2 Korintofoɛ 7:7 - AHYERƐLƐ KRONGRON

⁷ Nna ye walɛ ne angome, na mmom aworakyekyerɛ bɔ onya fili ɛmɔ berɛ ne koso boka so. Ofikyɛ ɔbɔle yɛ amaneɛ kyɛ ɛmɔ wora dɔ me, aworabɔlɛ aha ɛmɔ, na ɛmɔgyi me si, na ɛhe maa nyane anika mmorosoɛ.

2 Korintofoɛ 7:7 Iomraidhean Croise

Edwein 141:5

Ma teneneeniɛ ɔbo me, ná ohwi me nyunu wɔ ɔdɔ nu. Nnɛmaa bɔnefoɛ bɛfa bɛ ngoo bɛpopa me ti so, ofikyɛ mebɔ mbaeɛ daa metia b’amumuyɛɛ ne.

Edwein 30:5

Ofikyɛ ye ɛyaafɛlɛ ndena berɛ ngyɛ, na ye anwumvoinnwunɛ wɔ berɛ ma sona mmerɛ bɔ sona ne te ase amukoraa. Sona poro moen kɔngɔen amukoraa, nakoso aleɛ kye a, onya anika.

Edwein 38:18

Mefa m’amumuyɛɛ meto dwaa, na medi yealɛ wɔ me bɔne nwo.

Edwein 51:1

Ao Nyameɛ, gyina wɔ ɔdɔ bɔ onni ngasi ne aso ná nwu me anwumvoin, gyina w’anwumvoinnwunɛ kandinga ne aso, ná kyikyi me mmeraatolɛ.

Mateo 26:75

Na Petro kayele edwirɛ bɔ Yesu hã hyirele ye ne, kyɛ, “Akɔ ngɔbɔ né ahã ye pɛen nza kyɛ ɛnze me.” Na ofite hɔle oosuni hahii.

Mateo 5:4

“Bɛ bɔ bɛ wora abɔ ne banya saleɛ, ofikyɛ bɛ yeɛ bɛkɔkyekye bɛ wora ɔ.

Luka 22:44

Né Yesu wora abɔ soma, na ɔhɔle so mane ye mbaeɛbɔlɛ nu yɛle se. Na ye nwo mvifire ne yɛle kyɛ mogya bɔ ɔpepe gua ase ɔ.]

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Romanfoɛ 1:12

mekyire kyɛ, ɔnate ɛmɔ gyidie ne me deɛ so, yɛ mukoraa yɛkonya aworakyekyerɛ wɔ yɛ nu.

1 Korintofoɛ 5:2

Nakoso ɛmɔhoahoa bɛ nwo! Ɛmɔ wora mmom yeɛ ɔsɛ kyɛ ɔbɔ ɔ, ná ɛmɔye sona bɔ wabɔ sɔ musue ne befi ɛmɔ nu.

2 Korintofoɛ 1:14

kyɛbɔ ɛmɔate yɛ bo bue bue ne, amaa ɔnate so ɛmɔafa yɛ bahoahoa ɛmɔ nwo kyɛbɔ yɛ koso yɛkɔfa ɛmɔ yɛkɔhoahoa yɛ nwo wɔ Awurade Yesu kyẽa ne.

2 Korintofoɛ 1:4

bɔ ɔkyekye yɛ wora wɔ y’amaneɛnwunɛ mukoraa nu, amaa yɛ koso yahora yafa aworakyekyerɛ bɔ Nyameɛ fa kyekye yɛ wora ne yakyekye bɛ bɔ benwu amaneɛ ahoroɔ ɔ bɛ wora.

2 Korintofoɛ 2:9

Na ɛhe ati yeɛ ɔmaa ngyerɛle krataa ye ɔ, amaa ɔnate so maso ɛmɔ manea sɛ ɛmɔayɛ sotie wɔ nningyein mukoraa nu a.

2 Korintofoɛ 5:2

Ɛtena sua he anu de, yɛpene, ofikyɛ yɛpere kyɛ bɛkɔfa nyameɛso awuro ne bekopuro bɔ yɛte nu ne aso.

2 Korintofoɛ 7:6

Nakoso Nyameɛ bɔ ɔkyekye bɛ bɔ bɛ wora abɔ wora ne, ɔfale Tito walɛ ne aso kyekyele yɛ wora.

2 Korintofoɛ 7:8

Sɛ mvale me krataa ne mmamɔle ɛmɔ wora po a, nnuni me nwo, nakoso kekesaala ye de nnnuni me nwo. Ofikyɛ manwu kyɛ sɔ krataa ne mane ɛmɔ wora bɔle wɔ mmerɛ kãa bie ala.

2 Korintofoɛ 8:16

Yɛda Nyameɛ ase kyɛ wafa ɛmɔ nwo mmɔden bɔ yɛbɔ ne ala wawura Tito ahone nu ɔ.

Filipifoɛ 1:20

kyɛbɔ m’anyelasoɛ paa ne nikyee bɔ menea ye ate ne ɔte ne, kyɛ me nyunu ngogua ase wɔ nikyee biala nu, na mmom ngonya ahoneserɛ, kyɛbɔ daa ɔte ne, kekesaala ye koso, na sɛ nde ase oo, sɛ mewu oo, bɛkɔkamvo Kristo wɔ me nipadua nu.

Kolosefoɛ 2:5

Ɔwɔ nu kyɛ anwoɔnaen nu de nna me ne ɛmɔ yeɛ yɛwɔ dɔ ɔ, nakoso me ne ɛmɔ yɛwɔ dɔ sunzum nu. Na ɔyɛ me fɛ kyɛ ɛmɔgyi berɛ pindinn ná ɛmɔ gyidie koso atindim wɔ Kristo nu ɔ.

1 Tɛsalonikafoɛ 3:6

Nakoso afei de, Timoteo afi ɛmɔ berɛ wasa wawa yɛ wa, na wafa ɛmɔ gyidie ne ɔdɔ nwo dwirɛ fɛɛ waabɔ yɛ amaneɛ kyɛ daa ɛmɔkaye yɛ paa, na ɛmɔ wora dɔ yɛ, kyɛbɔ yɛ koso yɛ wora dɔ ɛmɔ ne ala.

1 Tɛsalonikafoɛ 3:8

ofikyɛ, sɛ ɛmɔgyina pindinn wɔ Awurade nu a, né afei yanya ngoa.

Hebrifoɛ 2:1

Ye sɔ ne ati, odi kyɛ yɛsɔ nahorɛ dwirɛ bɔ yate ne anu yé ná yammini.

Yakobo 5:17

Né Elia te sona kyɛ yɛ ala, na ɔbɔle mbaeɛ serɛserɛ kyɛ nnɛma esue tɔ, na esue andɔ aseɛ so alaa afoɛ nza ne bosome nzia.

2 Yohane 1:4

Ɔyɛle me fɛ paa, kyɛ nwuni kyɛ wɔ mma nemɔ bie nate nahorɛ ne anu kyɛbɔ Baba ne hyɛle yɛ ne ala.

Yuda 1:3

Aliɛmaa mɔ, mabɔ mmɔden amukoraa kyɛ mekyerɛ ngoalelɛ bɔ yɛ mukoraa yanya ye ne nwo dwirɛ mebrɛ ɛmɔ, na ye nwo ahia kyɛ mekyerɛ mebrɛ ɛmɔ, ná metu ɛmɔ foɛ, kyɛ ɛ́mɔpere bégyina pindinn bɛ́ma gyidie bɔ bafa bama anwoteefoɛ pɛnko ne.