2 Korintofoɛ 7:5 - AHYERƐLƐ KRONGRON

⁵ Mmerɛ bɔ yɛhɔle Makedonia nen, yɛfɛle yɛ nwonaen nu paa, na ɛhawo wale yɛ so wɔ nekaa biala: ngondii pɛle yɛ nwo yiale, na yɛ bɔbɔ yɛ nu koso ɛserɛ hane yɛ.

2 Korintofoɛ 7:5 Iomraidhean Croise

Gyenesise 8:9

nakoso abubure ne annya neka fee wandena, yiti osa wale Nowa berɛ wɔ ɛlɛen alaka ne anu, ofikyɛ né nzue ne afa aseɛ so amukoraa. Yiti Nowa tengyɛle ye sa sɔle ye nu, na ɔfale ye wale ye nwo berɛ wɔ ɛlɛen alaka ne anu.

YOB NWOMAA NE 18:11

Ahunundetelɛ kɔtɔ ye so wɔ nekaa biala, na ahunundetelɛ kɔfoa ye koli ye si.

Yesaya 33:12

Maen maen mɔ bɛkɔyera bɛkɔtɔ nzoen kyɛ mmakaa mmowue bɔ bapepɛ, bɔ bɛkɔyera ye see nu ɔ.”

Yeremia 20:10

Mate kyɛ mmeni pee bɛ́yɛ nwuhunwuhu kyɛ, “Anwunanwuna apɛ yɛ nwo ayia, Ɛmɔhã dwirɛ betia ye! Ɛ́mɔma yɛhã dwirɛ yɛtia ye!” Mmenia amukoraa bɔ me ne bɛ yɛnnyane edwirɛ biala ne, bɛpena m’asefinɛ, na bɛnwa: “Ebiaa ɔkɔmaa yɛkɔlakalaka ye, yɛkoli ye so ngonim, ná yatɔ ye so wereɛ.”

Yeremia 45:3

Ɛnwa, ‘Edwirɛ ato me oo! Ofikyɛ AWURADE wafa aworabɔlɛ waboka me yealɛ so; mapene mafɛ, na mennya me nwome menne.’

Yeremia 6:25

Nnɛma ɛmɔkɔ buro, yeɛ nnɛma ɛmɔnate atee so; ofikyɛ pɔfoɛ nemɔ ngrandɛ ne ahunundetelɛ bapɛ ɛmɔ nwo amukoraa bayia.

Yeremia 8:18

M’anigye atu amini, aworabɔlɛ atira me, me kra wora abɔ wɔ me nu.

Asomafoɛ 20:1

Nziɛ ye bɔ basabasa ne noa dwole ase ne, Pɔɔlo frɛle agyidifoɛ nemɔ maa beyiale; otuli bɛ foɛ na ɔne bɛ lili ngraa, na afei ɔhɔle Makedonia.

Romanfoɛ 15:26

Ofikyɛ Makedonia ne Akaia asɔremma banya anika bakekã bɛ sa ase kyɛ ngɔmva mmoka anwoteefoɛ ehiafoɛ bɔ bɛwɔ Yerusalem ne.

1 Korintofoɛ 15:31

Mesi ye pi mekyire ɛmɔ, aliɛmaa mɔ, ɔnate kyɛ mefa ɛmɔ mehoahoa me nwo wɔ y’Awurade Yesu Kristo nyunu ne ati, ewue li me mvanvando daa biala.

1 Korintofoɛ 16:5

Ngɔfa Makedonia koraa né mawa ɛmɔ berɛ, ofikyɛ mayɛ m’adwene kyɛ ngɔfa Makedonia.

2 Korintofoɛ 2:13

Nakoso wanyɛ me fɛ paa biala, ofikyɛ mannwu nniɛma Tito wɔ berɛ. Yiti ngrale berɛ ama, na nzili nu ngɔle Makedonia.

2 Korintofoɛ 2:3

Na ɛhe ati yeɛ ɔmaa ngyerɛle ɛmɔ krataa hene ɔ, amaa sɛ meba a, mmenia bɔ ɔsɛ kyɛ bɛgyegye me nye ne, bamma me wora ammɔ. Ofikyɛ mede ɛmɔ amukoraa medi kyɛ sɛ me nye gye a, né ebiala nye agye.

2 Korintofoɛ 2:9

Na ɛhe ati yeɛ ɔmaa ngyerɛle krataa ye ɔ, amaa ɔnate so maso ɛmɔ manea sɛ ɛmɔayɛ sotie wɔ nningyein mukoraa nu a.

Galatiafoɛ 4:11

Mesuro kyɛ ebiaa ɛmɔ nwo fɛɛ bɔ mafɛ ne ayɛ mbaen.

Deuteronomi 32:25

Bɛ mma kɔtotɔ ngrandɛ noa wɔ dwaaso, na ɛserɛ kɔha bɛ wɔ sua nu. Mmerandeɛ ne ndaluwa kowuwu, nnɔma ne mbanyi bɔ bafu gyein koso sɔ ala.

1 Tɛsalonikafoɛ 3:5

Ɔnate ɛhe ati, mmerɛ bɔ né mesɔ nu a ɔnzɔ ne, nzomane ye kyɛ ɔɔnea kyɛbɔ ɛmɔ gyidie si gyi ɔ; na mesuro kyɛ ebiaa né abɔnzam aso ɛmɔ anea ama y’adwuma bɔ yɛyɔle ne wayɛ mbaen.