2 Korintofoɛ 7:9 - AHYERƐLƐ KRONGRON

⁹ Na kekesaala ye de me nye ahã, nna kyɛ ɛmɔ wora bɔ ɔbɔle ne ati ɔ, na mmom ɛmɔ aworabɔlɛ ne maa ɛmɔnyane adwenesakyera. Ofikyɛ Nyameɛ fale ɛmɔ aworabɔlɛ ne aso lili dwumaa, yiti yanyɛ ɛmɔ tɛɛ biala.

2 Korintofoɛ 7:9 Iomraidhean Croise

Edwein 38:18

Mefa m’amumuyɛɛ meto dwaa, na medi yealɛ wɔ me bɔne nwo.

Nworɛ Dwirɛhanɛniɛ 7:3

Aworabɔlɛ te paa tra ɛserelɛ, wɔ nyunu yɛ anwumvoin anwumvoin de, nakoso wɔ wora kyekye.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Mateo 3:8

Odi kyɛ ɛmɔyɔ bɔ okyire kyɛ ɛmɔasakyera ɛmɔ adwene amba ɔ.

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Luka 15:32

Ɔsɛ kyɛ yɛgye yɛ nye ná yɛmaa ɔyɛ yɛ fɛ ɔ, ofikyɛ eliɛma ye, owuli, na watingye; ominini, na manwu ye.’ ”

Luka 15:7

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba nyameɛso tra bɔ ɔba mmenia tenenee aburahona ne ngona bɔ benhia adwenesakyera nwo ɔ.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 2:16

Sɔ ayirefona ne te ewue pambaen bɔ ɔkɔ wue nu ma ebiemɔ; nakoso ebiemɔ de, ɔte ngoa fona bɔ ɔkɔ ngoa nu ɔ. Na nwa yeɛ ɔfata ɛhemɔ ɔ?

2 Korintofoɛ 7:8

Sɛ mvale me krataa ne mmamɔle ɛmɔ wora po a, nnuni me nwo, nakoso kekesaala ye de nnnuni me nwo. Ofikyɛ manwu kyɛ sɔ krataa ne mane ɛmɔ wora bɔle wɔ mmerɛ kãa bie ala.