2 Samuel 1:23 - AHYERƐLƐ KRONGRON

²³ “Sɔɔlo ne Yonatan, anwonyemenefoɛ bɔ mmenia kuro bɛ dwirɛ ɔ! Bɛ ngoa nu oo, bɛ wue nu oo, b’afia andete. Né bɛ nwo yɛ nyera tra kɔleɛ, bɛ nwo yɛ se tra gyata.

2 Samuel 1:23 Iomraidhean Croise

2 Samuel 1:24

“O Yisrael mmrasua, ɛ́mɔsu Sɔɔlo! Ye yeɛ ɔmane ɛmɔ kende kɔkorɛ nyemenenyemene maa ɛmɔherale ɔ, bɔ ɔfale sikaa kɔkorɛ mbembenanneɛ maa ɛmɔsiesiele ɛmɔ nwo ɔ.

2 Samuel 2:18

Seruya mma mmienzua nza nemɔ, bɔ bɛ ole Yoabo, Abisae ne Asahel ne, né bɛwɔ berɛ bie. Né Asahel tu amirika te kyɛ ɛwanzane.

2 Samuel 23:20

Yehoada awa Benaya bɔ ofi Kabeseel ne, né ɔte koɛhonɛniɛ ahoneserɛniɛ bɔ ye hue yɛ se paa wɔ nningyein pee anu ɔ. Ohuni Moabofoɛ nyɔ bɔ b’ahone yɛ se te kyɛ gyata ɔ. Asa koso, oohuni gyata wɔ abura bie anu ɛlɛho bie bɔ né asukɔtwea tɔ gua ɔ.

1 Aberɛso Dwirɛ 12:8

Gade abusua kure nu, koɛhonɛfoɛ ahoneserɛfoɛ bɔ babe wɔ koɛhonɛ nu ne, bɛɛbokale Dawide so wɔ anwoserɛ afealeɛ bɔ ɔwɔ ɛserɛ so ne anu. Né bɛkora bɛfa akokyɛm ne pealɛɛ bɛko paa. Bɛ nye yɛ se kyɛ gyata, yeɛ bɛ nwo koso yɛ nyera kyɛ bokaa so ɛwanzane.

YOB NWOMAA NE 9:26

Ɔpɛ nu kɔ ndɛndɛ kyɛ ɛlɛen bɔ ɔla asue nye ɔ, ɔkɔ ndɛndɛ kyɛ kɔleɛ bɔ ɔto kye naen ɔ.

Anyandera 30:30

Gyata, bɔ ye nwo yɛ se tra ngaka amukoraati, bɔ ɔnnwati mvi ebiala nyunu ɔ,

Edwein Nu Dwein 5:16

Ye noa dwudwolɛ yɛ fɛ paa, ye nwo nekaa biala yɛ nyemene. Ao Yerusalem ndaluwa, me kurofoɛ ne, me damvo ne, ye ɛne.

Yeremia 4:13

Nea! Ɔfo ba kyɛ munungum, ye teaseɛnam mɔ te kyɛ mvrama bɔ ɔpɛ ye nwo ɔ; ye mbɔngɔ mɔ nwo yɛ nyera tra kɔleɛ mɔ; edwirɛ ato yɛ oo, ofikyɛ yɛ maen ne abɔ oo!

Awuye 4:19

Yɛ ndaneanyeɛfoɛ mɔ, bɛ nwo yɛ nyera tra ewienu kɔleɛ mɔ. Bɛfoane yɛ wɔ mmokaa nemɔ aso, bɛtetɛle yɛ wɔ ɛserɛ so.

Deuteronomi 28:49

AWURADE kɔma maen bie bɔ ɔwɔ dedeede, bɔ ofi aseɛ noa dɔ ɔ, ɔkɔɔto kɔhye wɔ kyɛ kɔleɛ. Ɔkɔyɛ maen bɔ ɛnde ye dwudwolɛ ɔ,

Maenbulɛfoɛ 14:18

Yiti ye ɛlɛsoo ne aso, kuro berɛ mmienzua sele Samson koraka yeɛ eyia kwaatɔ ɔ kyɛ, “Nzikyɛ yeɛ ɔte menemene tra woɛ ɔ? Nzikyɛ yeɛ ye nwo yɛ se tra gyata ɔ?” Na Samson buale bɛ kyɛ, Sɛ ɛmɔamva me bɔbɔ me ye so a, ahaa ɛmɔande anyandera ne abo.”

1 Samuel 18:1

Dawide ne Sɔɔlo lili ngɔmɔ yiele nen, Yonatan ne Dawide betirale abiɛngoɛ bɔ nu yɛ se ɔ, na Yonatan hurole ye dwirɛ kyɛ ye bɔbɔ ye nwo.

1 Samuel 20:2

Na Yonatan buale ye kyɛ, “Nyameɛ pa gua! Ongohu wɔ. Tie, me baba nyɔ nikye fee, kyɛ piri oo, kyɛ kãa oo, bɔ ɔmmɔ me amaneɛ ɔ. Ɔkɔyɛ sɛɛ bɔ me baba kɔfa sɔ dwirɛ he kɔfea me ɔ? Menne menni!”