2 Korintofoɛ 5:4 - AHYERƐLƐ KRONGRON

⁴ Ofikyɛ mmerɛ bɔ yɛwɔ ɛtena sua he anu ye de, yɛpene. Nna kyɛ ebiaa yɛpena kyɛ bepuro befi yɛ nwo ɔ, na mmom yɛpena kyɛ bɛfa nyameɛso deɛ ne bepuro so, amaa ngoa abungam bɔ owu so bɔkɔɔ.

2 Korintofoɛ 5:4 Iomraidhean Croise

Yesaya 25:8

Okonunu ewue boso kofi berɛ afebɔɔ. AWURADE Nyameɛ kokyikyi ebiala nye moen, na ɔkɔye ye maen animguaseɛ kofi aseɛ so amukoraa; ofikyɛ AWURADE noa dwirɛ ɛne!

Yesaya 38:12

Batutu m’atenaleɛ ne abo bafi me nwo bahɔ, kyɛ mmoaenneafoɛ ɛtena sua; kyɛbɔ sona bɔ ɔnwo ɛtena ɔ ɔyɔ ne, sɔ ala yeɛ mabobɔ me ngoa o; wate me wafi bakaa bɔ bɛnwo ɛtena wɔ so ne anwo; na ɛma me ngoa ohi fi alehyeleɛ kodwu alesaleɛ.

Romanfoɛ 8:23

Nakoso nna abɔdeɛ ngome, na mmom yɛ bɔbɔ koso bɔ yanya Sunzum nu mmaa bɔ oli moa ne, yɛpene wɔ yɛ nu, mmerɛ bɔ yɛnwondɛ kyɛ bɛkɔfa yɛ bɛkɔyɛ mmaa ɔ, bɔ ɔte ɛpepɛlɛ bɔ bɛkɔpepɛ bekole yɛ nipadua ne ɔ.

1 Korintofoɛ 15:51

Ɛmɔtie, mekã mvealeɛ nu dwirɛ mekyire ɛmɔ; yɛ mukoraa yɛngɔlela, na yɛkɔkakyi.

2 Korintofoɛ 5:2

Ɛtena sua he anu de, yɛpene, ofikyɛ yɛpere kyɛ bɛkɔfa nyameɛso awuro ne bekopuro bɔ yɛte nu ne aso.

2 Korintofoɛ 5:3

Na sɛ yɛfa nyameɛso deɛ ne yɛpuro so a, yɛ nwo ngɔla so.

2 Petro 1:13

Na mmerɛ bɔ nwɔ ɛtena sua ye anu ye de, menea a, ɔte paa kyɛ ngɔbɔ ɛmɔ so maa ɔkɔkanyane ɛmɔ ɔ,