛ he, nwa awa ɛne?” Na Abenɛ buale kyɛ, “Nana, meta wɔ ndaen kyɛ menze.”

1 Samuel 20:3

Na Dawide koso buale kyɛ, “Wɔ baba se ye pefee kyɛ ekuro me dwirɛ, yiti wayɛ ye adwene kyɛ, ‘Mengɔma Yonatan ngɔte ye nwo bie, anyɔ a ɔkɔyɛ ye yea.’ Nakoso nahorɛ nu, kyɛ AWURADE te ase ye, ná wɔ kra koso te ase ye, ewue li me mvanvando.”

1 Samuel 25:26

Me mene, kyɛ AWURADE te ase ye, ná wɔ kra koso te ase ye, AWURADE yeɛ wamma anga mogya angua anni ye nwo fɔ ɔ. Ye yeɛ wamma wɔ bɔbɔ andɔ mmenia so wereɛ ɔ. Me mene, wɔ pɔfoɛ mɔ ne bɛ bɔ bɛpena wɔ beku wɔ ne, mesrɛ kyɛ b’ayieleɛ koyie bɛ kyɛ Nabal ala.

1 Samuel 4:4

Yiti maen ne tuli mmenia maa bɛhɔle Silo, na Asafo AWURADE bɔ ɔte kɛrubim nemɔ b’afia ne, bɛɛfale ye apam alaka ne befili dɔ bɛwale. Hofini ne Finehase bɔ bɛte Eli mma nyɔ ne, né bɛwɔ Nyameɛ apam alaka ne anwo.