2 Korintofoɛ 6:3 - AHYERƐLƐ KRONGRON

³ Yɛndo ebiala sundidua, ná ebiala angã yɛ som ne nwo dwirɛ tɛɛ.

2 Korintofoɛ 6:3 Iomraidhean Croise

Mateo 17:27

Nakoso, kyɛbɔ ɔkɔyɛ bɔ yɛngɔyɛ sundidua yɛngɔma bɛ ne ati, kɔ ɛpo nu kɔto koaa; na tiré bɔ ekoli moa kɔhye ye ne, sɛ ebukye ye noa nu a, ekonwu sikaa prɛnprɛn wɔ nu, na fa kotua me ne wɔ yɛ deɛ.”

Mateo 18:6

“Na ebiala bɔ ɔkɔto ngwadaammaa hemɔ bɔ bede me bedi ye anu ko sundidua nen, ahaa ɔte paa ma sɔ sona ne kyɛ bɛkɔfa nyɔboɛ kandinga bɔ bɛfa beti aburoo bekosinze ye kɔme, ná bagyi ye bato ɛpo buma nu maa wamono ɔ.

Asomafoɛ 19:27

Na bɔ mesuro ole kyɛ, nna y’adwuma he angome yeɛ ɔbaasɛkye ɔ, na mmom bosoen kokuroko Ateme asɔneyɛɛ sua ne yeɛ mmenia mmamva nyɛ hwee ko ɔ. Afei koso bosoen n’animnyam bɔ Asia amukoraa ɔne ewiase amukoraa fa sɔne ye ne baabɔ ye.”

Romanfoɛ 14:13

Yiti ɛ́mɔma yɛyakyi kyɛ yɛkobua yɛ nwo yɛ nwo ndɛen ɔ. Na mmom ɛ́mɔma yɛyɛ y’adwene kyɛ yɛngɔfa pambim anaa sundidua yɛngɔto yɛ biɛngo atee nu ɔ.

1 Korintofoɛ 9:12

Sɛ ebiemɔ le atee bɛkora benya nningyein befi ɛmɔ berɛ a, né yɛ de yɛlle ye nwo ate kyɛ yɛnya bɔ ɔtra sɔ anaa? Nakoso yɛ de, yamva sɔ atee ne aso; na mmom yɛmiane yɛ nye yɛpenene nikyee biala so, kyɛbɔ ɔkɔyɛ na yanzi Kristo nzɛmba ne nwo atee ɔ.

1 Korintofoɛ 9:22

Nyɛle me nwo kyɛ meyɛ mmerɛ wɔ gyidie nu mane bɛ bɔ bɛyɛ mmerɛ wɔ gyidie nu ne, amaa me sa ahã bɛ bɔ bɛyɛ mmerɛ wɔ gyidie nu ne. Mayɛ mmenia mukoraa bɛ sona, kyɛbɔ ɔkɔyɛ ná atee biala aso, mama bɛ nu biemɔ banya daa ngoa ɔ.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 8:20

Yɛmbena kyɛ ebiala nya yɛ nwo dwirɛ tɛɛ kã fa sɔ adɔeɛ nningyein bɔ yɛnea so ye nwo.