2 Samuel 1:10 - AHYERƐLƐ KRONGRON

¹⁰ Yiti ngɔle ye nwo berɛ ngɔ nguni ye, ofikyɛ, kyɛbɔ né osi la berɛ ne, nwuni kyɛ ongonya ngoa. Me mene, nduli ye abotire ne, yeɛ nyele ye bati kaa ne, na mafa mawa wa kyɛ méfa mebrɛ wɔ.”

2 Samuel 1:10 Iomraidhean Croise

2 Samuel 1:16

Na Dawide sele ye kyɛ, “Wɔ mogya kɔbɔ wɔ bɔbɔ wɔ ti so, ofikyɛ wɔ bɔbɔ ato wɔ noa nu tui aha abua wɔ nwo fɔ kyɛ, ‘Me yeɛ nguni sona bɔ AWURADE apopa ye ngoo ne ɔ.’ ”

2 Samuel 1:9

Yeɛ osele me kyɛ, ‘Bra me nwo wa baahu me; ofikyɛ m’ahone te, nakoso mennwu.’

2 Samuel 12:30

Otuli bɛ hene ne abotire fili ye ti so, na bɛfa bewurale Dawide. Né abotire ne anu nonɛ te sikaa kɔkorɛ kilo aburasa ne nna, na né pɔkoaa wura nu. Ɔfale koɛ nu nzesadeɛ pee fili kuro ne anu hɔle.

2 Ahemvo 11:12

Afei Yehoada yele Nana Ahasia awa ne fitele. Ɔfale ahennie abotire bɔle ye, na ɔfale Adanzeɛ nwomaa ne mane ye. Bɛbɔle ye ohomoo, na bɛfale ɛpopalɛ ngoo bɛpopale ye. Bɛbɔle bɛ sa nu bɛbɔle ese kyɛ, “Nana, wɔ ngoa so oo!”

Awuye 5:16

Y’ahennie abotire ne, watu wafi yɛ ti so. Edwirɛ ato yɛ oo, ɔnate kyɛ yayɔ bɔne!

Mateo 7:2

ɔnate kyɛ ndɛen horɛ bɔ ɛmɔkobua ne, ye ala yeɛ bɛkɔfa bekobua ɛmɔ ɔ; na nikye horɛ bɔ ɛmɔkɔfa bekosusu ne, ye ala yeɛ bɛkɔfa bekosusu bɛkɔma ɛmɔ ɔ.

Maenbulɛfoɛ 1:7

Yeɛ Adoni Beseke sele kyɛ, “Ahemvo aburasoo, bɔ mapepɛ bɛ sa kokotire ne bɛ gya kokotire, yeɛ né bɛsesa m’aleɛ bo mboporowa bedi ɔ. Bɔ mayɔ ne yeɛ Nyameɛ atua me so kerɛ ɔ.” Bɛfale ye bɛwale Yerusalem, na berɛ yeɛ owuli ɔ.

Maenbulɛfoɛ 9:54

Berɛ ne ala, Abimɛlɛke frɛle aberandeɛ bɔ otira ye akodeɛ ne sele ye kyɛ, “Twe wɔ ngrandɛ ná ku me, amaa mmenia banga bamva me nwo kyɛ, ‘Brasua yeɛ ohuni ye ɔ.’ ” Yiti aberandeɛ ne hwene ye ngrandɛ fa wɔle ye maa owuli.

1 Samuel 22:18

Na Nana Sɔɔlo sele Dɔɔgye kyɛ, “Wɔ Dɔɔgye, kɔ asɔfo nemɔ so kohũhũ bɛ!” Na Edomniɛ Dɔɔgye hɔle asɔfo nemɔ so oohuhuni bɛ. Sɔ kyẽa ne, ohuni mmenia aburawɔtwɛ ne nnu bɔ bewura ɔsɔfo ataadeɛ bɔ ɔte nwera ɔ.