2 Samuel 10:18 - AHYERƐLƐ KRONGRON

¹⁸ Siriafoɛ nwati fili Yisrael nyunu; na Dawide huhuni bɛ teaseɛnamhanɛfoɛ ɛyaa nzoo ɔne pɔngɔhanɛfoɛ apee aburanna. Na opurale bɛ safohene Sobake maa owuli berɛ.

2 Samuel 10:18 Iomraidhean Croise

2 Samuel 10:17

Dawide tele sɔ dwirɛ nen, ɔboaboale Yisrael koɛhonɛfoɛ amukoraa noa, na ɔɔpɛle asue Yɔɔdan hɔle Helam. Siria koɛhonɛfoɛ nemɔ te gyinane, na bɛ ne Dawide fale koɛ tetale so.

2 Samuel 8:4

Dawide hyele Hadadesa pɔngɔhanɛfoɛ nemɔ anu apee ko ɛyaa nzoo, ɔne koɛhonɛfoɛ bɔ bɛnate ase ɔ apee aburanyɔ. Mbɔngɔ amukoraa bɔ teaseɛnam sosɔ bɛ ne, Dawide pepɛle bɛ gya si ndii nu, nakoso ɔyakyili mbɔngɔ ne bie bɔ bɛkɔfa teaseɛnam ɛyaa ko bɛkɔsosɔ bɛ ɔ.

1 Ahemvo 11:24

Dawide huhuni Sobafoɛ pasaa yiele ne, Reson boaboale apaabɔlɛfoɛ noa maa belili ye si, na ɔlale bɛ noa. Bɛɛtenane Damasko, na besili Reson hene wɔ Damasko.

1 Aberɛso Dwirɛ 19:18

Siriafoɛ nwati fili Yisrael nyunu; na Dawide huhuni Siriafoɛ teaseɛnamhanɛfoɛ apee nzoo, ɔne koɛhonɛfoɛ bɔ bɛnate ase ɔ apee aburanna. Ohuni bɛ safohene Sopake.

Edwein 18:38

Mmobɔle bɛ nguale berɛ bɔ bangora dwɔso ko ɔ, na bɛtotɔle beguale me gya bo.

Edwein 46:11

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 68:2

Kyɛbɔ mvrama bɔ nwosina kɔ ne, sɔ ala yeɛ foa bɛ maa bɛhɔ ɔ; ao Nyameɛ, kyɛbɔ sakyeɛ huro wɔ see nu ne, sɔ ala yeɛ maa bɔnefoɛ bewuwu wɔ wɔ nyunu ɔ.

Maenbulɛfoɛ 4:2

Yiti AWURADE fale bɛ wurale Kanaan hene Yabin bɔ né odi hene wɔ Hasɔ ne sa. Ye safohene ole Sisera bɔ né ɔte Harosete Hagoyim ne.

Maenbulɛfoɛ 4:22

Na Barake gu so ɔpena Sisera ne, Yaele fitele ooyiale ye sele ye kyɛ, “Bra maa ngyire wɔ biaa bɔ ɛpena ye ne.” Yiti Barake wurale Yaele ɛtena sua ne anu, na onwuni kyɛ Sisera wawu la berɛ, bɔ ɛtena sua pɛmbɛen ne wura ye so taa nu ɔ.

Maenbulɛfoɛ 5:26

Ɔtengyɛle ye sa fale ɛtena sua pɛmbɛen, ole ye sa famaa fale adwumayɔlɛfoɛ bɔsobaka; ɔfa bɔle Sisera, ɔfa bɔle ye ti pɛkyɛle ye, ɔfa bɔle ye so taa nu maa omi hɔle nu.