2 Korintofoɛ 7:3 - AHYERƐLƐ KRONGRON

³ Menga he memmua ɛmɔ foɛ, ofikyɛ mali moa mahã kyɛ ɛmɔbata y’ahone nwo, bɔ sɛ ewue nu oo, ngoa nu oo, yɛne ɛmɔ ala.

2 Korintofoɛ 7:3 Iomraidhean Croise

2 Korintofoɛ 11:11

Nzu ati ɔ? Aso menguro ɛmɔ dwirɛ hɔ ɔ? Nyameɛ yeɛ ɔse ɔ.

2 Korintofoɛ 12:15

Na me de, ɔkɔyɛ me fɛ kyɛ ɔnate ɛmɔ kra ti ngɔhwere me nikyee biala, ɔne me bɔbɔ me mumua ne. Na sɛ mekuro ɛmɔ dwirɛ pee sɔa a, né nzu ati yeɛ ɛmɔ de ɛmɔkuro me dwirɛ kãa bie ɔ?

2 Korintofoɛ 13:10

Yiti mekyerɛ krataa he mebrɛ ɛmɔ wɔ mmerɛ bɔ nne ɛmɔ berɛ ɔ, amaa sɛ meba a, Awurade tumi bɔ wafa wama me ne, mamva so me ne ɛmɔ yanni ye weewee. Ofikyɛ nna ɛmɔ asefinɛ, na mmom ɛmɔ ngɔsoɛ ti yeɛ nyane sɔ tumi ne ɔ.

2 Korintofoɛ 3:2

Ɛmɔ ole yɛ nwo adanzeɛ krataa bɔ bahyerɛ ye wɔ y’ahone nu ɔ, bɔ mmenia mukoraa nwu ye ná bɛkenga ɔ;

2 Korintofoɛ 7:12

Nna bɔ wayɔ ebie tɛɛ, anaa bɔ ebie ayɔ ye tɛɛ ti yeɛ ngyerɛle krataa ne mmrɛle ɛmɔ ɔ; na mmom ngyerɛ mmrɛle ɛmɔ, kyɛbɔ ɔkɔyɛ ná mmɔden bɔ ɛmɔbɔ wɔ yɛ nwo ne ala ali ama ɛmɔ wɔ Nyameɛ nyunu.

Filipifoɛ 1:7

Ɛmɔla m’ahone nwo, yiti ɔte paa kyɛ medwene ɛmɔ amukoraa nwo sɔ ɔ. Ofikyɛ ɛmɔ amukoraa ɛmɔ ne me yanya kyɛfa wɔ adom ne anu, me kuku nu nnaa nu, ɔne mmerɛ bɔ ngyinane pindinn mane nzɛmba ne, ná nzili so ngane ne.

1 Tɛsalonikafoɛ 2:8

Na ɔnate ɛmɔ nwo dɔ bɔ yɛle ye ne ati, nna Nyameɛ nzɛmba ne ngome yeɛ yɛhã yɛhyirele ɛmɔ ɔ, na mmom yɛfale yɛ nwo yɛbɔle afɔleɛ koso yɛmane ɛmɔ, ofikyɛ yɛhurole ɛmɔ dwirɛ soma.