2 Samuel 1:22 - AHYERƐLƐ KRONGRON

²² “Me ngome oo! Yonatan agyaen anza amma mbaen, bɔ yeɛ ɔngɔma mmenia ngɔtotɔ ɔ, bɔ ongohwi anwoserɛfoɛ bɛ loe ngogua ɔ; yieee, Sɔɔlo ngrandɛ anza amma nzanza.

2 Samuel 1:22 Iomraidhean Croise

Yeremia 50:9

Ofikyɛ, tie, mebaakanyane maen maen mbiri mbiri fekue bɔ befi sorɔ dɔ maa bedwɔso bɛfa koɛ bɛbatoa Babilɔn. Bekotu bɛ nye bekosie ye so, na berɛ yeɛ bɛkɔɔfa ye bekofi bɛkɔhɔ ɔ. B’agyaen mɔ te kyɛ koɛhonɛniɛ bɔ ye nye gyene, bɔ ɔndo mvo ɔ.

Deuteronomi 32:42

Ngɔma m’agyaen kɔno mogya kɔbo, na me ngrandɛ koli naen: bɛ bɔ bawuwu ne bɛ bɔ bahye bɛ nnure mogya, ɔne pɔfoɛ mɔ bɔ bɛ ti nwiaa afu agua bɛ nwo ɔ.’

1 Samuel 14:47

Sɔɔlo ahennie ne tirale ndii wɔ Yisrael ne, ye pɔfoɛ amukoraa bɔ bapɛ ye nwo bayia ne, ɔne bɛ hone koɛ. Ɔne ɛhemɔ hone: Moabofoɛ, Amonfoɛ, Edomfoɛ, Soba ahemvo ne Filistifoɛ. Olili ngonim wɔ nekaa biala bɔ ɔhone koɛ ɔ.

1 Samuel 14:48

Ohyirele kyɛ ye ahone yɛ se. Olili Amalɛkefoɛ so ngonim. Na mmenia bɔ bɛbɔ Yisrael so apaa ne, olele Yisrael fili bɛ sa nu.

1 Samuel 18:4

Yonatan purole ye ataadeɛ tendenn bɔ owurale ye ne mane Dawide, na ɔfale ye akodeɛ, ye ngrandɛ ne ye agyaen ne ye abɔsoɛ po bokale so.