2 Samuel 10:19 - AHYERƐLƐ KRONGRON

¹⁹ Na ahemvo amukoraa bɔ né bewura Hadadesa bo ne, benwuni kyɛ Yisrael ali bɛ so ngonim ne, bɛ ne Yisrael yɛle asomdwee apam, na bɛsole Yisrael. Na Siriafoɛ surole kyɛ bɛkɔɔboka Amonfoɛ bieku ɔ.

2 Samuel 10:19 Iomraidhean Croise

2 Samuel 8:3

Soba hene Hadadesa bɔ ɔse ole Rehobo ne, ye koso Dawide lili ye so ngonim, wɔ mmerɛ bɔ né ɔkwaaho trɛ ye ahennie ne anu wɔ asue Yufreti noa ɔ.

2 Samuel 8:6

Afei Dawide ɔɔkyekyele koɛhonɛfoɛ asikyeleɛ mɔ wɔ Damasko bɔ ɔwɔ Siria. Na Siriafoɛ bɛɛyɛle Dawide ngoaa bɔ né betua ɛtoɔ bɛma ye ɔ. Na AWURADE mane Dawide lili ngonim wɔ koɛ biala bɔ ɔhone ɔ nu.

1 Ahemvo 20:1

Siria hene Ben Hadade boaboale ye koɛhonɛfoɛ amukoraati noa. Né ahemvo aburasa ne nyɔ ne mbɔngɔ ne teaseɛnam mɔ boka ye so. Ɔfale koɛ ɔɔtoale Samaria. Otuale kuro ne, na ɔne bɛ hone.

1 Aberɛso Dwirɛ 19:19

Na ahemvo amukoraa bɔ né bewura Hadadesa bo ne, benwuni kyɛ Yisrael ali bɛ so ngonim ne, bɛ ne Dawide yɛle asomdwee apam, na bɛɛyɛle Dawide ngoaa. Na Siriafoɛ banguro kyɛ bɛkɔɔboka Amonfoɛ bieku ɔ.

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Daniel 2:37

Wɔ, Nana, ɛte ahemvo mɔ bɛ nu hene bɔ nyameɛso Nyameɛ ne wafa ahennie, tumi, anwoserɛ ne animnyam wama wɔ ɔ.

Yosua 11:10

Sɔ mmerɛ ne, Yosua sale ye si, olili Hasɔ so ngonim, na ɔfale ngrandɛ huni berɛ hene ne. Ɔbaadwu sɔ mmerɛ nen, né Hasɔ yeɛ ɔte sɔ ahennie ne amukoraa b’ahenguro ɔ.

Nyekyire 18:10

Na ye amaneɛnwunɛ ne bɔ besuro ne ati, bekogyinagyina dedeede bɛkɔhã kyɛ, “Yaakɔ oo, yaakɔ oo! Wɔ, kuro piri Babilɔn, kuro bɔ wɔ nwo yɛ se, dɔnhwere komapɛ nu yeɛ wɔ ndɛenbualɛ awa ye!”

Maenbulɛfoɛ 1:7

Yeɛ Adoni Beseke sele kyɛ, “Ahemvo aburasoo, bɔ mapepɛ bɛ sa kokotire ne bɛ gya kokotire, yeɛ né bɛsesa m’aleɛ bo mboporowa bedi ɔ. Bɔ mayɔ ne yeɛ Nyameɛ atua me so kerɛ ɔ.” Bɛfale ye bɛwale Yerusalem, na berɛ yeɛ owuli ɔ.