2 Samuel 1:21 - AHYERƐLƐ KRONGRON

²¹ “Ao, Gilboa mmokaa, ɛmɔ, esue ngɔtɔ anaa bosue ngogua ɛmɔ so ko, yeɛ ndire ngofifi ɛmɔ so! Ofikyɛ bagua anwoserɛfoɛ akokyɛm nyunu ase wɔ berɛ. Yieee, bɛngɔpopa Sɔɔlo akokyɛm ngoo ko.

2 Samuel 1:21 Iomraidhean Croise

1 Aberɛso Dwirɛ 10:1

Afei Filistifoɛ fale koɛ bɛɛtoale Yisrael. Yisraelfoɛ nwati fili Filistifoɛ nyunu, na behuhuni Yisraelfoɛ beguale Gilboa bokaa ne aso.

1 Aberɛso Dwirɛ 10:8

Aleɛ hyene ne, Filistifoɛ hɔle kyɛ bɛkwaayeye Yisraelfoɛ bɔ bawuwu nemɔ bɛ nwo nningyein, na benwuni kyɛ Sɔɔlo ne ye mma nemɔ batotɔ wɔ Gilboa bokaa ne aso.

Edwein Nu Dwein 4:4

Wɔ kɔme te kyɛ Dawide abandenden ne, bɔ besili ye kyɛ bɛfa akodeɛ begua nu, bɔ akokyɛm apee ko sinzesinze so, bɔ bɛ mukoraa bɛte koɛhonɛfoɛ b’akokyɛm ɔ.

Yesaya 21:5

Ɛ́mɔto poen ne, ɛmɔwɛne wɔ abandenden ne aso, ɛ́mɔdidi, ɛ́mɔno. O safohene mɔ, ɛ́mɔdwɔso! Ɛ́mɔfa ngoo bɛ́popa akokyɛm ne!

Yesaya 5:6

Ngɔmaa ɔkɔkakyi adangasa, mengɔdwaadwaa ye nwo, yeɛ mengɔbɔ ye nwo, nu kofu agurɛ ne mmowue. Asa koso, ngɔhyɛ munungum kyɛ nnɛmaa ɔtɔ esue gua so.

Hesekiel 31:15

“AWURADE Nyameɛ nwa nyoo: Kyẽa bɔ owuli hɔle ɛborɔ dɔ ne, mmaa besuni ye. Ɔnate ye ti, ngatale buma ne aso, na mamma ye nzue ne wanze. Nzili ye nzue pembepembe ne ate; na ɔnate ye ti, mama Lebanon ahera ɛsɛen tena; na ɔnate ye ti, eburo mmakaa mukoraa bɛ nwo tole.

Yoel 1:9

Bayakyi aleɛ afɔleɛ ne anonneɛ afɔleɛ bɔlɛ wɔ AWURADE awuro. Asɔfo bɔ bɛ yeɛ bɛte AWURADE somvoɛ mɔ ne, bedi aworabɔlɛ.

Yoel 2:14

Nwa yeɛ ɔse ɔ? Ebiaa okosa ye si kɔsesã ye adwene, ná wayakyi saleɛ wama ɛmɔ bɔ ɛmɔkɔfa bɛkɔbɔ aleɛ afɔleɛ ne anonneɛ afɔleɛ bɛkɔma AWURADE ɛmɔ Nyameɛ ɔ.

Maenbulɛfoɛ 5:23

AWURADE abɔfo nwa: Ɛ́mɔnoma Merose, ɛ́mɔnoma nu ama paa, ofikyɛ bamma ammoka AWURADE, bamma ammoka AWURADE maa wango wandia anwoserɛfoɛ nemɔ.

1 Samuel 10:1

Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe:

1 Samuel 31:1

Afei Filistifoɛ fale koɛ bɛɛtetale Yisrael. Yisrael mmienzua nwati fili Filistifoɛ nyunu, na bɛ nu pee totɔle wɔ Gilboa bokaa ne aso.

1 Samuel 31:8

Aleɛ hyene ne, Filistifoɛ hɔle kyɛ bɛkwaayeye Yisraelfoɛ bɔ bawuwu nemɔ bɛ nwo nningyein, na benwuni kyɛ Sɔɔlo ne ye mma mmienzua nza nemɔ batotɔ wɔ Gilboa bokaa ne aso.