2 Samuel 10:6 - AHYERƐLƐ KRONGRON

⁶ Amonfoɛ nwuni kyɛ bama Dawide ahone ahu bɛ so paa, yiti betuli ɛbɔfoɛ mɔ maa bɛɛbɔle sɔ mmenia hemɔ paa: Siriafoɛ koɛhonɛfoɛ apee aburanyɔ bɔ bɛnate ase ɔ, bɔ befi Bete Rehobo ne Soba, Maaka hene berɛ koɛhonɛfoɛ apee ko, yeɛ koɛhonɛfoɛ apee buru ne nyɔ bɔ befi Tobo aseɛ so.

2 Samuel 10:6 Iomraidhean Croise

Gyenesise 34:30

Na Yakob sele Simeon ne Lewi kyɛ, “Ɛmɔahwe edwirɛ piri babrɛ me. Ɛmɔamaa manya ɛpɔen wɔ bɛ bɔ bɛte aseɛ ye asofoɛ ne Kanaanfoɛ ne Perisifoɛ bɛ sa nu. Me nwo mmenia anzo. Na sɛ bɛyɛ ko na bɛboaboa bɛ noa bedwɔso betia me a, bekonua me ne m’awuro ama mukoraa bo.”

2 Samuel 10:5

Na Nana Dawide tele edwirɛ bɔ wasi nen, ɔsomane mmenia maa beeyiale bɛ bɛha behyirele bɛ kyɛ, “Ɛ́mɔtena Yeriko ma ɛmɔ kanza ne ofu koraka né ɛmɔasa bawa.” Ofikyɛ né Hanun agua bɛ nyunu ase paa.

2 Samuel 10:7

Na Dawide tele porɛ bɔ babɔ nen, ɔmane Yoabo ne koɛhonɛfoɛ ne amukoraa bɛhɔle kyɛ bɛ ne bɛ bɛɛho.

2 Samuel 16:21

Na Ahitofel buale Absalom kyɛ, “Wɔ baba sómaa mɔ bɔ wayakyi bɛ berɛ kyɛ bɛnea awuro berɛ ne, ɛne bɛ bɛɛla. Na sɛ Yisraelfoɛ amukoraa bɛte kyɛ agua ɛse anyunu ase pɔtɔɔ a, ɔkɔhyɛ mmenia bɔ begyi wɔ si ne nguraen.”

2 Samuel 23:34

Elifɛlɛte bɔ ye baba Ahasebae fi Maaka, Giloniɛ Ahitofel ɔwa Eliam,

2 Samuel 8:12

Sɔ nningyein ne fi Siria, Moabo, Amonfoɛ, Filistifoɛ ne Amalɛkefoɛ berɛ, yeɛ koɛ nu nzesadeɛ bɔ onya fili Soba hene Hadadesa bɔ ɔse ole Rehobo berɛ ne.

2 Samuel 8:3

Soba hene Hadadesa bɔ ɔse ole Rehobo ne, ye koso Dawide lili ye so ngonim, wɔ mmerɛ bɔ né ɔkwaaho trɛ ye ahennie ne anu wɔ asue Yufreti noa ɔ.

2 Samuel 8:5

Na Siriafoɛ bɔ bɛwɔ Damasko ne, bɛwale kyɛ bɛbaaboka Soba hene Hadadesa nen, Dawide huni Siriafoɛ nemɔ anu apee aburanyɔ ne nyɔ.

1 Ahemvo 11:24

Dawide huhuni Sobafoɛ pasaa yiele ne, Reson boaboale apaabɔlɛfoɛ noa maa belili ye si, na ɔlale bɛ noa. Bɛɛtenane Damasko, na besili Reson hene wɔ Damasko.

2 Ahemvo 7:6

Ofikyɛ né AWURADE ama Siria koɛhonɛfoɛ nemɔ bate teaseɛnam mɔ, mbɔngɔ mɔ, ɔne koɛhonɛfoɛ lɔen kandinga nga wɔ bɛ so anu, bɔ ɔnate so maa besisele bɛ nwo kyɛ, “Yisrael hene waabɔ Hiti ahemvo ne Misraim ahemvo mɔ paa kyɛ bɛɛfa koɛ bɛtoa yɛ.”

Edwein 48:4

Tie, ahemvo mɔ bɛboaboale bɛ noa, bɛhane bɛ nwo bɛbɔle nu bɛwale Sion so.

Ɛksadɔso 5:21

Na besele bɛ kyɛ, “Nyameɛ ɔ́nea ɛmɔ na óbua ɛmɔ ndɛen, ofikyɛ ɛmɔamaa yayɛ tɛɛ wɔ Faro ne ye mbanyi nyunu, na ɛmɔafa ngrandɛ bawura bɛ sa nu kyɛ behũ yɛ.”

Anyandera 25:8

nnɛpere wɔ nwo ndɛndɛ fa kɔ mbanyi gya so, ofikyɛ ɔkwaayie ye bo ne, sɛ ebiɛngo bu gua wɔ so ma wɔ nyunu gua ase a, ɛkɔyɛ ye sɛ?

Yeremia 40:8

bɛhɔle Gedalia dɔ wɔ Misepa. Bɛ ole Yismael bɔ ye baba ole Netania, Yohanan ne Yonatan bɔ bɛ baba ole Karea, Seraya bɔ ye baba ole Tanhumete, Netofaniɛ Efae ye mma mmienzua, Yesania bɔ ye baba te Maakatiniɛ ne, bɛ ne bɛ koɛhonɛfoɛ.

Yeremia 46:21

Ye koɛhonɛfoɛ bɔ wabɔ bɛ paa ne, bɛwɔ ye nu, bɛte kyɛ nandwie mɔ bɔ balɔ ɔ; ofikyɛ bɛ koso basa bɛ si, na babɔ nu banwati bahɔ. Bangora gyina, ofikyɛ b’amaneɛnwunɛ kyẽa ne b’asohwenɛ mmerɛ ne, wawa bɛ so.

Deuteronomi 3:14

Manase bosoniɛ Yari, ɔho fale Agɔbo bɔ besa bɛfrɛ ye Basan ne. Mekyire aseɛ amukoraa bɔ ɔkwaadwu Gesurefoɛ ne Maakatifoɛ ɛwɛen so ne, na ɔfale ye dumaa tole so kyɛ, Hawote Yari, na dumaa ne la so maa waadwu ɛnɛ.)

Maenbulɛfoɛ 11:3

Yiti Yɛfeta nwati fili oliɛma nemɔ anwo ɔɔtenane Tobo aseɛ so. Na mmenia biemɔ bɔ benni dwirɛ ngɔ kuro so fale bɛ tena bɛɛbɔle Yɛfeta deɛ noa, bɔ né ɔne bɛ kɔbɔ apaa ɔ.

Maenbulɛfoɛ 11:5

Na Amonfoɛ fale koɛ bɛɛtetale Yisraelfoɛ ne, Gileade mbanyi bɛɛfale Yɛfeta befili Tobo aseɛ so bɛwale.

Maenbulɛfoɛ 18:28

Layisefoɛ bannya defoɛ biala, ofikyɛ né bembingye Sidon, yeɛ afei né belle abiɛngoɛ biala. Né Layise wɔ Bete Rehobo bɔnza ne anu. Danfoɛ sa kyekyele kuro ne bɛtenane nu.

1 Samuel 13:4

Yisrael amukoraa tele kyɛ Sɔɔlo ali Filistifoɛ bɛ koɛhonɛfoɛ atenaleɛ ne aso ngonim. Besa bɛtele kyɛ Filistifoɛ afɛ Yisrael so yaa paa, yiti Yisrael koɛhonɛfoɛ nemɔ bɛɛbokale Sɔɔlo so wɔ Gilgal.

1 Samuel 27:12

Akise lele Dawide lili, na Akise dwenene kyɛ, “Wama ye nwo ayɛ ye bɔbɔ ye mmenia Yisraelfoɛ ahi paa, yiti ɔkɔyɛ me somvoɛ daa.”