2 Samuel 1:2 - AHYERƐLƐ KRONGRON

² Ye ɛlɛsa ne aso, biaa bie fili Sɔɔlo asikyeleɛ ne anu dɔ wale. Né ye ndaadeɛ nu asunzua, yeɛ né nnɛterɛ wɔ ye ti so. Oodwuli Dawide nyunu berɛ ne, ɔbɔle ye ti ase kotole ye.

2 Samuel 1:2 Iomraidhean Croise

Gyenesise 22:4

Ye ɛlɛsa ne aso, Abraham tole ye nye anwuro, na onwuni sɔ nekaa ne kyɛ ɔwɔ dedeede.

Gyenesise 37:29

Ruben sa wale abura ne anwo, na onwuni kyɛ Yosef nne nu ne, osunzuale ye ndaadeɛ nu;

Gyenesise 37:34

Yiti Yakob sunzuale ye ndaadeɛ nu, ɔfale ɛsɛen tena pɛle ye bo, na olili ɔwa ne wue nwo aworabɔlɛ ngyẽa pee.

Gyenesise 43:28

Bebuale ye kyɛ, “Yoo, w’akoaa bɔ ɔte yɛ baba ne, ye nwo te paa, na ɔtɛ te ase.” Na bɛbɔle bɛ ti ase bɛkotole ye.

2 Samuel 1:3

Na Dawide bisale ye kyɛ, “Nisua yeɛ efi bɔ ɛ́ba ye?” Yeɛ obuale ye kyɛ, “Manwati mafi Yisrael asikyeleɛ ne anu.”

2 Samuel 13:19

Yeɛ Tamar fale nzoen guale ye ti so, osunzuale ataadeɛ tendenn bɔ owura ye ne anu, na ɔfale ye sa guale ye ti so bɔle awuye fili berɛ hɔle.

2 Samuel 14:4

Braa bɔ ofi Tekoa ne wale Nana Dawide berɛ nen, ɔbɔle ye ti ase kotole ye, na osele kyɛ, “Nana, mesrɛ wɔ, boka me!”

2 Samuel 15:32

Dawide dwuli bokaa ne ti afia, wɔ nekaa bɔ mmenia sɔne Nyameɛ ne. Na mvum nu, Akiniɛ Husae wale ooyiale ye. Né wasunzua ye ndaadeɛ nu, na né wafa nnɛterɛ koso wayɛ ye ti so.

2 Samuel 24:20

Arayuna tole ye nye, na onwuni Nana Dawide ne ye mbanyi mɔ kyɛ bɛba ye nwo berɛ. Arayuna ooyiale bɛ, na ɔlale aseɛnwo berɛ fale ye nyunu butuli ase wɔ Nana Dawide nyunu.

2 Samuel 4:10

sona bɔ ɔɔbɔle me amaneɛ kyɛ Sɔɔlo awu ne, né ye adwene yɛ ye kyɛ ndɛenvɛen yeɛ ɔfa brɛ me ɔ. Nakoso ngyele ye nguni ye wɔ Siklage. Amaneɛ bɔ ɔɔbɔle ne, bɔ mva nduale ye so kerɛ hɔ ɛne.

Ɛseta 4:16

“Kɔboaboa Yudafoɛ bɔ bɛwɔ Susa mukoraa noa, ná ɛ́mɔgyina me gya nu bɛyɛ akɔngyere. Nnɛma ɛmɔdidi, yeɛ nnɛma ɛmɔno hwee, eyia ne kɔngɔen sɔ alaa ɛlɛsa. Me koso, me ne m’abaawa nemɔ yɛkɔyɔ sɔ ala. Ye si ye, ngɔhɔ Nana nyunu, ɔwɔ nu kyɛ otia mmeraa de, na sɛ ɔba kyɛ nwu a, maa nwu.”

Ɛseta 5:1

Ye ɛlɛsa ne aso, Ɛseta wurale ye ɛhemmaa ndaadeɛ, na oogyinane ahemvie ne akunu dɔ, wɔ Nana Ahasuro asaso ndendeneɛ so. Né Nana Ahasuro ɔte ye ahennie bia so wɔ ahemvie berɛ, wɔ ahemvie anoa ne ndendeneɛ so.

Edwein 66:3

Ɛmɔhã behyire Nyameɛ kyɛ, “Wɔ nnwumaa yɛ nwanwa! Ɔnate wɔ tumi kandinga ne ati, wɔ pɔfoɛ mɔ koto wɔ gya bo.

Hesekiel 27:30

bɛteatea nu besu wɔ, na besu hahii. Betu mvuture begua bɛ ti so, na bemunumunu bɛ nwo wɔ nzoen nu.

Hosea 6:2

Elenyɔ asi, ɔkɔmaa yɛkosa yɛkonya ngoa, yoo, ye ɛlɛsa ne aso, ɔkɔpagya yɛ, na yɛkɔtena ngoa nu wɔ ye nyunu.

Yoel 2:13

Ɛ́mɔsunzua ɛmɔ ahone nu, na nna ɛmɔ ndaadeɛ nu ɔ, ná ɛ́mɔsa bɛbra AWURADE ɛmɔ Nyameɛ berɛ. Ofikyɛ ɔdo mmenia na ɔse anwumvoin; ye ahone nhu ndɛ, ye ɔdɔ bɔ onni ngasi ne ɔsone, na ɔsesã ye adwene ɔtwe bɔne nwo asohwenɛ sa.

Mateo 12:40

Na kyɛbɔ Yona lili bonzu kunu ɛlɛsa eyia ne kɔngɔen ne, sɔ ala yeɛ Sona Awa ne koli aseɛ bo ɛlɛsa eyia ne kɔngɔen ɔ.

Mateo 16:21

Ofi sɔ mmerɛ ne, Yesu hyɛle ye bo hyirele ye asuafoɛ nemɔ kyɛ, odi kyɛ ɔkɔ Yerusalem ná okonwu amaneɛ pee wɔ maen mbanyi ne asɔfo mbanyi ne ahyerɛlɛfoɛ mɔ bɛ sa nu, ná beku ye, ná ye ɛlɛsa so otingye.

Yosua 7:6

Ɛhe mane Yosua sunzuale ye ndaadeɛ nu, na ɔfale ye nyunu butuli aseɛnwo wɔ AWURADE alaka ne nyunu toonn maa oodwuli nɔsoa. Ɔne Yisrael mbanyi yeɛ bɛyɔle sɔ ɔ, na betuli mvuture beguale bɛ ti so.

Nyekyire 3:9

Tie, ngɔfa bɛ bɔ befi Satan nyianu sua nu, bɔ bɛnwa bɛte Yudafoɛ, nakoso bɛtte sɔ ne, na mmom bɛpɛ ngondombo ne ngɔma wɔ. Tie, ngɔmaa bɛkɔɔkoto wɔ gya bo, ná banwu kyɛ mekuro wɔ dwirɛ.

1 Samuel 20:41

Abɛɛmaa ne fili berɛ hɔle pɛ yeɛ Dawide fili nyɔbotaen ne asi fitele ɔ. Ɔtole ye nwo yele aseɛnwo berɛ fale ye nyunu butuli berɛ, na ɔbɔle ye ti ase pɛen nza. Bɛtotɔle bɛ nwo nu, besuni, na Dawide aworabɔlɛ deɛ bole so.

1 Samuel 25:23

Mmerɛ bɔ Abigail nwuni Dawide nen, ofili afunum ne aso dwuli ase ndɛndɛ, ɔbɔle ye nu ase, na ɔfale ye nyunu butuli ase wɔ Dawide nyunu.

1 Samuel 4:12

Benyaminniɛ bie tuli amirika fili koɛ ne noa wale Silo sɔ kyẽa ne ala. Né wasunzua ye ndaadeɛ nu, yeɛ né wafa nnɛterɛ koso wagua ye ti so.

1 Samuel 4:16

Biaa ne sele Eli kyɛ, “Me yeɛ mafi koɛ noa mawa ne. Ɛnɛ ala yeɛ nwati mvili koɛ ne anu mmale ɔ.” Na Eli bisale ye kyɛ, “Mma, koɛ ne oosili sɛɛ?”