2 Korintofoɛ 8:3 - AHYERƐLƐ KRONGRON

³ Ofikyɛ bɛyele bɛ kunu bɛyɔle adɔeɛ kyɛbɔ bɛkɔhora ɔ, na medi bɛ nwo adanzeɛ kyɛ bɛmane bɔ ɔbo b’anwoserɛ so po.

2 Korintofoɛ 8:3 Iomraidhean Croise

1 Aberɛso Dwirɛ 29:9

Na maen ne nye gyele, ofikyɛ sɔ mmenia nemɔ bɛyele bɛ kunu sefaa bɛbɔle afɔleɛ. Bɛyɛle b’adwene ko bɛyele bɛ kunu bɛbɔle afɔleɛ bɛmane AWURADE. Na Nana Dawide koso nye gyele paa.

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Ɛksadɔso 35:29

Na Yisrael mmienzua ne mmrasua mukoraa bɔ edwirɛ ne kanyane bɛ kyɛ bɛ́fa nningyein bɛɛboka adwuma bɔ AWURADE nate Mose so wahyɛ bɛ kyɛ bɛyɔ nen, bɛfale b’akyɛdeɛ afɔleɛ nningyein bɛbrɛle AWURADE.

Ɛksadɔso 35:5

ɛ́mɔkeka bɛ sa ase bɛ́fa ayɛyelɛ nningyein bɛbrɛ AWURADE. Na ebiala bɔ ye kunu sefaa ne, maa ɔfa ayɛyelɛ nningyein hemɔ brɛ AWURADE: esikaa kɔkorɛ, ɛdwetɛ, kɔɔbere;

Marko 14:8

Bɔ ɔkɔhora ye yɔ yeɛ wayɔ ye; wali moa wapopa me nipadua wafa wanwondɛ me sielɛ.

Asomafoɛ 11:29

Yiti asuafoɛ nemɔ yɛle kyɛ bɛ nu biala ɔkekã ye sa ase kãa kyɛbɔ ɔkɔhora ɔ, ná bɛfa bɔ bekonya ye ne bɛɛboka aliɛmaa mɔ bɔ bɛwɔ Yudea ɔ.

Romanfoɛ 10:2

Medi bɛ nwo adanzeɛ kyɛ bele Nyameɛ nwo dɔ; nakoso bɛ mmɔdenbɔlɛ ne oggyi nahorɛ nimdeɛ so.

1 Korintofoɛ 16:2

Dapɛn biala nu kyẽa bɔ oli moa ne, ɛmɔ nu biala ɔ́fa bɔ Nyameɛ afa alo ye ne bie osie, amaa sɛ meba a, ye nwo anhia kyɛ ɛmɔkɔkekã bɛ sa ase ɔ.

1 Korintofoɛ 9:17

Sɛ me bɔbɔ me pɛ yeɛ mefa mekã nzɛmba ne a, ye po mefata akatuaa, nakoso sɛ nna me bɔbɔ me pɛ yeɛ mefa mekã hɔ a, nzaade bɔ bafa bawura me sa ne ala yeɛ meyɔ ne.

Galatiafoɛ 4:15

Afei anika bɔ ɛmɔnyane ye ne wɔ ni? Ofikyɛ medi ɛmɔ nwo adanzeɛ kyɛ sɛ ɔkɔyɛ yé po a, ahaa ɛmɔtutuli ɛmɔ nye bɛmane me.

Filipifoɛ 2:13

ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.

Kolosefoɛ 4:13

Medi ye nwo adanzeɛ kyɛ wabɔ mmɔden paa wama ɛmɔ ne Laodikeafoɛ ne Hirapolifoɛ.

1 Tɛsalonikafoɛ 2:8

Na ɔnate ɛmɔ nwo dɔ bɔ yɛle ye ne ati, nna Nyameɛ nzɛmba ne ngome yeɛ yɛhã yɛhyirele ɛmɔ ɔ, na mmom yɛfale yɛ nwo yɛbɔle afɔleɛ koso yɛmane ɛmɔ, ofikyɛ yɛhurole ɛmɔ dwirɛ soma.

Filemɔn 1:14

nakoso menguro kyɛ ngɔfa wɔ si ngɔyɔ nikyee biala ɔ, ná wɔ paayɛlɛ ne anyɛ kyɛ mehyɛ wɔ ɔ, na mmom wafi w’ahone nu.

1 Petro 4:11

Sɛ ebie dwudwo a, maa ɔhã ye kyɛ Nyameɛ noa dwirɛ ɔ; sɛ ebie ɔyɔ ɛsolɛ adwuma a, maa ɔfa anwoserɛ bɔ Nyameɛ afa ama ye ne ɔso; amaa ɔnate so bafa Yesu Kristo so bahyɛ Nyameɛ animnyam wɔ nningyein amukoraa nu. Ye yeɛ animnyam ne tumi te ye deɛ daa daa ɔ. Amen.

1 Petro 5:2

ɛ́mɔnea Nyameɛ mmoaen kure bɔ owura ɛmɔ sa ne aso, bɔ nna nhyɛsoɛ so ɔ, na mmom kyɛ ɛmɔkofia ɛmɔ kunu bɛkɔnea bɛ so kyɛbɔ Nyameɛ pena ɔ; bɔ nna adifuu ti ɔ, na mmom kyɛ ofi ɛmɔ ahone nu ti ɔ;