2 Korintofoɛ 8:4 - AHYERƐLƐ KRONGRON

⁴ Na bɛkoto bɛsrɛle yɛ pee kyɛ yɛle b’akyɛdeɛ ne, ná yɛma bɛ koso bɛɛboka anwoteefoɛ nemɔ bie.

2 Korintofoɛ 8:4 Iomraidhean Croise

Mateo 10:42

Na ebiala bɔ ɔkɔma mmaa mmaa hemɔ anu ko nzue frɔlɔɔ kwangoa ko, ɔnate kyɛ onwu ye kyɛ ɔte suaniɛ ne ati nen, nahorɛ nu mekã mekyire ɛmɔ kyɛ, ye akatuaa ngɔbɔ ye.”

Mateo 12:50

Ofikyɛ ebiala bɔ ɔkɔyɔ me Baba bɔ ɔwɔ nyameɛso n’apɛdeɛ nen, ye yeɛ ɔte nniɛma bienzua ne nniɛma brasua ne me maame ɔ.”

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Marko 14:7

Ofikyɛ ɛmɔ ne ehiafoɛ wɔ berɛ daa, na mmerɛ biala bɔ ɛmɔkuro ne, ɛmɔkɔhora bɛkɔboka bɛ; nakoso me de, nna ɛmɔ ne me yeɛ bɛwɔ berɛ daa ɔ.

Asomafoɛ 11:29

Yiti asuafoɛ nemɔ yɛle kyɛ bɛ nu biala ɔkekã ye sa ase kãa kyɛbɔ ɔkɔhora ɔ, ná bɛfa bɔ bekonya ye ne bɛɛboka aliɛmaa mɔ bɔ bɛwɔ Yudea ɔ.

Asomafoɛ 16:15

Na ɔmaa bɛbɔle ye ne ye awuroama mukoraa asu beyiele nen, osele yɛ kyɛ, “Sɛ ɛmɔabu me kyɛ mede Awurade medi nahorɛ nu a, nzaade ɛmɔbra bɛɛtena m’awuro.” Na ɔhɔle so hane kyɛ yɛma yɛhɔ.

Asomafoɛ 24:17

“Na afei afoɛ pee asi, mmale kyɛ mebaayɛ me maen adɔeɛ ná mebɔ afɔleɛ mema Nyameɛ.

Romanfoɛ 15:31

ná ɔpepɛ le me fi bɛ bɔ benne nni bɔ bɛwɔ Yudea ne bɛ sa nu, ná me dwumadie bɔ mekwaali ye wɔ Yerusalem ne wasɔ anwoteefoɛ nemɔ nye;

1 Korintofoɛ 16:1

Ɔfa ndoboa bɔ bedide bɛkɔma anwoteefoɛ nwo nen, nhyehyɛleɛ bɔ mayɛ mama Galatia asɔre nemɔ ala yeɛ ɛmɔ koso ɛmɔli so ɔ.

1 Korintofoɛ 16:15

Aliɛmaa mɔ, ɛmɔse Setefana ne ye abusuafoɛ nwo dwirɛ; bɛ yeɛ belili moa bɛyɛle agyidifoɛ wɔ Akaia ɔ, na batu bɛ nwo basie berɛ bama anwoteefoɛ solɛ.

2 Korintofoɛ 9:1

Onhia po kyɛ mekyerɛ mmokalɛ bɔ yɛkwaafa yɛboka anwoteefoɛ ne nwo krataa mebrɛ ɛmɔ.

Galatiafoɛ 2:10

Bɛsrɛle yɛ nikyee komapɛ, kyɛ yɛkaye ehiafoɛ; na né ɛhe te nikyee bɔ mekuro kyɛ meyɔ ɔ.

Galatiafoɛ 6:10

Yiti mmerɛ bɔ atee wɔ berɛ ma yɛ ye de, ɛ́mɔma yɛyɔ mmenia amukoraa paa, nganga bɛ bɔ bɛwɔ agyidifoɛ abusua fekue ne anu ne.

1 Timoteo 5:10

bɔ bedi ye ne ye nnwumaa paa nwo adanzeɛ: kyɛ watete mmaa, kyɛ waso ɛwɔfoɛ mɔ, kyɛ wanwunzi anwoteefoɛ gya bo, kyɛ waboka bɛ bɔ bɛwɔ anwokyere nu, ɔne kyɛ watu ye nwo wasie berɛ wama nnwumaa paa mukoraa ɔ.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.